jæja hvernig væri nú að henda eins og einni færslu hérna inn... þó að ég efist um að einhver lesi þetta bull enn :Þ en já... sumarið er búið að vera alveg óvenju rólegt enda hefur þessi litla í bumbunni ákveðið að vera soltið fyrirferðamikil og valda mömmu sinni 9 mánuða flökurleika sem er ekki beint vinsælt á þessum bæ!! en þar sem meirihlutinn er búinn þá hljóta síðustu 3 mánuðirnir að verða piece of cake! ;)

annars erum við alltaf að láta okkur dreyma um íbúð en það verður víst aðeins að bíða þangað til Ottó er búinn í skólanum á næsta ári... þá fyrst getur maður farið að pæla í þessu af alvöru! þó að við séum að sjálfsögðu að spara og safna núna þá fer ábyggilega megnið af því í litla krílið þannig að íbúðarkaup verða því miður aðeins að sitja á hakanum.. Ottó er búinn að vera í ótrúlega mikilli yfirvinnu undanfarið sem er gott fjárhagslega séð og það lítur út fyrir að það muni halda áfram þannig næstu vikurnar en ég aftur á móti á ekki eins auðvelt með að nálgast aukavinnu þar sem ég er jú á leikskóla en reyni allavega að fá að vera lengur þegar færi gefst á! :) en þetta reddast allt á endanum ;)

svo er ég ansi mikið farin að sakna DK, verð nú bara að viðurkenna það... en það verður bara að hafa það enda hugsuðum við þetta líka þannig að við getum alltaf flutt aftur út seinna meir ef okkur langar...

en já... ætlaði bara að láta vita að ég sé á lífi... ;)
tjuss

*Skvísilíus*

vá hvað ég er eitthvað óeðlilega óáhugasöm með þessa ritgerð mína sem ég þarf að skila næsta miðvikudag! ekki það að efnið sé leiðilegt heldur kem ég mér bara ómögulega í að byrja... enda nóg annað að hugsa um þessa dagana... ;) en þarf að dempa mér í þetta sem fyrst þó ég viti svosem alveg að ég verð að skrifa hana kvöldinu áður en ég á skila!

úff það var frekar ógeðsleg frétt í fréttunum hérna fyrr í vikunni... ein kona á österbro lét 9 mánaða barn sitt sofa úti í vagninum fyrir utan hjá sér og allt í lagi með það, en svo heyrir hún það hágráta og fer að tékka á því og þá liggur ROTTA ofan á andliti barnsins og er búið að bíta það í tunguna! SJÆSE!! ég hugsa að ég myndi fá nett taugaáfall ef ég hefði lent í þessu... greyið barnið, segi nú ekki annað!! það er varla að maður muni þora að láta barnið sitt sofa úti.... JAKK

jamm...

annars á Dóra skvísa afmæli í dag, til hamingju aftur með það sæta... :* hafið það kósí í bústað um helgina!

svo er brúðkaup hjá Gróu og Valda núna í júní og kemst ég því miður ekki í það! ýmislegt sem maður missir af þegar maður býr svona í útlöndum...! en við ættum að komast í brúðkaupið hjá Oddi og Önnu í október, þannig að við náum allavega einu brúðkaupi á þessu ári...

en þetta ár ætlar víst að verða svo skemmtilegt, bara allt að gerast... jei jei spennó ;)

Jóhann litli sykurpúði er að yfirgefa okkur í dag og er að fara til póllands með múttu sinni!

:( maður er sko eftir að sakna kútsins!

(gaman að vera hjá ottó)

jess... en er farin að þykjast læra...

tjuss

Alveg er þetta magnað hvað tíminn er fljótur að líða hérna, enn ein vikan búin og styttist óðum í að ég byrja í prófunum og að við komum heim!

Vikan fór mestmegnis í að læra bara eins og maður tarf víst að gera þegar það er svona stutt í próf :/ en svo fórum við að kjósa á þridjudaginn niður í sendiráð og gekk það alveg ágætlega svona fyrir utan það að við lentum í verstu rigningu sem við höfum nokkurn tímann upplifað og ekki nóg með það, þá komu alveg huge hagléljakúlur (eða hvað sem þetta heitir nú)! Ég sem hélt ad Ísland væri bara með svona skrýtið veðurfar... en já, við kusum og allt ok með það en svo ætluðum við að láta kallinn fá atkvæðin en þá tilkynnti hann okkur það að við þyrftum sjálf að koma atkvæðunum til skila og senda þau semsagt sjálf til Íslands! Ottó var nú ekki alveg á því ad kyngja því sísvona en kallinn þarna gat ekki komið með nein haldbær rök fyrir þessu og sagði bara að þeim væri ekki treyst fyrir þessu og gætu farið að kíkja í umslögin og þessvegna væri þetta nú svona! ALVEG SPES! En lítið hægt að gera í því, svona er þetta víst bara, eins kjánalegt og þetta nú er...

