sunnudagur... var að koma heim úr fermingarveislu hjá frænda ottós... það var voða fínt, hef aldrei hitt þennan part af famílíunni hans áður þannig að það var alveg kominn tími til... það er engin ferming í minni famílíu í ár (thank god) en svo á næsta ári eru þrjár minnir mig!! en ég verð væntanlega í Danmörku þá þannig að ekki fer ég í þær...
en já... ottó er bara að skipta um dekk núna með pabba sínum og ég að reyna að koma mér aftur í lærdómsgírinn... er að vinna í þessu sjáið til! ;) heheh... í kvöld er svo bara planið að kíkja aðeins í bíó eða taka spólu, þar sem við erum búin að vera svo dugleg að læra undanfarið... þá á maður alveg skilið smá break heheh...

styttist óðum í prófin og ég hef varla undan að lesa... en maður verður að reyna að vera duglegur núna!! bara lesa lesa og lesa!! þýðir víst lítið annað ef maður ætlar að fá námslánin... ekki beint mikið að gerast í lífi manns núna þangað til prófin eru búin, en þá get ég loksins farið að lifa áhyggjulaust aftur vonandi! :P

heyrðu já... þar sem ég er nú eins klikkuð og ég er þá datt mér í hug að telja helgarnar sem eru eftir þangað til við förum út ef allt gengur eins og skyldi, og viti menn... það eru bara 18 helgar eftir!!!!! það finnst mér nú eiginlega hálf scary sko... 18 helgar... það er ekki neitt! mér finnst alveg magnað hvað tíminn er fljótur að líða, skrýtið að hugsa til þess að eftir rúmlega 4 mánuði verðum við flutt frá ykkur til Kongens Köbenhavn...

ætli það þýði eitthvað ef manni dreymir ótrúlega slæma drauma þrjár nætur í röð..? ég er nefnilega ekki vön að muna hvað mig dreymir en undanfarnar þrjár nætur hef ég sofið svo ótrúlega fast því mig hefur dreymt svo illa.. margt slæmt að gerast og eitthvað sem ég vona innilega að muni aldrei gerast í raunveruleikanum... það hefur reyndar aldrei verið það sama að gerast í þessum draumum en samt alltaf eitthvað rosalega hræðilegt og slæmt og yfirleitt sama fólkið! mér er farið að finnast þetta rosalega óþægilegt allavega og ekki veit ég hvað orsakar þessa svakalegu drauma mína! annika sagði einhvern tímann, og ég hef heyrt það oftar líka, að það að dreyma eitthvað svona slæmt tákni í raun hið gagnstæða, semsagt t.d. ef einhver deyr ungur þá verður hann langlífur og svoleiðis... ég hef ekkert vit á einhverju svona en ég vona svo sannarlega að þetta sé staðreyndin miðað við mína rosalegu drauma undanfarið!

en já.. nenni ekki að velta mér lengur upp úr slæmum draumum! :)
ég er annars bara ofur hress alveg og væri ég eflaust ennþá hressari ef ég þyrfti ekki að liggja svona stíft yfir bókunum en svona er þetta og þýðir víst lítið að vera að væla yfir því, mitt val og mín ábyrgð :)

ég hætti svo að vinna á þriðjudaginn... :( síðasti dagurinn átti að vera hjá mér á morgun en hún bað mig um að taka líka þriðjudaginn ef ég mögulega gæti og var ég sko alveg til í það! þetta eru svo æðislegir gríslingar sem ég er með að ég er sko eftir að sakna þeirra big time!! :) vildi að ég þyrfti ekki að hætta en svona er þetta þegar maður þarf að undirbúa sig vel fyrir próf og svona... er bara þakklát fyrir tímann sem ég hef verið að vinna þarna :)

alþjóð búin að kjósa nýja idolstjörnu og mun það eins og vel flestir vita vera hann snorri... ég held að ég hafi ekki séð einn heilann þátt af idolinu núna í vetur en miðað við það sem maður heyrir á fólkinu þá er hann vel að sigrinum kominn! sá reyndar smá í endursýningu í gær og fannst mér hann syngja rosalega vel en reyndar fannst mér ína ekkert síðri þannig að það skipti eiginlega engu máli hvort vann fyrir mér...

