Ég er ekki frá því að maður hafi nælt sér í smá kvef útí eyjum, allavega hnerra ég hérna hægri vinstri... ! það var ólýsanlegt að komast í mitt eigið rúm aftur því þó að vindsængin hafi alveg verið að gera góða hluti þá jafnast hún ekki alveg við rúmið mitt... kannksi er það frekar það að sofa bara aftur í hlýju og þar sem dropar ekki á mann... :D hehhe ! en þetta var alveg þess virði og er maður nánast farin að telja niður aftur ;)
Svo er það brúðkaupið hjá Fjólu og Davíð um helgina og svo lokaprófið í sálfræðinni á mánudaginn.... þannig að það er alveg nóg framundan auk þess sem maður þarf að finna tíma til að hitta the buddies ... :)
hey Annika... by the way... hvaða skot eru þetta hérna á tagboardinu á mig ? :O hehehe ;)

Jæja fólk... þá þjóðhátiðin alveg búin og ráðlegast væri að taka sér drykkjupásu þangað til farið verður á næstu þjóðhátíð.... ráðlegast kannski en svo engan veginn rauninn... :$ Þetta var alveg hin skemmtilegasta helgi þrátt fyrir sumt svona síður skemmtilegt, greinilegt að maður þekkir ekki fólk eins og maður hélt eða þá að áfengið hafi gjörsamlega verið að stjórna því fólki... en meina maður reynir að gera gott úr öllu þannig að við skemmtum okkur ansi vel :) skandalar já... hugsa að ég fari ekkert nánar útí þá.... við vorum aaaaltof mikið á skallanum á tímabilum, sváfum ekkert alltof vel en Skafti á samt vinninginn í því máli en félaginn svaf í 3 tíma yfir alla helgina takk fyrir, en það var samt stemning í lagi...svo var veðrið ekki eins slæmt eins og gert var ráð fyrir og ekki eyðilagði þessi litla sól fyrir... :) allavega mér fannst mjög gaman núna þetta árið og er alveg á leiðinni aftur eftir ár, þó að Annika sé ekki á sama máli... svo tók ég alveg helling af myndum, sumar með tilheyrandi pósum, og munu þær koma hér bráðum, það er að segja þegar ég er búin að grandskoða þær og flokka þær grófustu úr ... :D

Erum við að tala um að fara til Eyja á morgun eða hvað ?!?!?!?!? ;P nú líst mér á það... veðurguðirnir ekki alveg að meika það en meina, smá rigning drepur mann nú ekki !! verður bara frekar blaut helgi....
fór að versla áðan og alveg slatti keyptur, mest samt kex og svoleiðis rusl og svo HELLINGUR af blandi... þetta er ekkert smá plássfrekt og verð ég ábyggilega að hafa sér tösku fyrir þetta allt... hmm... nei nei reyni nú bara að troða þessu eins og ég get !!! ;)

Helgin var gífurlega fjörug hjá mér að vanda og byrjaði hún með stæl á föstudeginum en Rakel var að halda uppá afmælið sitt og lét maður sig nú ekki vanta þar...  úr því var svo haldið í innflutningspartí niðrí bæ þar sem voru nánast bara strákar en það var nú bara gaman af því :D Kíktum svo eitthvað smá niðrí bæ með Skafta og Láka þar sem ég gerði víst eina stelpu brjálaða en ekki var það mér að kenna, hún var bara eitthvað að misskilja hlutina... ;)
Á laugardaginn var ég svo bara að vinna og svo meira djamm um kvöldið, aldrei nóg af því, enda eru farnar að birtast myndir af manni hér og þar á netinu... ehemm... maður þarf að fara að passa sig... nei nei segi nú bara svona ! gaman af þessu lífi !! :P
Síðasti vinnudagurinn minn er í dag og finnst mér alveg hreint ótrúlegt hvað þetta hefur verið fljótt að líða... tíminn hefur bókstalega flogið áfram !
3 dagar baby, 3 dagar ;)

Ég vaknaði eldspræk klukkan átta í morgun við þessa gífurlegu sól líka... þannig að ég nennti nú ekki að sofa lengur og skellti mér í baðhúsið og púlaði þar að venju... svo var veðrið svo ótrúlega gott þegar ég var búin þar, að ég plataði Stellu og Sigrúnu með mér í sund og vá ... margir greinilega í leit að brúnku því að laugin var pökkuð ! svo lenti ég í smá óhappi því á bikininu mínu eru svona perlur á hliðinni sem halda buxunum saman og viti menn... þurfa perlurnar ekki að losna takk fyrir... en ég náði nú að binda bara böndin saman og toldi það ótrúlega vel saman :) maður verður nú að redda sér !
svo er ég bara að fara að skella mér í vinnu og ætla svo að kíkja í Kringluna í kvöld eftir vinnu og gá hvort ég geti ekki eytt einhverjum pening :P heheh segi bara svona !
8 dagar....