En já... veit nú ekki hvort maður eigi eitthvað að vera að tjá sig um þetta eurovision... þetta er orðið svo leiðilegt að maður er alveg búin að missa þennan litla áhuga á þessu sem ég hafði fyrir! það er ekki séns að Ísland muni nokkurn tímann komast í aðalkeppnina ef þetta skipulag heldur svona áfram... þyrfti að hafa bara tvær forkeppnir og hafa Austurevrópu í annari og restin af Evrópu í hinni og þá kæmust bara ákveðið margir áfram úr hvorri! Annars er þetta bara glatað spil fyrir alla utan Austur-Evrópu og getum við þá alveg bara sleppt því að taka þátt í þessu og sparað þann pening!! Ætlaði nú ekki að horfa á keppnina gær vegna lærdóms en langaði samt að sjá Eirík og miðað við hvað þetta var fínt hjá honum ákvað ég að horfa á keppnina með öðru auganum og sjá hvort það væri mikið af lögum sem væru betri en okkar, en vó get nú ekki sagt það!! Fannst svona 80% af þessum lögum hrútleiðileg!! Reyndar fannst mér Ungverjaland skást og var það eitt af fáum sem komst áfram sem mér fannst að átti skilið að komast áfram!! En svona er þetta víst bara.. hef eiginlega alveg misst áhugann á þessari keppni síðustu ár og ekki séns að ég nenni að horfa á keppnina á morgun... hehe en nóg um það! :P

Síðustu helgi vöknuðum við Ottó upp um fjögurleytið laugardagsnóttina við eitthvað tal útí garði og allt í lagi með það en svo allt í einu heyrðum við þvílíkann hvell og alveg greinilegt að það væri verið að smassa rúðu nálægt okkur. Við orðin ansi smeik héldum að þetta væri innbrot og aftur kom svona smass, greinilegt að einhver var harðákveðinn í að komast þarna inn... Ég ætlaði að fara að bjalla í politiet en þá sá Ottó sem var að gægjast útum rimlagardínurnar að það væru tveir einkennisklæddir menn að hoppa yfir múrinn bakvið hjá okkur og greinilegt að einhver annar var búinn að hringja á lögguna! Við heyrðum svo einhver læti útá gangi en Ottó vildi ekki að við værum að fara fram og tékka hvað væri að gerast þannig að við bara földum öll verðmæti og reyndum að fara aftur að sofa sem gekk nú ekkert alltof vel! En svo daginn eftir spurðum við einn gaur á ganginum okkar hvað hefði verið að gerast þarna um nóttina og þá semsagt á stelpan í þessari íbúð sem þetta gerðist hjá, svona kolklikkaðan og crazy afbriðisamann kærasta sem hafði verið svona líka brjálaður útí hana að guð má vita hvað hann ætlaði sér! þetta er víst ekki í fyrsta sinn sem það er eitthvað svona vesen á þessu liði og er fólkið á ganginum víst alveg búið að fá nóg... skiljanlega!! þetta er ansi mikil vandræðagangur sem við búum í og t.d. höfum við ásamt öðrum vaknað nokkrum sinnum á nóttinni og þá er einn strákur augljóslega að berja kærustuna sína og stundum hefur maður gjörsamlega haldið að hann muni bara drepa hana! Hvad fær kalla til að gera eitthvað svona ógeðslegt?!? :/ frekar óþægilegt að vakna við svona og líka bara að vita af einhverju svona og það versta er að það er ekkert hægt að gera neitt í þessu þar sem stelpan ver víst alltaf kærastann sinn eftir þetta!! þetta einmitt gerðist líka eina nóttina sem foreldrar Ottós voru í heimsókn og frekar leiðilegt fyrir þau sem gesti að vakna við svona læti!! en það hefur sem betur fer ekkert verið svona læti frá þeim aftur í ágætis tíma, vona bara að hún hafi tekið sig til og losað sig við hann!!! En já nenni ekki að tala meira um eitthvað svona ljótt!! En get ekki annað sagt en mig hlakkar SVO til að flytja héðan!!!

Yfir í eitthvað annað skemmtilegra!!

