það er laugardagskvöld og ég sit og er að setja saman massa heimildaskrá fyrir kallinn sem þarf helst að klárast í kvöld... hehe hlýt að vera besta kærasta í heimi bara... :P en já, ég er semsagt aðeins að létta undir fyrir honum svo hann geti einbeitt sér að ritgerðinni sjálfri enda fer að styttast í skiladag hjá honum og hann þarf að fara að klára hana... en það eru ekkert smá margar heimildir sem hann er að nota þannig að þetta er alveg hellings vinna að glúgga í allar þessar bækur og á heimasíður til að finna það sem ég þarf... en mig munar nú ekkert um þetta, hjálpa að sjálfsögðu með glöðu geði þegar ég er beðin um eitthvað :)

en já, annars er ég lítið í netheiminum þessa dagana... alltaf nóg að gera hjá mér sama hvað það er, en það er gott þar sem mér finnst nú nauðsynlegt að hafa eitthvað fyrir stafni :)

er búin að vinna í viku á heiðarborg og er á elstu deildinni þannig að það er alltaf nóg fjör og læti í kringum mig :) hehe! en annars er rosa gott að vinna þarna, góður andi, skemmtilegt fólk og allt voða nice bara... finnst líka alveg magnað að það eru heilir þrír strákar á mínum aldri að vinna þarna! vonandi að þetta sé það sem koma skal því mér finnst persónulega vanta fleiri karlmenn til að vinna á leikskólum þar sem bæði þeir og börnin hafa gott af því... en það mun reyndar ekkert gerast fyrr en launin hækka miklu meira! en anyways... ég er semsagt mjög ánægð þarna :)

fylgdist með eurovision á fimmtudaginn og já, ég hef eiginlega bara fátt um það að segja... "sylvia night" var bara langt frá sínu besta, hún var andstutt og virkaði frekar óörugg eitthvað... kannski útaf púinu sem hún fékk á sig en maður veit ekki... hún sneiddi alveg framhjá f-orðinu umtalaða en kom með svo seinna í atriðinu með annað sem var ekki beint barnavænt.. hehe... reyndar ekki eitthvað sem krakkar hafa fattað en samt ansi djarft að bæta einhverju svona inn í atriðið, held að flestir "fullorðnir" hafi tekið eftir þessu sem ég er að tala um...
en var svo að fylgjast með aðalkeppninni áðan með öðru auganu og fannst bara æði að finnar unnu þetta! klikkað flott hjá þeim, þó að þeir séu eins ógeðslegir og þeir eru... hehe!

en ætla að fara að halda áfram að nördast með þessa heimildaskrá... :)

jæja já.. þá er maður sko loksins búin í þessum blessuðum prófum og bækurnar nánast komnar í kassa undir súð því í þær verður sko ekki gluggað meir á næstunni! ;)
en já, það gekk ekki vel í síðasta prófinu mínu á fimmtudaginn, en það var aðferðafræði þannig að ég bjóst nú ekkert frekar við því og verður það sko algert kraftaverk ef ég næ því... þannig að ég býst alveg við þokkalegu falli í því... en það þýðir ekkert að vera að pæla meira í því, búið og gert og maður verður bara að bíða og sjá... :)

eftir prófið var mér svo létt að ég vissi eiginlega ekkert hvað ég átti að fara að gera þannig að ég fór bara eitthvað að tjilla og njóta lífsins á ný... ljúft!

svo á föstudaginn fór ég til tannlæknisins (fékk aðra tíma hjá hinum læknunum þar sem ég nennti ekki að eyða deginum í algert læknastúss enda ekki það brýnt að komast að) og hann sagði mér að hann treysti sér ekki til að klára þessa aðgerð og að ég yrði að komast til sérfræðings! jahá... það er nota bene þriggja til fjögurra mánaða bið hjá þessum sem hann vísaði mér til!! og það þýðir jafnvel það að ég verði að fara til sérfræðings úti í DK frekar ef ég fæ ekki tíma hjá þessum áður en við flytjum út í ágúst...þetta er nú bara vesen sko! en svona er þetta víst og verð ég láta mig hafa það þar sem þetta er aðgerð sem verður að klára...
en já svo þegar deyfingin var farin að mestu hitti ég bara ottó og fengum við okkur að borða....

svo kom kvöldið í allri sinni dýrð og var fólk farið að streyma til mín uppúr níu og var liðið bara hressleikinn uppmálaður enda ekki annað hægt :P vorum við svo bara heima hjá mér að tjútta til svona eitt en þá lá leiðin niður í bæ en þangað hef ég ekki farið á djamm í dágóðann tíma! var eiginlega bara á hressó allan tímann en þar fékk ég alveg nokkur góð compliment sem voru sko alveg að gera sig... hehe alltaf gaman að því ;)
en já, ég gafst samt upp um fjögur leytið, alveg búin á því, eða tærnar voru alveg búnar á því.. hehe, kramdar og aumar og meikuðu ekki meira og greinilega komnar úr allri djamm og dansiæfingu :P
lenti svo á ógeðslegasta leigubílstjóra sem ég veit um þegar ég var að fara heim... án djóks þá hef ég aldrei verið jafnsmeik í leigubíl og var ég farin að búast við hinu versta bara! hvernig hann var og hvernig hann talaði... úff... en ég komst þó heil heim á endanum og það er nú fyrir mestu.. :)

gærdagurinn fór svo bara í tjill... ottó kláraði sín próf í gær og í tilefni þess skelltum við okkur í ríkið og keyptum nokkra ískalda carlsberg og smá rauðvín :) svo var bara farið í smá ísbíltúr og notið sólarinnar... um kvöldið pöntuðum við okkur svo bestu pizzu sem ég hef nokkurn tímann fengið, fengum okkur einn ískaldann og leigðum king kong... veit ekki ennþá alveg hvað mér finnst um hana... hún er nokkuð góð en samt er margt sem er ekki nógu gott og sem gæti verið betra... en núna er maður allavega búin að sjá hana enda hefur mig langað að sjá hana svo lengi :)
svo er bara vinna í fyrramálið, hlakka svo til að fá að vita á hvaða deild ég verð... og svo er ég ekki búin að fá að vita á hvaða tíma ég verð, þannig að þetta kemur allt í ljós á morgun :)
spennó...