Annað hvort er ég þvílíkt óheppin manneskja eða bara alger klaufi... ;)
fór í ljós í dag og þessi eini tími kostaði mig 700 aukakrónur takk fyrir! ég átti kortið fyrir n.b.... allavega þá var ég svo ótrúlega óheppin með miðana í stöðumælana og þurfti að kaupa 3 miða þökk sé hvassviðrinu... fyrsti miðinn lenti einhvern veginn meðfram miðstöðinni þannig að ég náði honum bara alls ekki upp, miði númer tvö fauk bara útúr bílnum og flaug útí vindinn... þriðja miðann þurfti ég að festa niður með tyggjó! (ekki beint geðslegt, ég veit, en eitthvað þurfti ég að gera til að hann fyki ekki líka eitthvert ;)) þetta er alveg mín heppni... en já svona verður maður fátækur :D hehehhe!

annars er ég bara eiturhress alveg... helgin nálgast óðum og verður hún örugglega rosalega fín eins og þær eru nú flestar... allavega á morgun er matarboð heima hjá mér, á föstudaginn er saumó sem verður án efa ferlega hresslegur ef ég þekki okkar "gang" rétt! ;) svo á laugardaginn er partý hjá Völu og Andra þar sem Andri á afmæli og er að verða 22. ára... svo reynir maður eflaust að læra eitthvað smá þarna á milli... þannig að það er alveg nóg að gera hjá manni næstu daga, sem er auðvitað bara skemmtilegra ;)

Til hamingju Ísland! ;)
maður var nú svosem ekkert hissa þegar kom í ljós hver stóð uppi sem sigurvegari í eurovision keppninni á laugardaginn... hefðum þess vegna alveg getað sparað peninginn og notað hann í eitthvað gáfulegra, heheh! fyndið samt, þar sem DV var búið að slá því upp um daginn að þetta yrði þvílikt einvígi milli sylvíu og birgittu og svo var birgitta víst hvergi nálægt toppnum! en DV hefur nú hvort sem er sjaldnast rétt fyrir sér...

en já, helgin byrjaði ansi skrautlega en endaði alveg þokkalega...

vísindaferð í KB banka á föstudaginn og var það ekkert smá stuttur fyrirlestur sem við lentum í þar... þrjár glærur eða svo og svo áttum við bara að njóta veitinganna :P

laugardagurinn fór að mestu í lærdóm og þar sem þreytan var alveg að fara með mig þá afkastaði ég nú ekki eins miklu ég hefði óskað... en það er svona, þegar maður nær ekki góðum svefni... um kvöldið var svo eurovision partý hjá hjalta vin ottós og var það mjög fínt :) fylgdum reyndar ekki straumnum niður í bæ og fórum bara snemma heim, takk fyrir skutlið íris... :P

gærdagurinn var svo voða rólegur og huggulegur svona í tilefni konudagsins ... :) eftir dásamlega falleg högg hjá mér í Básum tókum við smá ísbíltúr sem er jú alltaf tilvalið svona á sunnudögum! ;)
fórum svo út að borða á Ruby Tuesday, ætluðum að fara á Ask en þegar við komum þar inn var alveg stappað og okkur tilkynnt að það væri frekar löng bið þannig að við enduðum bara á Rubys þar sem var aðeins minni bið... tókum svo óskarsverðlaunamyndina Ghandi sem var mjög góð... hún er reyndar alveg 3 tímar en þeir voru frekar fljótir að líða :)

svo var bara skóli í morgun, efnahagslíf og þjóðfélags tími sem var mjög áhugaverður, það er nú meira hvað maður labbar alltaf klár út úr háskólabíó! hhehe :P
kíkti svo á grísilingana á leikskólanum... var eiginlega frekar fegin að vera bara að vinna 3 tíma í dag.. það er nefnilega meira en nóg að gera hjá manni þessa dagana... held að ég geri mér ekki alveg nægilega oft grein fyrir því hvað tíminn er fljótur að líða og fyrr en varir verða prófin komin og þá stendur maður uppi illa undirbúinn... maður verður að vera duglegri að skipuleggja sig, það er nokkuð ljóst... :)

jessí, en ætla að fara að horfa áfram á prison break... ye baby!! ;)
túddelú...