hehe... ég er farin að skrifa um eitthvað sem ekki einu sinni ég hef áhuga á þannig að ég held að það sé merki um það að ég eigi bara að hætta að skrifa núna! svona er þetta, þegar maður á að vera að læra þá er maður duglegur að finna sér eitthvað allt annað að gera og skrifa um eitthvað algjörlega tilgangslaust ef því er að skipta ;) en ég er farin að kíkja í bók...
hafið það OFUR gott kjútípæs... ciao ;)

edda kom heim frá kúbu í dag og var stúlkan sú búin að næla sér í þónokkurn lit, enda fyrr mætti nú vera í 40 stiga hita! ;)það var víst rosalega gaman hjá þeim þarna úti og miðað við lýsingarnar væri ég alveg til í að fara þangað!!
en já talandi um brúnku þá skellti ég mér í ljós í dag og ég get svo svarið fyrir það að ég hef aldrei nokkurn tímann náð svona miklum lit! held að málið sé nýja olían sem ég notaði í dag ;) þegar við ottó vorum á kanarí í janúar þá keyptum við ógrynni öll af alls konar sólardóti, kremi og olíum og svoleiðis þar sem þetta var nú svo ódýrt þarna og ég var semsagt að prófa annan brúsa og þessi olía hefur líka svona rosaleg áhrif!! gaman að þessu, varð bara að deila þessum svakalegu fréttum með ykkur... heheh :P

horfði á 16. þátt af prison break í gær... ætla lítið að segja um hann... en var að heyra að það væri víst búið að semja um að gera seríu nr. 2.. veit ekki alveg hvað mér finnst um það sko... held að það gæti verið einum of, þá hljóta þeir að þurfa að teygja lopann ansi mikið og ég er ekki viss um að þeir geti haldið svona góðri spennu yfir svona marga þætti í viðbót... en welll... það verður víst bara að koma í ljós... annars finnst mér þessir þættir bara með þeim allra bestu sem ég hef fylgst með.... botna ekkert í fólki sem segist ekki geta sett sig nægilega vel inn í þá, það er bara rugl sko!! ;)

er búin að fá tvo pakka í vinnunni útaf leynivinavikunni... er búin að fá toblerone og 6 ilmkerti í pakka... voða huggó ;) það verður spennandi að sjá hver leynivinurinn er þar sem mig grunar eiginlega engann... sá engann koma með pakkana né neitt þannig að þetta er spennó :P

fékk í dag bréf frá enn einum skólanum í DK um að umsóknin hafi borist... þannig að allar mínar umsóknir eru komnar á áfangastað :) nú er bara að bíða fram í byrjun ágúst...

en já... það er einhver svakaleg þreyta í gangi núna í mér þannig að ég nenni ekki að skrifa meir í bili...
hafið það gott sykurpúðar!! :*

1. apríl var í gær og einhvern veginn gleymdi ég að standa mig í stykkinu og hrekkja einhvern... annars tókst engum að láta mig hlaupa 1. apríl, enda er ég alveg farin að þekkja aprílgöbb útí gegn :P heheh... no way you can fool me!

helgin búin að vera róleg og fín...

föstudagurinn fór mestmegnis í lærdóm, við ottó kíktum reyndar útí í smá ísbíltúr og tókum Elizabethtown á leigu... hef aldrei getað fengið ottó til að horfa á svona mynd með mér áður by the way, og fæ hann líklega aldrei aftur til þess... hehehe... hann sofnaði yfir henni áður en hún var hálfnuð takk fyrir! reyndar fannst mér þessi mynd alveg ótrúlega slök og eiginlega bara leiðinleg.. mæli bara með henni útaf einni ástæðu og það er að sjálfsögðu útaf augnkonfektinu orlando bloom ;) en já, þessi mynd fær ekki góða dóma hjá mér...

svo þurfti ottó að vakna klukkan hálf 6 laugardagsmorguninn til að skutla foreldrum sínum útá flugvöll en þau eru núna að spóka sig um á benidorm!! ég svaf bara áfram enda þurfa stelpur nú sinn beauty sleep ;) svo var bara kíkt aðeins í bónus og lært og lært og lært aðeins meira...
jóna og gústi buðu okkur í grillmat um kvöldið þar sem það var svo mikið rauðvín frá helginni áður, semsagt úr veislunni hjá gústa... og það var rosa gaman hjá þeim, rólegt og fínt og svo bara snemma heim :)

