Jæja, ég dreif mig í skólann í gær enda alveg komin með nóg af þessum aumingjaskap i mér! heheh! held samt að ég hafi alveg haft gott af því að vera heima fyrri part vikunnar og reyna að ná þessu úr mér... er altof dugleg að leyfa mér ekki að verða veik, en maður verður víst stundum að taka því með ró...

en já ég er semsagt öll að hressast! fór í vinnuna í dag og var sá tími alveg ótrúlega fljótur að líða enda alltaf gaman í vinnunni! :) leikskólastjórinn kom til mín og vildi endilega fá mig fullt starf í sumar og þó að það sé rosalega freistandi þá veit ekki alveg hvað ég geri... leikskólinn lokar nefnilega í heilann mánuð í sumar og það er svolítið mikið að missa af mánaðarlaunum ef maður fær enga aðra vinnu í þennan mánuð... svona sérstaklega þar sem maður er að fara út í haust og svona... en ég sagðist ætla að hugsa þetta aðeins, enda er ég alveg á báðum áttum....

helgin nálgast óðum og er hún alveg óráðin! ótrúlegt en satt... hugsa að hún verði í rólegri kantinum enda ekki sniðugt að vera að fara á eitthvað svaðalegt tjútt svona nýuppstaðin úr veikindunum... nenni sko ekki láta mér slá niður og veikjast aftur, nei takk!!! þá sleppi ég nú frekar djammi :) ætla svo að reyna að vera dugleg að læra um helgina (meina þetta í þetta skiptið!!) enda fer ég fyrsta lokaprófið mitt eftir bara þrjár og hálfa viku! :S

var að skoða hvað lag var toppnum á billboard þegar ég fæddist og semsagt 31. október 1984 var caribbeaan queen með billy ocean á toppnum... gaman að því ha! ;) en já ef þið hafið áhuga að sjá hvaða lag var að toppnum þegar þið fæddust ýtiði bara hér :P

jájájájá... svona er ég semsagt dugleg að læra... ;)

Þetta er nú ljóta flensan sem er að herja á alla núna þessa dagana...! er búin að vera frekar slöpp um helgina, var samt eiginlega verst í gær en er heima núna að reyna að ná þessu úr mér... mamma og edda eru líka lasnar þannig að við erum þrjár heima sem hefur nú bara ekki gerst síðan ég man eftir mér! vona bara að þetta fari sem fyrst úr manni...

Annars fór maður svona á sig komin í útskriftarveislu til vin ottós á laugardagskvöldið þar sem voru glæsilegar veitingar :) eftir það brunuðum við í afmælispartýið hjá völu og andra þar sem við stoppuðum reyndar stutt útaf slappleika í okkur báðum en það er alltaf gaman að kíkja til þeirra samt :)

Á föstudaginn var svo febrúar saumó hjá tomma... ekkert smá góð mæting, mættum flest öll og allir vel hressir... sumir reyndar alveg hressari en aðrir en það var bara gaman að því ;) heheh! tókum svo öll lagið í söngstar, slógum þessu upp í keppni og náði ég í annað sætið... ótrúlegt en satt miðað við að vera hálfraddlaus... en þetta var súper stuð :P

Helgin byrjaði ekkert smá vel á föstudaginn... fékk tilbaka ritgerðina sem ég kláraði í einum rikk um daginn og fékk ég 8 fyrir hana takk fyrir takk! ekkert smá ánægð þar sem ég kláraði hana klukkutíma áður en ég átti að skila henni (alltaf jafn stundvís með allt!) og gerði fastlega ráð fyrir því að ég fengi í mesta lagi 5... þetta var alveg æði enda gildir hún líka frekar mikið af lokaeinkunninni... þannig að ég var bara ein gleðisprengja á föstudaginn! ;)

en já... ætla að fara að taka sólhatt og fara að halda áfram með skólaumsóknina mína... :)
tjusss :)

p.s. kanarí myndir eru komnar inn..... :)

Ég dýrka föstudaga, sérstaklega þegar maður er í síðasta tímanum sínum sem endar í síðasta lagi um hádegi og það er sól og fallegt veður úti... þá endurhressist maður einhvern veginn vitandi það að það sé að koma helgi og notalegheit... love it! :P

