Þá er maður farin að vinna eins og brjálæðingur og er það bara fínt finnst mér! Það eru alltaf sendir starfsmenn frá póstinum í Nóatúnsbúðirnar og var ég svo "heppin" að lenda einmitt í því. Þannig að fram að jólum er hægt að finna mig í Nóatúni í Grafarvogi ;) Framundan er bara vinna og meiri vinna... tja eða svona fyrir utan smá frí sem ég fæ í kringum útskrift sem er 21. des.... er búin að redda mér fríi 20 og 21 sem er AFAR ljúft! verð að vinna á aðfangadag en mér finnst ekkert að því enda búin um 12 leytið. Talandi um útskrift þá er ég búin að máta nánast hverja einustu flík í Smáralind og fengið perfect aðstoð og þjónustu en ekkert keypt! Vandamálið er nefnilega það að það eru svo ótrúlega falleg föt sem koma til greina að ég get ómögulega valið og öll Kringlan er eftir! Pælið í því !! :D
Lítið hefur verið um djamm uppá síðkastið en verður nú bætt upp fyrir það undir lok mánaðarins... ;) meira um það seinna... blikk blikk!
Ég er næstum búin að tala Skafta til með að fara að æfa dans með mér og munum við þá byrja spræk á næsta ári ... ég er að segja ykkur það að það verður klikkað fjör!
Jæja... helgin hálfnuð og ég hugsa að kvöldið í kvöld verði bara rólegt og huggulegt með kallinum, kúseligt eins eins og svíar eða einhverjir segja :D heheh

Jájájájájá... einstaklega gaman að þessu lífi... allt að ganga upp hjá mér á ný og til að krydda þetta aðeins með smá væmni, þá er ég einfaldlega ótrúlega hamingjusöm núna! Búin að fá vinnu í póstinum, verð í afgreiðslu þannig að endilega koma til mín þegar þið sendið jólakortin og svona, þannig að maður fái eitthvað að sjá ykkur. Það er reyndar ekki alveg komið á hreint hvar ég verð en það kemur allt á hreint í næstu viku... Villi bró kemur heim 18. og verður gaman að sjá hann aftur enda long time no see. Útskriftin verður svo 21. des klukkan 16.00 og verð ég hugsanlega með smá veislu um kvöldið fyrir fólkið enda merkur áfangi hjá manni ;) Var einmitt á Selfossi í dag og amma bað mig vinsamlega um að velja gjöfina núna þannig að ég fengi eitthvað sem ég vildi og væri ánægð með, og eftir laaaaangan tíma hjá gullsmiðnum ( sem átti ALLT of mikið af fallegum hlutum!) gat ég loksins ákveðið mig og er ég ekkert smá sátt við það! amma vildi endilega láta pakka því inn og hafði ég nú bara gaman að því. Þannig að ég var bara að vesenast á Selfossi og Hveragerði í dag og var það alveg ágætis tilbreyting, enda langt síðan maður hefur kíkt austur fyrri fjall.
Svo er maður bara eitthvað búin að vera að dunda sér þessa dagana enda engin próf hjá mér, hí á ykkur :P Náði lokaáfanganum í bókfærslunni með ótrúlegri ÁTTU takk fyrir og held ég að það sé svei mér þá eitthvað sem ég er mest stoltust af í mínu námi í MH! ;)
Ætlaði að segja eitthvað meira en er að pæla í að koma mér núna og kem þá bara með meira seinna.... Njótið lífsins krúttin mín!

afhverju man ég ekki eftir þegar þessi mynd var tekin á föstudaginn ?!?
:)

jæja... bara komið að dimmisiondjammi á ný... eða það verður semsagt á föstudaginn á kaffi kúltur.... við erum svo menningarleg hérna í MH :D heheh.... en já það verður tekið vel á því nk. föstudag, enda kominn tími til... er búin að vera svo róleg síðustu tvær helgar... síðasta helgi fór að mestu leiti bara í rólegheit og lærdóm... við Ottó kíktum reyndar á vínsýningu á laugardaginn sem var á Nordica hótel og þar var hellingur að fólki sem var bara komið til að detta í það sko... það var ekkert verið að súpa og spýta eins the professional gera , heldur voru margir sem kusu að sleppa því að spýta !! :D en þetta var fínt... fengum vínglös, upptakara og boli gefins þannig að við græddum eitthvað á því að fara, svona fyrir utan veitingar og menningarlega sjónarhornið ;) hehhe...
Á morgun er svo komið að því að maður geti sagt að þetta sé síðasti miðvikudagurinn ever í menntaskóla og er það mjööööög ánægjulegt....
úbbs tíminn búinn.... meira seinna...