Núna er ekki seinna vænna en að fara að finna sér vinnu fyrir sumarið og er ég á fullu núna að reyna að finna eitthvað sem heillar mig en það gengur eitthvað hálf brösulega... ég væri alveg til í að vera á leikskólanum í sumar, en launin eru bara ekki til að hrópa húrra fyrir, sérstaklega þegar maður er að reyna að safna fyrir haustinu... en þetta er náttúrlega afskaplega þægileg vinna, aldrei að vinna um helgar eða á kvöldin, færð tveggja vikna frí og ert inni þegar það er leiðinlegt veður og úti þegar sólin skín :P heheh mjög þægilegt! en ég er semsagt að reyna að finna mér eitthvað aðeins betur launað...

annars er það bara aftur vísindaferð núna á morgun með sálfræðinni... karó ætlar að kíkja með í þessa ferð og þar sem það komast 100 með í þessa ferð má búast við góðu stuði ;) þetta skiptið verður farið í KB banka og það verður örugglega fróðlegt og skemmtilegt... allavega nóg af drykkjarföngum hefur maður heyrt og ekki er það nú verra :P heheh!

annars er planið að læra vel á laugardaginn og kíkja kannksi í bása á sunnudaginn ef veðrið verður gott... annað er eiginlega óplanað ennþá en maður er alltaf opin fyrir öllu :)

svona í lokin ætla ég að minna fólk á að fylgjast með prison break!!! erum komin að 10.þátt og ég er alveg að tapa mér yfir þessu! ;) heheh, mæli með þessu....

ciao ;)

búggalú! þá er helgin búin og ný vika strax að verða hálfnuð!

en já við Annika fórum í vísindaferð í Skjá 1 á föstudaginn og var það mjög skemmtilegt og fróðlegt... fengum að heyra ýmislegt beint í æð og svona ;) svo var ferðinni bara haldið á Pravda en þar sem maður var komin ágætlega í glas og heilsan ekki sem best þá réð skynsemin för og ég lét bara sækja mig og fór heim í kúr og notalegheit :)

á laugardaginn byrjaði ég á tiltektinni sem er búin að bíða mín alltof lengi ... komst reyndar bara rétt af stað en maður er þó allavega byrjaður ;)
svo var bara farið í pool um kvöldið... mér finnst alveg magnað hvað mér finnst gaman í þessu...! langaði sko ekkert að hætta en yfirvaldið réð förinni þannig að við fórum bara og fengum okkur í ís áður en við fórum heim... :P

sunnudagurinn var rólegur... lærði smá og kíkti svo aðeins í smáralindina að sækja hringinn minn sem var í viðgerð... fór svo í bíó um kvöldið... fórum á Munich sem er ekkert smá góð! mæli sko 100% með henni... löng en alveg þess virði!

Ég er búin að vera ótrúlega slöpp núna um helgina en er öll að hressast núna... tel mér trú um að sólhatturinn sem ég tók í gær og í fyrradag sé málið, heheh ;)

annars er ég enn á fullu að leita að íbúð fyrir okkur eða kollegi en það gengur alveg hræðilega illa... alls staðar erum við enn rosalega neðarlega á öllum biðlistum, en það er kanski aðeins of snemmt að fara að örvænta strax þar sem er nú alveg rúmlega hálft ár til stefnu... :D æjh samt, maður væri rólegri ef maður væri ofar á þessum listum... en við bara krossum fingur og vonum það besta :)

svo þarf ég að fara að fylla út þessa hræðilegu umsóknarbók fyrir skólana sem ég ætla að sækja um í og þarf að senda hana út í byrjun mars... bæði þessi bók og íbúðarleitin er svo rosalega tímafrekt að ég hef verið að slugsa frekar mikið með lærdóminn sem er náttúrlega alveg ferlegt þar sem fögin mín eru ekki alveg þau auðveldustu...en núna verð ég að fara að taka mig á ef ég ætla að ná þessum einingum :)

jessí... en læt þetta duga í bili... kannksi sniðugt að fara að kíkja smá í bók ;)
sjáumst elskurnar! :P

var klukkuð af skvísunni henni Anniku og here it goes...

4 störf sem ég hef unnið yfir ævina:

*leikskólakelling á nóaborg og urðarhól, skemmtilegasta starf ever! :)
*vann í bókabúðinni á hlemmi - rosalega þægilegt og skemmtilegt starf
*var eitt sumar í hagkaup - langt frá því að vera spennandi, en reyndar var einn fallegur plús við það starf...! ;P
*hef unnið í breiðholtslauginni

4 bíómyndir sem ég gæti horft á aftur og aftur:

* dirty dancing - æðisleg mynd sem ég hef reyndar ekki séð í langan tíma en er samt alltaf jafn skemmtileg!
*pretty woman - sígild og skemmtileg :)
*clueless - ég hef horft svo oft á hana að ég hef þrisvar þurft að kaupa nýtt eintak :$
*lion king - æði!