Var að vinna í gær og ég hef sagt það áður og segi það bara aftur, allir ættu að prófa að vinna á leikskóla þó það væri ekki í nema einn dag! þetta er bara eitt yndislegasta starfið sem hægt er að vinna við... og það sem veltur upp úr þessum gríslingum er alveg æðislegt :P þau eru sko algerir demantar og þó að það sé auðvitað alltaf einn og einn svona óróaseggur inn á milli þá er hann líka alveg yndislegur á sinn hátt! þannig er það nú bara :) þau eru svo mismunandi týpur og það er náttúrlega líka það sem gerir þetta starf svona skemmtilegt! svo fór ég allt í einu að pæla hvernig týpur mín börn skyldu verða, svona miðað við þau sem eru hjá mér á leikskólanum... hugsa að mín verða nú ábyggilega algerir prakkarar... hehehe ;P

Er enn að leita mér að vinnu í sumar, er búin að fá nokkrar ábendingar um góða staði og nú þarf ég bara að fara að vinna í að sækja um... ætla að reyna að vinna smá í því um helgina...

Íbúðarleitin í DK gengur aðeins betur... erum að færast ofar á listana sem er auðvitað rosalega flott... nú er bara um að gera að fara að drífa sig í að senda umsóknirnar út þannig að þær komi út í tíma... sumir reyndar ekkert að stressa sig á þessu... hmm... nefni engin nöfn ;) hhehe...en ég ætla allavega að reyna að vera búin að koma minni út í góðum tíma þannig að það verði ekkert vesen þarna úti :)

jöss... en ég er out...

ciao sykurpúðar :P

Annað hvort er ég þvílíkt óheppin manneskja eða bara alger klaufi... ;)
fór í ljós í dag og þessi eini tími kostaði mig 700 aukakrónur takk fyrir! ég átti kortið fyrir n.b.... allavega þá var ég svo ótrúlega óheppin með miðana í stöðumælana og þurfti að kaupa 3 miða þökk sé hvassviðrinu... fyrsti miðinn lenti einhvern veginn meðfram miðstöðinni þannig að ég náði honum bara alls ekki upp, miði númer tvö fauk bara útúr bílnum og flaug útí vindinn... þriðja miðann þurfti ég að festa niður með tyggjó! (ekki beint geðslegt, ég veit, en eitthvað þurfti ég að gera til að hann fyki ekki líka eitthvert ;)) þetta er alveg mín heppni... en já svona verður maður fátækur :D hehehhe!

annars er ég bara eiturhress alveg... helgin nálgast óðum og verður hún örugglega rosalega fín eins og þær eru nú flestar... allavega á morgun er matarboð heima hjá mér, á föstudaginn er saumó sem verður án efa ferlega hresslegur ef ég þekki okkar "gang" rétt! ;) svo á laugardaginn er partý hjá Völu og Andra þar sem Andri á afmæli og er að verða 22. ára... svo reynir maður eflaust að læra eitthvað smá þarna á milli... þannig að það er alveg nóg að gera hjá manni næstu daga, sem er auðvitað bara skemmtilegra ;)

Til hamingju Ísland! ;)
maður var nú svosem ekkert hissa þegar kom í ljós hver stóð uppi sem sigurvegari í eurovision keppninni á laugardaginn... hefðum þess vegna alveg getað sparað peninginn og notað hann í eitthvað gáfulegra, heheh! fyndið samt, þar sem DV var búið að slá því upp um daginn að þetta yrði þvílikt einvígi milli sylvíu og birgittu og svo var birgitta víst hvergi nálægt toppnum! en DV hefur nú hvort sem er sjaldnast rétt fyrir sér...

en já, helgin byrjaði ansi skrautlega en endaði alveg þokkalega...

vísindaferð í KB banka á föstudaginn og var það ekkert smá stuttur fyrirlestur sem við lentum í þar... þrjár glærur eða svo og svo áttum við bara að njóta veitinganna :P

laugardagurinn fór að mestu í lærdóm og þar sem þreytan var alveg að fara með mig þá afkastaði ég nú ekki eins miklu ég hefði óskað... en það er svona, þegar maður nær ekki góðum svefni... um kvöldið var svo eurovision partý hjá hjalta vin ottós og var það mjög fínt :) fylgdum reyndar ekki straumnum niður í bæ og fórum bara snemma heim, takk fyrir skutlið íris... :P