Djöfull getur fólk nú verið klikkað ! Veskið mitt var tekið uppúr töskunni minni í vinnunni í dag og var ekkert smá mikið að drasli í því sem mér þótti rosalega vænt um... ekki nóg með að í því var ökuskirteini, öll skilríkin og kortin (þar á meðal ljósakort og slíkt), 10000 kall sem ég var nýbúin að taka út ( er eiginlega aldrei með pening í lausu ), heldur voru líka HELLINGUR af myndum og persónulegum miðum og drasli og það er eiginlega það sem mér þykir verst að missa... Við fórum niðrá lögreglustöð og löggan þar sagði okkur að koma aftur í fyrramálið til að gefa skýrslu sem við gerðum svo eldsnemma í morgun...Gaurinn sem tók skýrsluna var "detective inspector" ! enginn smá titill það ;) Fór svo og fékk bráðabirgðaökuskirteini og sótti um nýtt kort í bankanum... þannig að þetta púslast hægt og rólega saman, þó að ég fái náttúrlega allt annað aldrei aftur :(   BÖMMER !!
9 dagar...

Ég á semsagt eitt verkefni eftir í sálfræðinni í sumarskólanum sem er lokaverkefnið fyrir prófið á ágúst, og á ég að skila því 30 júlí sem er föstudaginn eftir viku...  ;P en já allt í góðu með það, en þetta er tilraunaverkefni þar sem ég á að tala við 2-3 krakka 4,5 eða 6 ára og ég var að fatta að ég veit ekki um neinn sem á börn eða systkin á þessum aldri ... hvað gera bændur þá ? endilega ef þið vitið um tvo gríslinga á þessum aldri endilega talið við mig... þið yrðuð alveg lifesavers !! :)

Helgin var afskaplega mátuleg fannst mér og ég skemmti mér mjög vel ...  Var að vinna á laugardaginn eins og vanalega og svo skellti ég mér til Dóru um kvöldið og kíktum við svo á djammið þegar Karó og Annika bættust í hópinn.... þetta er orðin svona nokkurs konar rútína hjá okkur á laugardögum því svona hafa allir laugardagar sumarsins litið út...En núna á ég bara eftir að vinna einn laugardag sem er núna næstu helgi en minn síðasti dagur í vinnunni er á þriðjudaginn eftir viku... allavega eins og planið lítur út núna !
Núna er mánudagur eins og glöggir menn hafa tekið eftir og núna getur maður farið að segja að maður sé að fara á þjóðhátíð í NÆSTU viku !! ;) ekki amalegt það...
11 dagar...

Fjölskyldan mín er ótrúleg... Þegar fólkið kom að vestan á fimmtudagskvöldið var Edda að tala um hvað hana langaði að fara eitthvert út og ljúka sumarfríinu með stæl og var vinan ekki fyrr komin inn úr dyrunum þegar hún var sest fyrir framan tölvuskjáinn og að panta sér miða til Svíþjóðar ! Þannig að hún er að fara þangað í dag með vinkonu sinni og verða þær í rúmlega viku ! Ekki nóg með það, heldur fengu foreldrar mínir sömu hugmynd og ákváðu að skella sér bara til Danmerkur á miðvikudaginn og vera í viku... koma semsagt heim þegar ég er í fullum undirbúning fyrir þjóðhátíð ;) en já ég verð semsagt ein heima í eina viku... aftur... magnað fólk í þessari fjölskyldu , það er sko ekkert verið að hika við hlutina á þessum bæ !! :D
13 dagar !! ;P

Jújú... haldiði ekki bara að auði hérna hafi dottið í hug að setja á sig brúnkukrem fyrir svefninn í gærkvöldi og afleiðingin af þeirri hugdettu varð sú að annar fóturinn minn var hreint og beint röndóttur þegar ég vaknaði !! :D alveg hreint magnað þarsem öll önnur svæði heppnuðust frekar vel en bara annar fóturinn sem var ekki alveg að passa þarna inní ... jájá því ekki ?!?!? ;)
Tiltektin í herberginu hélt áfram í morgun áður en ég fór í vinnunna og miðar þetta allt saman hægt og rólega áfram... ákvað að taka þetta í smá lotum !! ;P sé samt eiginlega ekki fyrir endann á þesssu... endalaust hægt að flokka og þar sem ég á alltof mikið að dóti, veit ég ekkert hvert ég á að setja það.. en já þetta hlýtur að fara að taka enda, hef enga trú á öðru enda þýðir víst ekkert að vera að hangsa með hlutina !! :)
15 dagar ...