4 staðir sem ég hef búið á:

*Skógarás í árbænum - bý þar nú og væntanlega nokkra mánuði í viðbót...
*Brekkubænum í árbæ - bjó þar meðan ég var í árbæjarskóla semsagt í 9. og 10. bekk
*Brahmsvej í holstebro - æðislegur staður og bjó þar í 4 ár
*Lindarhvammi í hafnarfirði - þarna hef ég búið lengst eða í 10 ár

4 sjónvarpsþættir sem eru í uppáhaldi:

*PRISON BREAK takk fyrir!
*Lost - reyndar svolítið farnir að dala :S
*O.C. - í anda beverly hills ;)
*Simpsons - alltaf hægt að horfa á það!

4 staðir sem ég hef heimsótt í fríum:

*Austuríki
*Tékkland
*Holland
*... mörg önnur lönd - veit um fátt skemmtilegra en að ferðast!

4 heimasíður sem ég skoða daglega:

*ugla.is
*mbl.is
*þessa dagana er findbolig.nu voða vinsæl :)
*.... fullt af öðrum síðum og bloggi :P

4 máltíðir sem ég held upp á:

*maturinn á my house í yumbo centrum á kanarí svíkur sko engann!
*flestir fiskréttir- greinilega sjómannsdóttir hér á ferð :P
*mango/chautney kjúklingur - ekkert smá góður!
*lasagna - einfalt og alltaf rosa gott

4 bækur sem ég les oft:

held ég verði að segja pass við þessu... engar sérstakar bækur sem ég les oft, en það sem ég les þessa dagana eru skólabækurnar, námsbæklingar, morgunblaðið og fréttablaðið

4 staðir sem ég myndi vilja vera á núna:

*gran canaria baby!
*að missa mig með vinkonunum í búðunum í mall of america :P
*einhver staðar í nuddi á svona spa hóteli með mínum heittelskaða
*á hargreiðslustofu að láta klippa mig og láta setja í mig strípur

4 manneskjur sem ég ætla að klukka:

*Vala Rún
*Vala
*Láki
*Ásrún

góða skemmtun elskurnar ;)

vúhúúú... sko mína! náði að klára ritgerðina... reyndar var ég bara rétt svo að klára hana í þessum skrifuðu orðum og á skila henni eftir klukkutíma :$ alger silly billy! heheh ;) en gott að hún er búin, þá þarf ég ekki að hugsa meir um hana...

hey það er vísindaferð í Skjá einn núna á föstudaginn og hljómar það ekkert smá vel enda ætlum við Annika að skella okkur :P mega stuð það, enda langt síðan við fórum saman í vísó... held að það hafi bara verið síðast þegar "hot water" var stofnað (dont ask! ;)) og þá er það alltof langt síðan! heheh...

mig langar ekkert smá mikið að komast aftur í sólina, helst núna í dag bara en myndi samt alveg sætta mig við í sumar... reyndar engar líkur á að það verði sólarlandaferð á dagskránni þetta árið en alltaf gaman að láta sig dreyma... hef verið að skoða hina og þessa bæklinga (svona þegar ég er ekki alveg í lærdómsgírnum ;)) og mig langar að fara til svo margra landa að það hálfa væri meira en nóg... búlgaría, króatía, grikkland, ástralía, og bara you name it, mig langar þangað! :D ef ég ætti sand af seðlum væri bókað mál að ég væri alltaf á ferðinni því að ferðast er bara eitt það skemmtilegasta sem ég veit um!

yfir í annað... sylvía nótt fær að taka þátt í undankeppni eurovision og er ég bara mjög sátt við það... töff lag sem maður fær auðveldlega á heilann... eiga þau ekki einmitt að vera svoleiðis? :P en já, kannksi ekki alveg lag í anda eurovision en það væri bara hipp að senda þetta út fyrir okkar hönd... er reyndar ekki mikill eurovision aðdáandi en held samt að þetta myndi skera sig úr í keppninni og verða eftirminnilegt! :)

magnað hvað ég virðist ekki getað klárað skólaverkefni fyrr en skömmu fyrir skilafrest! á að skila 10 bls. ritgerð núna á miðvikudaginn og að sjálfsögðu er nöllinn hérna varla byrjuð að skrifa... maður er nú alveg í ruglinu bara... en jæja, svo lengi sem ég skila þó verkefnunum þá hlýt ég að sleppa.. ;) heheh...

