Fólkið sem kemur í búðina gæti sko ekki verið fjölbreyttara og ýmislegt sem maður lendir í !! :D það kom til dæmis strákur, líklega á mínum aldri og var búinn að tala heillengi við eigandann niðri og fór svo út... ég horfði á eftir honum og þá leit hann innum gluggann, sá mig og kom aftur inní búðina og stóð yfir mér í ábyggilega 20 mínutur, spurði mig hvort ég ætti rítalín og sagði mér alveg HELLING af hlutum sem ég hefði alveg getað lifað án þess að heyra... þessum gaur var semsagt hleypt úr fangelsi í gærmorgun en er eftir að afplána 15 mánuði og ef hann brýtur af sér núna þá bætast 3 ár við það... svo tók við 20 mínutna sögustund þar sem ég fékk meðal annars að heyra MJÖG nákvæmar lýsingar á ráni sem hann og vinur hans framkvæmdu ( sem ég man rosalega vel eftir ) ! það var nú ekkert voðalega auðvelt að skilja hvað hann var að tala um því hann hoppaði úr miðri sögu yfir í næstu og kláraði sjaldan það sem hann var byrjaður á.... brot úr samtalinu rétt áður en hann fór :
gaur: já vinur minn tók peninginn minn sem ég fékk í gær... hey má ég kannksi hringja aðeins í hann til að fá peninginn ?
ég: já ég skal leyfa þér að hringja stutt, en það er bara hægt að hringja í heimasíma
gaur: já það er fínt. Veistu hvað klukkan er ?
ég: já hún er að verða 6
gaur: í alvuru ? ég átti að mæta til læknis klukkan 2 !!
ég: þú ert orðinn altof seinn í það núna....
gaur: það er svo þægilegt að tala við þig...
ég : uu... takk
gaur: já ... hey eigum við að gera svolítið ?
ég : uuuu...
gaur: hahahaha !! ekki þú og ég þannig !! svipurinn á þér ! ég á sko kærustu... við hittumst í fangelsinu...
ég: já ég skil...
gaur: ég er nýkominn úr meðferð... en þarf að fara aftur...
ég: núnú ekki var það nú gott...
gaur :nei... fokk hvað kærastinn þinn er heppinn maður !
ég : uuuu ... takk.... held ég...
gaur: hey það er komin helgi...
ég: já... það er víst...
gaur: ooo ég þarf að fara...
ég : farðu vel með þig og reyndu að forðast fangelsið...
gaur: takk... ég skal reyna það fyrir þig...
mér finnst svo sorglegt þegar svona fer fyrir fólki... þetta var mjög myndarlegur strákur sem gæti hæglega komist langt í lífinu.. en já... svona er þetta víst..
jæja... er farin að finna mig til fyrir smá tjútt !! :D

Alveg hreint ótrúlegt hvað dagarnir fljúga beinlínis framhjá manni... strax kominn laugardagur aftur og læti... ég er glaðvöknuð og klukkan ekki orðin 9 og ég á ekki að byrja að vinna fyrr en 10... mér finnst nú alveg fyndið samt hvað ég er ferlega hress og vakandi miðað við lítinn sem engann svefn í nótt, nú er bara að vona að þreytan sæki svo ekki að manni um miðjan daginn... :D
Engin vinna á morgun þannig að ég ætla með góðri samvisku að skella mér aðeins á gaukinn í kvöld með stelpunum, að kíkja á í svörtum fötum... hefði ábyggilega skellt mér þó ég hefði átt að vinna en þetta er skemmtilegra svona ;)
Ég keyrði yfir kött í gær.. ! svartann í þokkabót ! hann kom stökkvandi á milljón útúr einhverjum runna sem ég var að keyra meðfram og lenti semsagt í mér ! ótrúlegt en satt þá slapp han ALVEG ómeiddur frá þessu og hljóp hinn rólegasti í burtu eftir þetta... ég var nú ekki alveg að fatta það og fatta það ekki enn hvernig hann gat sloppið svona ferlega vel... greinilega eitthvað til í því þegar sagt er að kettir hafa níu líf og þessi köttur er klárlega dæmi um það ! :D
þið bara kíkið til mín í búðina ef þið viljið komast yfir nýjasta slúðrið... eða bara ef þið viljið kíkja á mig ;P ciao !

jæja þá fór ég og sótti símann minn í gær og mér til mikillar gremju eyddist allt sem var seifað í honum, símanúmer, sms og fleira... :( fékk hann semsagt alveg eins og hann var fyrst... held samt að þeir hafi gert eitthvað meira við hann því það er eitthvað dót í honum sem var ekki áður en hann er allavega kominn aftur í hendurnar mínar ... :)
það er vika í 17. júní og þar sem ég verð í fríi þá verður væntanlega eitthvað tjúttað 16.... svo er verið að reyna að fá mig á djammið á sjálfann 17. líka en ætla aðeins að sjá til með það...
ég get svo svarið fyrir það, að þrátt fyrir þetta góða veður er mér actually frekar kalt núna... kemur samt ekki til greina að leggjast í veikindi núna enda er það eitthvað það leiðinlegasta sem ég veit um... að vera veik semsagt... nei hugsa að mig vanti bara einhvern til að kúra hjá og hlýja mér... ;)

Haldiði ekki bara að hún Auður hérna hafi unnið heilar 500 krónur í lóttóinu ? það er ansi fyndið miðað við það að ég vinn yfirleitt ekki neitt, en ég er ekkert að kvarta þó þetta sé nú ekki upphæð uppá marga fiska... en 500 kall er 500 kall og á maður að vera þakklátur fyrir það, sem ég auðvitað er :)
Ég náði ekki að sækja símann minn úr viðgerð í dag þannig að ég verð að reyna að koma mér í það á morgun eftir vinnu... var líka svona ferlega heppin að einn þurfti að fá að breyta vinnutímanum á morgun þannig að ég er bara frá 10-15 en ekki til sjö sem er býsna gott því þá ætti ég að ná að gera ýmislegt sem ég er eftir að ganga frá, sem er ansi mikið... en það reddast nú allt ! svo ætti ég meiri að segja að komast í bodyattack með henni Dóru minni þannig að fegin er ég að vinnutíminn breyttist á morgun...
Maður ætti kannksi að fara að koma sér í háttinn enda er maður eitthvað orðin þreyttur... ciao babes ;)

Við Annika og Láki ætluðum heldur betur að taka djammið með trompi og skella okkur á ball í Grindavík en þegar við vorum komin þangað um tvöleytið var uppselt takk fyrir ... enda kannksi ekki hús sem rúmaði marga :D en já þannig að við rúntuðum bara í Njarðvík og enduðum bara á djammi í Reykjavíkinni... kannski bara best að halda sér þar ;) hehe ! skelltum okkur aðeins á Nellys og svo var kíkt á Sólon í góðum fíling... Sumir orðnir ANSI skrautlegir og var ég nú á tímabili farin að verða ansi hrædd um að aðstæður væru að fara úr böndunum... en já það var ekkert eðlilegt hvað voru margir niðrí bæ, eða jú kannksi svona miðað við hversu gott veðrið var... það er nú varla hægt að sleppa því að tala um leikinn í gær... eða jú kannksi maður sleppi því svona núna miðað við hvernig hann fór !! ;)