í dag fór ég svo að búðarstússast með henni múttu minni! hef ekki gert það í ótrúlega langann tíma og var ég hálfpartinn búin að gleyma því hvað það er æðislegt að fara á búðarráp með henni :) gaf hún mér MAC púður sem ég var lengi búin að ætla að kaupa og fullt af öðru dóti, hún mútta mín er sko algert yndi! :)
svo bauð hún mér og ottó á ruby tuesday og skelltum við okkur þrjú á rubys og vá hvað fórum öll þaðan södd út!! ég bara man ekki eftir öðru eins! heheh :D

lærdómurinn... jújú hann gengur ágætlega... eftir mánuð verð ég búin með 2 próf og ætla ég að reyna að skipuleggja mig aðeins betur fram að prófum... ætla að taka mig til og skrifa niður hvað ég ætla að lesa og hvað ég ætla að vera búin með hvern dag fyrir próf, vona að ég geti staðið við það skipulag :)

kollegimál... erum komin niður í númer 87 á einum biðlista og það er náttúrlega bara frábært og vonum við að þetta haldi áfram að ganga svona vel :)

heilsufar... er öll að koma til... orðin góð af nefstíflunni en samt með einhver óþægindi í hálsinum, ætla að reyna að fara að koma mér til háls-nef og eyrnalæknis og láta hann kíkja á hálskirtlana.. mig grunar að eitthvað sé ekki alveg í lagi þar... en það kemur vonandi bráðum i ljós :)

bið að heilsa í bili... :)

það var enginn smá léttir þegar ég skilaði prófinu síðasta miðvikudag og nú er lítið annað hægt en að krossa fingur... en ég er sko langt frá því að geta farið að slugsa eitthvað!
núna þarf ég að fara að vinna að ritgerð og svo nátturlega vera dugleg að lesa... hef ekki staðið mig nægilega vel í því! þannig að það verður lítið um djamm hjá mér fyrr en eftir prófin... og það er alltof langt í það finnst mér!!!!!! en nú er víst að velja og hafna... ég VERÐ að ná prófunum upp á námslánin að gera og það er hægara sagt en gert þar sem þetta eru það þung fög... þannig að þetta er alveg tvöföld pressa get ég sagt ykkur...

en já ég er kominn með nýjann síma... sony félagi var alveg búinn að gefa upp öndina og núna er ég komin með nokia aftur... ekki alveg síminn sem var efstur á óskalistanum, enda kostaði sá ótrúlega mikið, en þessi er mjög fínn og þægilegur, enda segir maður ekki nei takk þegar maður fær síma að gjöf þó að hann hafi ekki alveg verið sá sem maður var með auga á! heheh :P
þarf samt aðeins að læra betur á hann... íslensk valmynd og eitthvað stúss sem ég er ekki vön ;)

í næstu viku er leynivinavika í vinnunni.. þannig að nú er málið að fara að finna eitthvað til að gefa henni/honum... bara spurning hvað það getur verið... allar hugmyndir vel þegnar ;)

eftir 5 mánuði verð ég komin til DK og líklega byrjuð í skólanum ef allt gengur eftir.. sem það gerir vonandi... leiðilegt samt að fá að vita það fyrst í byrjun ágúst hvort að við komumst inn eða ekki en svona er þetta víst... svörin eru send frá skólunummaður þorir eiginlega ekki að vera spenntur strax en við bara vonum það besta :)
langar rosalega að fara að æfa eitthvað þarna úti, og er eiginlega alveg búin að fá ottó til að æfa með mér badminton eða eitthvað í þá áttina... sem er æði þar sem ég var svo mikið í badminton þegar ég bjó úti og finnst mér það rosa skemmtilegt :)

jájájájájá... en lærdómurinn kallar víst... njótið helgarinnar! :*

Það var í nógu að snúast um síðustu helgi...

Föstudagskvöldið fórum við Ottó í fimmtugs afmæli hjá mági hans... það var haldið í Kríunesi og var sko alveg feyki nóg af gómsætum kræsingum og víni og bjór ;) vorum við orðin freeeekar skrautleg þarna um kvöldið! En þetta var voða gaman, mikið af fólki og hörkufjör!

Á laugardaginn byrjuðum við Vala svo að versla í matinn fyrir kvöldið og fór ég svo bara heim að læra... Um kvöldið fórum við Ottó svo til Völu og Andra þar sem var grillað, spilað, spjallað og haft huggulegt...Ottó fór rúllandi þaðan út þar sem Andri var sko alveg að standa sig í barþjónahlutverkinu, heheh! skot, bjór, vín, skot, meira skot, bjór, skot og svona gæti ég haldið endalaust áfram ;) en þetta var rosalega gaman :P

Svo er ég bara búin að vera að stönglast með þetta heimapróf mitt... er lítið annað búin að gera en að sitja yfir því og verður mikill léttir þegar ég verð búin að skila því á morgun!