við ottó erum búin að sækja um tvö kollegi í köben og erum við frekar vongóð að fá inni allavega í öðru þeirra... okkur langar samt eiginlega frekar í okkar íbúð en bara málið með það er að þær íbúðir sem eru á markaðnum núna vilja fá leigendur frá mars eða apríl sem er jú alltof snemmt fyrir okkur.. þannig að við getum eiginlega ekkert farið að leita almennilega að íbúð fyrr en í apríl eða maí... mig langar ekkert smá mikið að flytja aftur til holstebro en það er ágætt að prófa köben líka, skólarnir þar og svona... :) svo er ég svo heppin hvað ég þekki marga þar í kring.. villi bróðir í hróaskeldu, dönsk vinkona mín og kærastinn hennar rétt hjá köben , frændfólk mitt býr í köben og svo náttla valan mín í stokkhólmi sem er nú ekkert agalega langt í burtu, allavega styttra þar á milli heldur en héðan frá íslandi ;)

vá hvað mig er samt farið að hlakka til að flytja út... ok veit alveg að það eru alveg 6-7 mánuðir þangað til en alltaf gaman að hlakka til einhvers ;) vissulega verða þetta þvílik viðbrigði en þetta er náttúrlega bara nauðsynlegt fyrir alla... eiginlega frekar hissa á að ég sé ekki löngu farin út en núna er sko kominn tími til... allavega í mínu tilviki...! en já planið er semsagt að fljúga út miðjann ágúst... það getur náttúrlega altaf breyst eins og með allt í lífinu en það er sumsé allavega stefnan núna í dag... og já... það eru litlar sem engar líkur á að ég sé að fara á þjóðhátíð í eyjum þetta árið... sorry elskurnar! veit að sumir eru ekki ánægðir með þetta en svona er lífið maður verður stundum að velja og hafna, ég verð þarna samt þokkalega í anda! ;) síðustu þrjár þjóðhátíðir hafa verið hreint út sagt brjálæðislega skemmtilegar og mun ég bókað mál fara aftur, því miður bara ekki þetta árið... en meina, það kemur önnur þjóðhátíð á eftir þessari, ekki satt? :P

i'm da poolmaster! heheheh mátti til ;) plataði ottó með mér í pool á föstudaginn þar sem mér finnst alveg með eindæmum skemmtilegt í pool og það þarf náttúrlega ekki að taka fram hver fór með sigur af hólmi! ;P heheh... ok, ég vann reyndar úrslitaleikinn bara útaf því að ottó klúðraði svörtu kúlunni, en meina, sigur er alltaf sigur, ekki satt ;)

ég er öll að vakna til lífsins með lærdóminn... fórum á bókhlöðuna í gær og vorum þar eiginlega allan daginn og náði ég að læra alveg þónokkuð... nú er bara um að gera að halda þessu striki :)
fórum svo í partý hjá bjarna í gærkvöldi, stoppuðum reyndar ansi stutt þar sem ottó er að fara í mikilvægt próf í vikunni sem hann þarf að læra vel fyrir en þetta var fínt stopp :)
svo er gulli vinur ottós orðinn herra ísland, átti náttla sigurinn skilið í keppninni sjálfri en það fór sem fór en nú kom svo að því að titillinn varð hans eftir að óli geir var sviptur titlinum... glæsilegt það! :)
úff pælið samt í því að vera sviptur titli sem þessum...

anyways.. ætla að fara að koma mér í að lesa girl interrupted fyrir geðheilsufélagsfræðina... þarf að skila 10 bls ritgerð um hana eftir eina og hálfa viku og nenni sko ekki að vera á síðustu stundu með hana þannig að best að fara að drífa sig í lesturinn... :)