gærdagurinn var svo voða rólegur og huggulegur svona í tilefni konudagsins ... :) eftir dásamlega falleg högg hjá mér í Básum tókum við smá ísbíltúr sem er jú alltaf tilvalið svona á sunnudögum! ;)
fórum svo út að borða á Ruby Tuesday, ætluðum að fara á Ask en þegar við komum þar inn var alveg stappað og okkur tilkynnt að það væri frekar löng bið þannig að við enduðum bara á Rubys þar sem var aðeins minni bið... tókum svo óskarsverðlaunamyndina Ghandi sem var mjög góð... hún er reyndar alveg 3 tímar en þeir voru frekar fljótir að líða :)

svo var bara skóli í morgun, efnahagslíf og þjóðfélags tími sem var mjög áhugaverður, það er nú meira hvað maður labbar alltaf klár út úr háskólabíó! hhehe :P
kíkti svo á grísilingana á leikskólanum... var eiginlega frekar fegin að vera bara að vinna 3 tíma í dag.. það er nefnilega meira en nóg að gera hjá manni þessa dagana... held að ég geri mér ekki alveg nægilega oft grein fyrir því hvað tíminn er fljótur að líða og fyrr en varir verða prófin komin og þá stendur maður uppi illa undirbúinn... maður verður að vera duglegri að skipuleggja sig, það er nokkuð ljóst... :)

jessí, en ætla að fara að horfa áfram á prison break... ye baby!! ;)
túddelú...

Núna er ekki seinna vænna en að fara að finna sér vinnu fyrir sumarið og er ég á fullu núna að reyna að finna eitthvað sem heillar mig en það gengur eitthvað hálf brösulega... ég væri alveg til í að vera á leikskólanum í sumar, en launin eru bara ekki til að hrópa húrra fyrir, sérstaklega þegar maður er að reyna að safna fyrir haustinu... en þetta er náttúrlega afskaplega þægileg vinna, aldrei að vinna um helgar eða á kvöldin, færð tveggja vikna frí og ert inni þegar það er leiðinlegt veður og úti þegar sólin skín :P heheh mjög þægilegt! en ég er semsagt að reyna að finna mér eitthvað aðeins betur launað...

annars er það bara aftur vísindaferð núna á morgun með sálfræðinni... karó ætlar að kíkja með í þessa ferð og þar sem það komast 100 með í þessa ferð má búast við góðu stuði ;) þetta skiptið verður farið í KB banka og það verður örugglega fróðlegt og skemmtilegt... allavega nóg af drykkjarföngum hefur maður heyrt og ekki er það nú verra :P heheh!

annars er planið að læra vel á laugardaginn og kíkja kannksi í bása á sunnudaginn ef veðrið verður gott... annað er eiginlega óplanað ennþá en maður er alltaf opin fyrir öllu :)

svona í lokin ætla ég að minna fólk á að fylgjast með prison break!!! erum komin að 10.þátt og ég er alveg að tapa mér yfir þessu! ;) heheh, mæli með þessu....

ciao ;)

búggalú! þá er helgin búin og ný vika strax að verða hálfnuð!

en já við Annika fórum í vísindaferð í Skjá 1 á föstudaginn og var það mjög skemmtilegt og fróðlegt... fengum að heyra ýmislegt beint í æð og svona ;) svo var ferðinni bara haldið á Pravda en þar sem maður var komin ágætlega í glas og heilsan ekki sem best þá réð skynsemin för og ég lét bara sækja mig og fór heim í kúr og notalegheit :)

á laugardaginn byrjaði ég á tiltektinni sem er búin að bíða mín alltof lengi ... komst reyndar bara rétt af stað en maður er þó allavega byrjaður ;)
svo var bara farið í pool um kvöldið... mér finnst alveg magnað hvað mér finnst gaman í þessu...! langaði sko ekkert að hætta en yfirvaldið réð förinni þannig að við fórum bara og fengum okkur í ís áður en við fórum heim... :P

sunnudagurinn var rólegur... lærði smá og kíkti svo aðeins í smáralindina að sækja hringinn minn sem var í viðgerð... fór svo í bíó um kvöldið... fórum á Munich sem er ekkert smá góð! mæli sko 100% með henni... löng en alveg þess virði!