Er búin að ráða mig á Heiðarborg í sumar... það er semsagt leikskóli sem er í mesta lagi í þriggja mínútna fjarlægð frá mér þannig að þarna spara ég líka massa bensínpening... heheh ;) klára prófin 11. maí þannig að ég byrja að vinna þarna þann 15. maí og verð til 15. ágúst...

En já.. núna er hún Edda systir barasta á Kúbu takk fyrir! Jájá, hún ákvað bara að skella sér í smá tjillferð til Kúbu með nokkrum vinum sínum! Ég er einmitt ekkert abbó... heheh nei nei.. :D hefði sko ekkert á móti því að fara þangað, það er víst klikkað heitt þarna núna og voða skemmtilegt... svo koma þau heim eftir viku... örugglega svört eins og kolamolar eða bara rauð eins og tómatar ;)

Núna er bara rúmur mánuður í prófin... pælið í geðveiki ha! Þetta er alltof fljótt að líða og núna er svo mikið stress á manni að ná prófunum upp á námslánin að gera... ég verð helst að fá þau núna til að geta farið til Danaveldis í haust og til að geta lifað þar! Þannig að ég bara VERÐ að ná... allavega 12 einingum til að fá 75% lán en auðvitað stefni ég á að ná þeim öllum :)

jessíry bob (eins og sumir segja) ;)
ætlaði bara aðeins að láta vita af mér... bæ í bili :)

búin að komast að því að ég get ekki bloggað þegar ég er heima hjá mér... það kemur alltaf eitthvað rugl og eyðist allt og bara alger vitleysa og steypa... afturá móti þegar ég er heima hjá ottó eða í skólanum gengur þetta eins og í sögu, hvaða rugl er það?!

en já þá er ég loksins búin að láta fylla í rótina á hárinu mínu, þó fyrr hefði verið segi ég nú bara! en já ég semsagt lenti á hárgreiðslukonu sem talaði eins og ég væri að borga henni fyrir það og fékk ég sko allar slúðursögurnar beint í æð! ég komst varla að til þess að svara henni, en mér er nú eiginlega bara nokk sama um það :P svo vorum við bara tvær eftir á stofunni og þá kemur alger töffari á mínum aldri og átti hann greinilega pantaða klippingu en þar sem hún var ekki alveg búin með mitt hár þá sagði hún honum bara að koma og setjast hjá okkur... svo er hún búin að tala heil ósköp um hitt og þetta og er loksins að verða búin með hárið mitt, greinilega stolt af því sem hún var búin að gera við það og spyr gæjann: "jæja hvernig líst þér á hana?" og horfir á hárið mitt og hann svarar actually: "þetta er flott, eins og hún sjálf... fallegt hár á fallegri stelpu" hahah ... mér fannst þetta nú bara frekar fyndið og skellti uppúr en sagði samt takk þegar ég sá á honum að þetta átti víst ekki að vera fyndið og þá bara glotti hann þvílíkt til mín! talandi um hözzler á hárgreiðstofu! híhí já það er sko gaman að þessu lífi ;) en ég er allavega mjög sátt við hárið :P

annars horfði ég á prison break í gærkvöldi og dísus!! það ætti nú bara að banna svona góða þætti! fúlt að þetta sé bara 16 þátta sería því það þýðir að það eru bara 2 þættir eftir... :(
ég er alveg að tapa mér yfir þessum þáttum eins og hefur varla farið framhjá nokkrum manni, en annað finnst mér eiginlega bara ekki vera hægt sko! fyndið samt hvað lost hefur algjörlega fallið í skuggann á þessum þáttum... síðan ég byrjaði að horfa á prison break finnst mér lost hafa misst sjarma sinn og finnst þeir eiginlega bara orðnir svona lala... oft lítið að gerast í þeim og stundum finnst mér eins og þeir viti ekki alveg hvert þeir eru að stefna með þessa þætti...en auðvitað mun maður ekkert hætta að horfa á þá, bara að vona að þeir verði ekki langdregnir ;)

búin að fá heimaprófið í geðheilsufélagsfræði afhent og mun vinna í því eins og ég get næstu daga! langar að fá gott á þessu prófi og það sem ég er búin að skoða á prófinu kann ég ekki nógu vel... ætla að lesa mig betur til og massa þetta fyrir miðvikudaginn :) þá er fyrsta lokaprófið mitt búið og bara fjögur eftir í apríl og maí...