Díses... bara strax farið að líða að helgi á ný.... ekki það að ég sé að kvarta samt :D heheh ! alltaf gaman um helgar hjá manni... svona eins og til dæmis síðustu helgi þar sem ég og Vala skelltum okkur í reunionið og var það bara nokkuð gaman sko þó svo að maður mundi ekki eftir alveg öllum, sem er frekar skrýtið þar sem ég er frekar mannglögg... en það getur nú líka verið boozeinu að kenna... ! :) maður var orðinn vel skrautlegur þegar líða tók á kvöldið enda byrjuðum við Vala snemma í því og var ég orðin býsna hress í partýinu hjá Gulla seinna um kvöldið en það var einmitt mjög mikið stuð í því partí... mikið var um að fleiri væru að skemmta sér í Breiðholti og svo voru það auðvitað sumar sem héldu sig við bæjarlífið.... hmmm... hverjar ætli það hafi verið ? ;) held að það sé kominn tíma á smá pásu frá drykkju enda VEL tekið á því síðustu helgi... :)
svo er víst þannig mál með vexti ef ég ætla mér að ná að útskrifast, verð ég að vera hörkudugleg núna síðustu vikurnar og planið er að vera það, þannig það er bara harkan sex núna sko ! fór einmitt í húfumælingu á þriðjudaginn og þá fór maður að hugsa um að þetta fer alveg að skella á... maður þarf að fara að finna sér föt, panta myndatöku, undirbúa veislu og þess háttar... ekki seinna vænna enda verður þetta fljótt að líða ! :)

"you had me, you lost me... " með ólíkindum hvað þetta sönglar alveg endalaust í kollinum á mér þar sem það hefur akúrat enga þýðingu lengur fyrir mér... allavega... á það mjög mikið til að fá lög á heilann og vera að söngla þau endalaust :S en það er heldur betur farið að lengjast á milli færslna hjá mér, það er nú ýmsu hægt að kenna um það en já þessi vika er búin að vera frekar annasöm og ekki verður sú næsta neitt vægari ! en þar sem maður lítur nú alltaf á björtu hliðarnar í lífinu þá verð ég búin með menntaskólann eftir mánuð og komin í smá pásu frá lærdómi. Erum á fullu að undirbúa lokaverkefni í öllum fögum og er mikið að því á mjög listrænan hátt :D um að gera að hafa smá gaman að þessu líka ! svo fer ég bara í eitt lokapróf en tek það núna 17. nóv þannig að ég slepp við öll próf á prófdögum og verð komin í frí fyrsta desember. NIIIICE !
í gær var það bara rólegur föstudagur hjá mér, var meiri að segja að læra helling í gærkvöldi þar til Ottó kom... NÖRD ég veit ! ;) svo í dag verður það meiri lærdómur og svo verðskuldað djamm í kvöld... það er nefnilega reunion hjá árgangnum mínum úr Árbæjarskóla og ætlum við Vala hiklaust að skella okkur, enda gaman að hitta fólkið aftur ! svo er partý í gangi og kíkir maður nú kannski í það ef allt deyr út á Klúbbnum ! :D heheh !
jæja núverandi bókaormur kveður að sinni, adios amigos ! ;)