Við létum LOKSINS verða af því að panta okkur tíma í strípur næsta miðvikudag og get ég án djóks sagt að ég sé komin með rót niður að eyrum!! Haha, very very smart ;) þetta er reyndar mun dýrara en því sem við erum vön og bara strípur í mitt hár mun kosta 10000 ísl. kr. En það verður að hafa það, ég bara get ekki verið svona lengur, hef aldrei verið svona og kann engan veginn við þetta... þegar ég er með hárið mitt í tagli halda allir að ég sé með dökkt hár... ehemm :/

Hey halló! er búin að skrifa alltof mikið... efast um nokkur endist í að lesa þetta and I don’t blame them... ;) en ég er farin að læra!!

ciao

oh það er svo leiðilegt að sitja inni að læra þegar veðrið úti er svona fáranlega gott! settumst og njóttum sólarinnar á einum bekk í centrinu í gær og ég sver það að það var sko hátt í 30 stig þarna... alger steik ;)

svo keypti ég mér svo flotta skó í gær að ég er bara in love! killer flottir... :)

frí á morgun þar sem að það er st. bededag eða stóri bænadagurinn, og ekki verra að fá svona langa helgi inn á milli... ætlum að grilla og hafa það næs svona milli þess að við þurfum að læra! um að gera að nýta þetta veður..

erum ekki enn búin að ákveða hvenar við komum heim í sumar, soltið pirró að fá að vita prófdaga svona seint en það verður bara að hafa það... planið er allavega seinni hluta júní... gaman gaman...

en ottó er í einhverju hópverkefni þannig að ég ætla að loka bókunum og skella mér á búðarflakk í góða veðrinu!

skelli einni hérna inn af góðu félögunum... :D

~Auður~

jei nú er sumarið aftur komið hingað til okkar... bara daginn eftir að ég var að monta mig yfir hvað væri æðislegt veður hérna, varð skítkalt og bara alvöru íslandsveður sem við vorum nú ekkert altof sátt með! en núna er þetta aftur komið á rétt ról og fer maður sko út að lesa næstu daga miðað við spánna! ;)

annars er bara fátt nýtt héðan sko, já eða svona...
skólinn gæti ekki verið meira á fullu og er mig farið að kvíða soltið fyrir prófunum eftir rúman mánuð eða þá er ég að tala um munnlega prófið sem ég fer í... hin eru ekki svo slæm og er ég nú alveg frekar bjartsýn á þau! :)
minnir að síðasti kennsludagurinn hjá mér sé 18. maí en þá hefst prófalesturinn hjá manni... STUÐ!

annars varð ég einum frændanum ríkari síðustu helgi og þvílík bjútíbolla sem Maggi og Laufey eignuðust... þvílikt sætur alveg! hlakka til að knúsa hann í sumar!
svo koma Villi, Olga og litli ofurtöffarinn hann Jóhann tilbaka núna á sunnudaginn og verður sko mikil gleði að fá að knúsa hann í tætlur! þau eru náttúrlega búin að vera alveg tvo mánuði á klakanum og er ég búin að sakna litla kúts þvílíkt mikið, er örugglega ekki eftir að þekkja hann aftur en hann er aaalveg að verða fjögurra mánaða! hehe... ein ofurspennt frænka hérna! :Þ

svo styttist í að maður komi til Íslands, vitum reyndar ekki ennþá alveg hvenar en það verður bara að koma í ljós þegar að nær dregur og allt verður komið á hreint hjá okkur...!

ætla svo að fara að splæsa á mig sæta sumarskó fyrst að sumarið er svo gott sem byrjað hérna en get bara ekki alveg ákveðið hvernig... er orðin frekar pikkí með það sem ég er að kaupa, don't know what is happening to me, eins gott að þetta sé bara eitthvað timabil!! er búin að skoða í fullt af búðum og hérna á netinu en finn enga spes... hehe en ég hlít að finna einhverja sem mér líkar! :)

en vá hef eiginlega ekkert spennandi að segja, held ég sé hálf sofandi eftir að ég rotaðist áðan eftir skóla! hef kannksi eitthvað meira spennandi að segja á næstunni... we'll see... ;)

þangað til næst...

adios

mmm...

16 stiga hiti þegar við vöknuðum um 9 í morgun...

spáir 22ja stiga hita um helgina!! ;)

pretty nice!!!

Öss hvað ég er orðin lélegur bloggari! hef bara voða lítið verið á netinu uppá síðkastið og ekki alveg nennt að henda nýrri færslu inn en svona er þetta bara... :)

Páskafríið var rosalega fínt. Laugardaginn fyrir viku lentu Dóra og co og fórum við Ottó að taka á móti þeim út á flugvöll... þar sem þau voru alveg 7 þurftu þau að panta svona nokkurs konar minirútu og var þetta frekar spaugilegur bíll, héldum að hann myndi detta í sundur á no time þar sem um leið og við settumst upp í hann þá datt einhver huge bútur innan á úr annari hliðinni af! hehe... en bílinn meikaði það! en já, svo kíktum við aðeins með þeim á strikið og fengum far heim. Svo héldu Jóna, Einar og rest áfram til Kolding þar sem þau ætluðu að vera og Dóra og Gísli urðu eftir hjá okkur. Tíminn með þeim leið ansi hratt og voru þau farin áður en maður vissi af :/ en við höfðum það rosalega skemmtilegt og náðu þau að versla og svona...