Ég er búin að vera ótrúlega slöpp núna um helgina en er öll að hressast núna... tel mér trú um að sólhatturinn sem ég tók í gær og í fyrradag sé málið, heheh ;)

annars er ég enn á fullu að leita að íbúð fyrir okkur eða kollegi en það gengur alveg hræðilega illa... alls staðar erum við enn rosalega neðarlega á öllum biðlistum, en það er kanski aðeins of snemmt að fara að örvænta strax þar sem er nú alveg rúmlega hálft ár til stefnu... :D æjh samt, maður væri rólegri ef maður væri ofar á þessum listum... en við bara krossum fingur og vonum það besta :)

svo þarf ég að fara að fylla út þessa hræðilegu umsóknarbók fyrir skólana sem ég ætla að sækja um í og þarf að senda hana út í byrjun mars... bæði þessi bók og íbúðarleitin er svo rosalega tímafrekt að ég hef verið að slugsa frekar mikið með lærdóminn sem er náttúrlega alveg ferlegt þar sem fögin mín eru ekki alveg þau auðveldustu...en núna verð ég að fara að taka mig á ef ég ætla að ná þessum einingum :)

jessí... en læt þetta duga í bili... kannksi sniðugt að fara að kíkja smá í bók ;)
sjáumst elskurnar! :P

var klukkuð af skvísunni henni Anniku og here it goes...

4 störf sem ég hef unnið yfir ævina:

*leikskólakelling á nóaborg og urðarhól, skemmtilegasta starf ever! :)
*vann í bókabúðinni á hlemmi - rosalega þægilegt og skemmtilegt starf
*var eitt sumar í hagkaup - langt frá því að vera spennandi, en reyndar var einn fallegur plús við það starf...! ;P
*hef unnið í breiðholtslauginni

4 bíómyndir sem ég gæti horft á aftur og aftur:

* dirty dancing - æðisleg mynd sem ég hef reyndar ekki séð í langan tíma en er samt alltaf jafn skemmtileg!
*pretty woman - sígild og skemmtileg :)
*clueless - ég hef horft svo oft á hana að ég hef þrisvar þurft að kaupa nýtt eintak :$
*lion king - æði!

4 staðir sem ég hef búið á:

*Skógarás í árbænum - bý þar nú og væntanlega nokkra mánuði í viðbót...
*Brekkubænum í árbæ - bjó þar meðan ég var í árbæjarskóla semsagt í 9. og 10. bekk
*Brahmsvej í holstebro - æðislegur staður og bjó þar í 4 ár
*Lindarhvammi í hafnarfirði - þarna hef ég búið lengst eða í 10 ár

4 sjónvarpsþættir sem eru í uppáhaldi:

*PRISON BREAK takk fyrir!
*Lost - reyndar svolítið farnir að dala :S
*O.C. - í anda beverly hills ;)
*Simpsons - alltaf hægt að horfa á það!

4 staðir sem ég hef heimsótt í fríum:

*Austuríki
*Tékkland
*Holland
*... mörg önnur lönd - veit um fátt skemmtilegra en að ferðast!

4 heimasíður sem ég skoða daglega:

*ugla.is
*mbl.is
*þessa dagana er findbolig.nu voða vinsæl :)
*.... fullt af öðrum síðum og bloggi :P

4 máltíðir sem ég held upp á:

*maturinn á my house í yumbo centrum á kanarí svíkur sko engann!
*flestir fiskréttir- greinilega sjómannsdóttir hér á ferð :P
*mango/chautney kjúklingur - ekkert smá góður!
*lasagna - einfalt og alltaf rosa gott

4 bækur sem ég les oft:

held ég verði að segja pass við þessu... engar sérstakar bækur sem ég les oft, en það sem ég les þessa dagana eru skólabækurnar, námsbæklingar, morgunblaðið og fréttablaðið

4 staðir sem ég myndi vilja vera á núna:

*gran canaria baby!
*að missa mig með vinkonunum í búðunum í mall of america :P
*einhver staðar í nuddi á svona spa hóteli með mínum heittelskaða
*á hargreiðslustofu að láta klippa mig og láta setja í mig strípur

4 manneskjur sem ég ætla að klukka:

*Vala Rún
*Vala
*Láki
*Ásrún

góða skemmtun elskurnar ;)

vúhúúú... sko mína! náði að klára ritgerðina... reyndar var ég bara rétt svo að klára hana í þessum skrifuðu orðum og á skila henni eftir klukkutíma :$ alger silly billy! heheh ;) en gott að hún er búin, þá þarf ég ekki að hugsa meir um hana...