Jæja þá... þá er maður víst kominn á þrítugsaldurinn og er það bara mjög fínt ! ég átti semsagt afmæli í gær og knús og kossa sendi ég öllum þeim sem mundu eftir mér ;) Það var allsherjar afmælispartí hjá mér, Karó og Ásrúnu á Sólon á laugardagskvöldið og var það djamm eitt það mesta og skemmtilegsta í laaaaangann tíma !! Nóg af öllu, fólki, bjór, hressleika og bara name it ! Ekkert smá gaman að hitta allt liðið og því sem ég kemst næst skemmtu allir sér konunglega! ;) Laugardagsdagurinn var líka frábær. Ég bauð semsagt öllum mínum nánustu í kaffi og kökur og var flest allt á boðstólnum made by auður ! það þótti víst eitthvað ótrúlegt að ég hafði gerst svo myndarleg að baka allt það sem var í boði en maður á þetta til þegar maður tekur sig til ! ;) heheh ! ég var ekkert smá fljót samt að koma mér í djamm gírinn eftir kaffiboðið, síðustu gestirnir fóru um hálf átta og þá var eftir að krulla mér hárið.... en náði samt að vera kominn niðrá sólon um hálf níu ! öflug í þessu ha !?!?! ;) Svo fékk ég alveg heilan helling af frábærum gjöfum eins og pening, gjafabréf, náttföt, ilmvötn, krem, skartgripi, sænguver, föt og helling af blómum ! enn og aftur takk fyrir mig :*
Annars er ég bara í skólanum að bíða eftir að útskriftaráfanginn byrjar en er samt svo þreytt eitthvað, enda lítið búin að sofa undanfarið, og er það mjög freistandi að koma sér bara úr skólanum... sé til hvað ég geri...

Glæpagangan með íslenskuáfangunum hefði nú alveg getað verið verri en hún var. Vorum bara eitthvað að labba á milli staða niðrí bæ í kuldanum og var það nokkuð fyndið þegar forvitnar sálir löbbuðu framhjá og fóru að hlusta með. Þetta var ekkert ýkja spennandi neitt en maður lifði nú alveg af :)
Fór enn og aftur til tannsa í morgun. Hún virðist ekki finna hvað er að angra tönnina mína og eftir að hafa farið 4 sinnum til hennar útaf einni tönn er ég alveg búin að fá minn skammt af tannlækningum.Vona bara að núna haldist tönnin góð.
Planið fyrir daginn í dag er að kíkja kannksi smá í skólann og svo tekur bara bakstur og tiltekt við. Þar sem ég verð nú með tvær veislur á morgun verður maður nú að leggja sig alla fram við heimilisstörfin ! ;) heheh...
En já kaffiboðið verður semsagt á morgun hérna heima og svo er bara skundað úr þeirri veislu niðrí bæ þar sem veisla #2 og ALLSHERJAR DJAMM tekur við ! :P
Á sunnudaginn get ég semsagt slappað aðeins af og legið í leti, sem er alveg kósy á sjálfan afmælisdaginn :)

Ég bara VARÐ að setja þessar myndir inn ! er að þróa mína GÍFURLEGA tæknikunnáttu og náði mér í eitthvað svona sniðugt myndaforrit og varð auðvitað að testa það :D heheh... þýðir ekkert að kunna lítið sem ekkert á tölvur, bara gjöra svo vel að læra almennilega á nútímatæknina ! ;) þetta kemur allt með kalda vatninu ekki satt ?
Svo áðan var ég að versla í rólegheitunum og það er svona eldri kona að kynna nýjar vörur og ég náttúrlega varð að prufa þær þannig að ég bara labba uppað borðinu og þá fer hún eitthvað að bjóða góðan daginn og var að segja hvað hún væri að kynna og svo í miðri setningu kemur frá henni :" mikið afskaplega ertu með falleg augu! ég á ekki til aukatekið orð !" ég vissi ekkert hvað ég átti að segja enda átti ég síst von á þessu og sagði bara uuu takk og þá allt í einu hrökk hún einhvern veginn við og baðst innilegarar afsökunar en að þetta bara kom óvart ! ég bara jahá og sagði bara takk fyrir mig og fór, þó ég hafi aldrei fengið að vita almennilega hvað þetta var sem ég var að smakka... gaman að þessu lífi ! :D
Núna í kvöld er það svo GLÆPAGANGA takk fyrir... á vegum skólans þannig að við þurfum að mæta enda sleppum við við tvöfaldann kennslutíma í staðinn, sem er alveg ljúft sko ;)

hahha ! við munum sko slá í gegn í framtíðinni með leikhæfileikum okkar :D
:)