well well... gott í bili... sjáumst sykurpúðarnir mínir!! ;)

síðasta helgi var ein sú besta í langan tíma! hefði sko alveg viljað vera lengur í bústaðnum en svona er þetta víst...
allavega, þegar ottó var búinn í skólanum á föstudaginn fórum við að versla í matinn og keyrðum svo bara austur... föttuðum svo þegar við vorum komin í bústaðinn að við hefðum gleymt hinu og þessu en það er alltaf svoleiðis í svona ferðum! maður bara reddar því einhvern veginn :)
elduðum svo lambakjötið okkar sem bragðaðist bara nokkuð vel með rauðvíninu sem við höfðum mikið fyrir að opna með skærum þar sem karlar leita eins og þeir leita og ottó fann ekki tappatogarann sem var svo bara efstur í skúffunni... en anyways.. ;) fórum svo södd og sæl að spila og eitthvað að dunda okkur bara! voða rólegt og huggulegt... vorum svo bara að eitthvað að slæpast á laugardeginum, kíktum í bíltúr sem endaði reyndar á selfossi mér til mikillar gleði (komst semsagt í búð ;) hehe ), svo kíkti famílian aðeins í kaffi til okkar og þegar þau voru farin fór grillmeistarinn af stað með kjötið :P svo var bara horft á sjónvarp, spilað og kíkt í pottinn sem var ææææði :)
lítið sem ekkert lært þessa helgina en hún var bara svo yndisleg að mér er eiginlega nokk sama... verð bara duglegri að læra núna í vikunni ;)
þetta var þvílík afslöppun og eitthvað sem allir hafa gott af, allavega var þetta gott fyrir okkur og það sem okkur vantaði núna... mæli með þessu! :P

annars er ég aftur kominn með djö.... hósta!!! nefið líka orðið stíflað sem er ekki alveg til að bæta þetta allt! Veit ekki alveg hvað er málið, ég verð sjaldan sem aldrei lasin og svo verð ég veik núna tvisvar á stuttum tíma… er nýbúin að vera lasin, var sett á pensilín sem ég tók mjög samviskusamlega og svo bara nokkrum dögum eftir fæ ég þetta aftur! er sko ekki sátt... :(

en ég er á leiðinni í hair-do í dag þannig að það bætir kvefið smá upp ;) er búin að fá nóg af þessari rót minni og nú er semsagt kominn tími til laga hana... þetta verður ábyggilega næst síðasta skiptið sem ég fer í hárlagningu hérna á klakanum í bili, fer í sumar áður en við förum út og svo eru það de danske frisörer sem fá að sjá um hárið mitt! :)

talandi um danmörk... fékk bréf í fyrradag frá einum skólanum af þremur sem ég sótti um í, staðfesting á því að umsóknin mín sé komin og hún sé komin á skrá... gleði!! :)
kollegi málin ganga vel... erum númer 92 á biðlista hjá einu og svo númer 100-200 á hinum, sem er mjög gott sko... og þar sem alltaf er sagt að það sé erfiðara að fá húsnæði í danmörku en að komast inní sjálfa skólana þá erum við rosalega bjartsýn í augnablikinu og lítur þetta mjög vel út:)

svo er ég að byrja að æfa aftur… er búin að vera í smá pásu en nú er það líka orðið gott og nú er tíminn til að koma sér í form fyrir sumarið! no exuse ;)

það er komið nett stress í mig… fæ afhent heima/lokapróf í einu fagi á eftir sem ég á svo að skila eftir viku og ég er enn eftir að lesa svo mikið… maður fær reyndar alveg mun meiri tíma til að ákveða svörin sín á svona heimaprófi en æjh samt alltaf þægilegri tilfinning að vera vel undirbúin fyrir próf… en þetta próf mun semsagt ganga fyrir hjá mér næstu vikuna… og þá er einu fagi lokið! ljúft :)