hey það er vísindaferð í Skjá einn núna á föstudaginn og hljómar það ekkert smá vel enda ætlum við Annika að skella okkur :P mega stuð það, enda langt síðan við fórum saman í vísó... held að það hafi bara verið síðast þegar "hot water" var stofnað (dont ask! ;)) og þá er það alltof langt síðan! heheh...

mig langar ekkert smá mikið að komast aftur í sólina, helst núna í dag bara en myndi samt alveg sætta mig við í sumar... reyndar engar líkur á að það verði sólarlandaferð á dagskránni þetta árið en alltaf gaman að láta sig dreyma... hef verið að skoða hina og þessa bæklinga (svona þegar ég er ekki alveg í lærdómsgírnum ;)) og mig langar að fara til svo margra landa að það hálfa væri meira en nóg... búlgaría, króatía, grikkland, ástralía, og bara you name it, mig langar þangað! :D ef ég ætti sand af seðlum væri bókað mál að ég væri alltaf á ferðinni því að ferðast er bara eitt það skemmtilegasta sem ég veit um!

yfir í annað... sylvía nótt fær að taka þátt í undankeppni eurovision og er ég bara mjög sátt við það... töff lag sem maður fær auðveldlega á heilann... eiga þau ekki einmitt að vera svoleiðis? :P en já, kannksi ekki alveg lag í anda eurovision en það væri bara hipp að senda þetta út fyrir okkar hönd... er reyndar ekki mikill eurovision aðdáandi en held samt að þetta myndi skera sig úr í keppninni og verða eftirminnilegt! :)

magnað hvað ég virðist ekki getað klárað skólaverkefni fyrr en skömmu fyrir skilafrest! á að skila 10 bls. ritgerð núna á miðvikudaginn og að sjálfsögðu er nöllinn hérna varla byrjuð að skrifa... maður er nú alveg í ruglinu bara... en jæja, svo lengi sem ég skila þó verkefnunum þá hlýt ég að sleppa.. ;) heheh...

við ottó erum búin að sækja um tvö kollegi í köben og erum við frekar vongóð að fá inni allavega í öðru þeirra... okkur langar samt eiginlega frekar í okkar íbúð en bara málið með það er að þær íbúðir sem eru á markaðnum núna vilja fá leigendur frá mars eða apríl sem er jú alltof snemmt fyrir okkur.. þannig að við getum eiginlega ekkert farið að leita almennilega að íbúð fyrr en í apríl eða maí... mig langar ekkert smá mikið að flytja aftur til holstebro en það er ágætt að prófa köben líka, skólarnir þar og svona... :) svo er ég svo heppin hvað ég þekki marga þar í kring.. villi bróðir í hróaskeldu, dönsk vinkona mín og kærastinn hennar rétt hjá köben , frændfólk mitt býr í köben og svo náttla valan mín í stokkhólmi sem er nú ekkert agalega langt í burtu, allavega styttra þar á milli heldur en héðan frá íslandi ;)

vá hvað mig er samt farið að hlakka til að flytja út... ok veit alveg að það eru alveg 6-7 mánuðir þangað til en alltaf gaman að hlakka til einhvers ;) vissulega verða þetta þvílik viðbrigði en þetta er náttúrlega bara nauðsynlegt fyrir alla... eiginlega frekar hissa á að ég sé ekki löngu farin út en núna er sko kominn tími til... allavega í mínu tilviki...! en já planið er semsagt að fljúga út miðjann ágúst... það getur náttúrlega altaf breyst eins og með allt í lífinu en það er sumsé allavega stefnan núna í dag... og já... það eru litlar sem engar líkur á að ég sé að fara á þjóðhátíð í eyjum þetta árið... sorry elskurnar! veit að sumir eru ekki ánægðir með þetta en svona er lífið maður verður stundum að velja og hafna, ég verð þarna samt þokkalega í anda! ;) síðustu þrjár þjóðhátíðir hafa verið hreint út sagt brjálæðislega skemmtilegar og mun ég bókað mál fara aftur, því miður bara ekki þetta árið... en meina, það kemur önnur þjóðhátíð á eftir þessari, ekki satt? :P