þá er EM í handbolta byrjað og er það eitthvað sem ég læt aldrei fara framhjá mér enda eðal sjónvarpsefni þar á ferð :) var niðrí laugum þegar leikurinn á móti serbum var og var ég augljóslega ekki sú eina sem ákvað að slá tvær flugur í einu höggi og horfa á leikinn og brenna í einu því það var alveg pakkað á öllum upphitunartækjunum og greinilega eins gott að koma tímalega ef maður ætlar að gera þetta framvegis... :) en já góð byrjun á mótinu og það getur náttla skipt miklu og vonandi að strákarnir haldi þessu striki eða geri jafnvel bara gott betur og brilleri rækilega :P

annars kíkti ég aðeins á kaffihús með láka í gærkvöldi, ekkert smá langt síðan við höfum farið á kaffihús, fórum örugglega síðast þegar skafti var með í för og það er þá alveg þónokkuð langt síðan... en já ég fékk að vita að láki væri búinn að hugsa laugardaginn alveg út fyrir okkur... planið er semsagt (hans plan nota bene!) að fara í nudd og dekur á nordica spa, fá sér nokkra öllara, kíkja útað borða á argentínu og svo á allsvaðalegt djamm í bænum!!! láki er náttla ekki þekktur fyrir neitt minna en lúxus á öllum sviðum þannig að þetta kom svosem ekkert á óvart þetta ofur plan hans.. verst að ég lifi ekki alveg jafn hátt og hann þannig að ég hugsa að síðasti liðurinn yrði sá eini sem kæmi til greina :P ég var samt að gæla við þá hugmynd að hafa þetta djammlausa helgi...eða allavega áfengislausa... aðeins að breyta til, heheh! ;)

en já... meira seinna... og ég veit... mikið búið að skamma mig en kanarí myndirnar fara aaaaalveg að detta inn elskurnar mínar! ;)

oh alveg típískt fyrir mig.. var búin að skrifa þvílíkt langann texta en að sjálfsögðu eyddist hann út.. en ok... byrja þá bara aftur... :)

allavega.. byrjum bara saumó... saumó var hjá Karó þennan mánuðinn og var hann rosalega vel heppnaður.. góð mæting, góð stemning og bara allt voðalega gott í sambandi við hann ;) við komum loksins smá skipulagi á þetta, semsagt hver mun halda hann í næsta mánuði, þarnæsta og já alveg til ársins 2009!! hehehe við erum svo klikk! :P en já, bara takk aftur fyrir mig karó :*

föstudagurinn... hann var rólegur en góður... bauð ottó út að borða og svo kíktum við smá rúnt áður en við tókum DVD... tókum cinderella man sem var alveg ágæt bara :)

laugardagurinn var aðeins afkastameiri þó að ég hefi nú ekki opnað bók alla helgina... en já við fórum í gegnum fataskápinn hans ottó og vá!! þið sem vitið hvernig minn fataskápur er, ímyndið ykkur þrefalt fleiri föt... ég hef ekki séð hann í meirihlutanum af þessum fötum en ekki mátti henda hinu og þessu þar sem það "gæti verið" að hann gæti notað það seinna við eitthvað tækifæri... einmitt, my ass!! :D en já... karlmenn! heheh ... þið eruð samt alveg æði elskurnar! ;)
en margt fékk nú alveg að fjúka og lítur þetta aðeins skárra út núna :)
kíktum síðan aðeins út, meðal annars á einhvern markað sem átti að vera huge, en urðum nú bara fyrir vonbrigðum með hann...
um kvöldið fór ég svo í partí hjá ásrúnu og helga í hafnarfirðinum... ekkert smá gaman enda allir VEL hressir.. fórum í lúdó með staupum og einhvern annan drykkjuleik sem gutti stjórnaði og voru allir að brillera í honum ;)
fórum svo niðrí bæ eða reyndar bara á hressó þar sem maður hitti mann og annan... og einstaklega hefur maður verið aðlaðandi þarna á dansgólfinu þar sem við löðuðum að okkur hina ýmsa "vitleysinga" sem létu okkur ekki friði! heheheh... en þetta var mjög skemmtilegt kvöld í alla staði ;)

horfðum svo á prison break í gær og úff... það eru þættir sem þið verðið að horfa á! ekkert smá spennandi og lofa góðu... nóg spenna fyrir strákana og svo er nokkuð augljós ástæða fyrir því að við stelpurnar munum festast yfir þessu... :P fattið það um leið og þið sjáið fyrsta þáttinn ;) híhíhí!
annars erum við komin að þætti 12 í annari seríu af lost og eru þeir ennþá voða spennandi... er samt að vona að þeir verði ekkert alltof langdregnir þar sem það á nú að gera 3 seríur, en allavega um að gera að njóta þess að horfa á þá á meðan eitthvað spennandi er að gerast :)

jájájájá en er að hugsa um að láta þetta nægja í bili og fara að kíkja aðeins i bók... reyni að vera duglegri að blogga (segi þetta reyndar alltaf heheh, en skal reyna ennþá betur núna enda búin að fá ágætis spark í rassinn ;))
allavega... þangað til seinna... :)