ætla svo að reyna að horfa á prison break í kvöld, það verður eiginlega bara sett í algeran forgang enda frekar vonsvikin að geta ekki horft á það í gær… eins gott að það verði eitthvað varið í þennan þátt… sem er nú alveg mjööög líklegt ;)

en já, segjum þetta gott i bili... :)

ji hvað ég á erfitt með að einbeita mér í þessu tíma sem ég er í... aðferðafræði, þannig að það er nú kannski ekki beint skrýtið ;) en allavega... tilvalið að nota tímann í að blogga smá.. :P

framundan er sko ALGJÖR afslöppunarhelgi... við ottó förum einhvern tímann seinnipartinn í dag, þurfum að versla og stússast eitthva smá áður en við leggjum af stað og svo er förinni bara heitið austur í bústað! svo er það bara pottur, vín og leti... ;) hehehe... ætli maður verði samt ekki líka að gera ráð fyrir smá lærdóm, enda tilvalið að læra þarna þar sem ekkert netsamband er og næg kyrrð! ætla sko að vera OFUR dugleg alveg... (sjáum til hvernig það mun svo ganga) :P

næsta helgi er svo strax orðin plönuð... á föstudeginum er það afmæli hjá gústa manninum hennar jónu (systir ottó) og þar sem hann er að verða fimmtugur verður heljarinnar partý þarna um kvöldið! 200 manna teiti og crazyness!!!! svo á laugardagskvöldið ætlum við ottó að elda með völu og andra og hafa það huggulegt bara, þetta er búið að standa til nokkuð lengi, hefur bara gengið frekar illa að finna laust kvöld en það er loksins komið að því og verður þetta pottþétt rosalega gaman :)

annars er ég bara að reyna að átta mig á sumarvinnunni... er 95% ákveðin í að vera á leikskóla þó að launin eru eins og þau eru... en það eru náttúrlega fullt af kostum sem vega á móti laununum, eins og ókeypis matur, engin helgar né kvöldvinna, inni þegar veðrið er ömurlegt, úti þegar sólin skín og maður getur náð sér í lit, svo síðast en ekki síst hvað þetta er bara skemmtileg vinna! ég verð að segja af eða á í næstu viku og hugsa að ég segi á... ég fæ engin svör frá hinum stöðunum sem ég er búin að sækja um á strax þannig að ég verð bara að taka sénsinn...

yfirborðsréttmæti, innihaldsréttmæti, viðmiðunarréttmætti, hugsmíðarréttmæti... uuu einmitt!! kannski best að fara að fylgjast aðeins með! ;)

Góða helgi elskurnar... :P

bara vika.....




jeeee!!! ;)

vá hvað er alveg ótrúlega jólalegt úti núna.. ég sem hélt að nú væri snjórinn og kuldinn in the past og sólin og hitinn að koma að ylja okkur en svo virðist víst ekki vera í bili!

við ottó kíktum í pool á föstudaginn.. gerðum smá mót úr þessu með verðlaunum og alles en hann vann, en samt bara rétt svo! ég tek þetta næst, ekki spurning ;)
fórum svo í afmælið til litlu kolbrúnar í gær en hún varð 5 ára fyrir stuttu og voru allir krakkarnir mættir í einhverjum ofursætum búningum, algerar rúsinur!
skellti mér svo í partí hjá rakel í gærkvöldi og var það rosalega gaman... fór lítið fyrir drykkju allavega hjá mér, aðrir voru aðeins skrautlegri ;) en já, ég fór ekki með liðinu í bæinn, enda ekki sniðugt að vera að fara á skemmtistaði þar sem reykmökkurinn er yfirgnæfandi þegar maður er á pensílini móti einhverju í lungunum... já svona fór þetta kvef illa í mig! þannig að eftir nokkra malibu kokteila og taumlausa gleði hringdi ég bara á driverinn minn og fór heim að kúra...bærinn fær að bíða betri tíma... enda frekar ógeðslegt veðrið um kvöldið sem var ekki alveg til að bæta það! vaknaði svo eldhress í morgun og til í allt! meiri að segja lærdóm :P

ég ætlaði að vera rosalega dugleg að taka myndir í gær en gleymdi því að sjálfsögðu þannig að ekki koma myndir frá mér inná myndasíðuna úr þessu partí... er samt búin að setja nokkrar myndir frá árinu 2005 inná... þetta eru myndir sem ekki hafa passað inní einhverja tiltekna flokka og eru héðan og þaðan...

framundan munu dagarnir hjá mér líta svona út: skóli, vinna, world class, læra.... reyndar ætlum við ottó að gera okkur smá dagamun næstu helgi og skella okkur í bústað en bækurnar munu samt koma með, enda endalaus lærdómur hjá manni þessa dagana og jú, svona mun það halda áfram út önnina... en það þýðir ekkert væl, bara drífa sig að læra og klára þetta með stæl!! :)