Þau fóru svo á þriðjudeginum þar sem þau voru að fara áfram til Kolding að hitta frænku Dóru og svona. Sama dag kom svo Vala svala frá sverige og byrjaði suddalega skemmtilegur tími með henni. hehe... aftur var farið í búðir, svo fórum við í svona túristabátsferð, á kaffihús, útað borða, á eitthvað experimentum safn sem var ekkert smá lame ( tók í mesta lagi 20 min að labba þarna í gegn og ekki peninganna virði!) en Ottó fékk að fara í rafmagnsstólinn þannig að hann var aðeins sáttari. ;) Svo vorum við bara eitthvað að dúlla okkur restina af tímanum og var þetta í heild heví næs páskafrí, en ég er aftur á móti EKKERT búin að læra... :S ehemm... en það er seinni tíma vandamál!

haha svona fannst ottó gaman í rafmagnsstólnum!

svo voru auðvitað borðuð páskaegg og gúmmulaði á páskadag en við eigum samt alveg altof mikið súkkulaði eftir! sko, við opnuðum 2 egg, eitt nóa og eitt kólus og eigum þarmeð 4 stór heil egg eftir og fullt af súkkulaði í skál! hehe... en verð nú bara að segja að okkur báðum fannst kólus bera af, það er bara miklu betra og með miklu betra innihaldi eins og þrist, kúlusúkk og öðru GÓÐU nammi... ég hef alltaf fengið nóa frá mömmu og pabba og mér er farið að finnast það minna og minna spes, innihaldið einhvern veginn finnst mér eiginlega EKKERT spennandi og æjh, er bara ekki að fíla það eins mikið og fyrir nokkrum árum! en hey, maybe it's just me ;)

en úr páskaeggja vangaveltum í annað... það styttist heldur betur í að ég eignist aftur lítinn frænda, litli bumbukúturinn hjá Magga og Laufey fer aaalveg að koma í heiminn! hlakka ýkt til að sjá hann :) fyndið hvað þetta er mikið barnaár....

jess jess... en ég ætla að fara að koma mér í lærdóm, enda ekki seinna vænna...

Jæja kannski kominn tími á nýja færslu hérna. Málið er bara það að við erum búin að vera á milljón síðustu tvær vikurnar og svo komu foreldrar Ottós og allt bara á fullu.

En já, foreldrar Ottós komu síðasta miðvikudag og fóru aftur til Íslands á sunnudaginn og var allur tíminn með þeim rosalega skemmtilegur. Mér til mikillar gleði komu þau með fullt af fiski frá mömmu og pabba sem er bara frábært! Svo fengum við líka FIMM STÓR páskaegg send, veit nú ekki hvort að það sé jafn gott mál, svona hollustulega séð ;) hehe... en já, þau tóku bílaleigubíl þannig að við vorum bókstaflega alltaf á ferðinni og keyrðum meirihluta Sjálands sem var voða gaman enda alltaf gaman að koma aðeins út fyrir borgina. Þannig að tíminn með þeim fór í akstur, túristapakka, út að borða og búðarráp sem var þó furðulega lítið þó að þeim hafi tekist að dressa okkur hjúin alltof vel upp :)

Næst á dagskránni er svo bara átak í lestri, maður er búinn að missa soldið niður á síðustu tveimur vikum og verðum við að spýta í lófana og vera dugleg að lesa næstu daga/vikur.
31. mars koma svo Dóra og Gísli og verða hjá okkur í nokkra daga og svo ætlar hún Vala Rún svíapæja að koma til okkar líka í páskafríinu = mega stuð ;) þannig að það er sko alveg nóg að gera á næstunni hjá okkur. Ottó greyið verður reyndar líka á fullu að lesa þar sem hans lokapróf byrja um miðjan apríl takk fyrir... hann er svo búinn í þeim í lok apríl en þá tekur við mánaðarverkefni í maí sem gildir ekkert minna heilann áfanga!
Ég sjálf fer í lokapróf í lok maí og byrjun júní, fer í eitt munnlegt próf sem á að vera í lok júní en er að reyna að pressa á að fá að taka það í byrjun júní svo ég geti farið fyrr heim að vinna. Vill ekki vera að missa af kannksi þremur vikur í vinnu útaf einu prófi, þá flýg ég nú frekar út bara einn dag ef ég fæ því engan veginn flýtt... en þetta kemur allt í ljós þegar nær dregur!

Anyways... ætla að fara að koma mér í smá lestur...

ha' det bra! :)

þá er lestrarvikan mín byrjuð sem þýðir að ég þarf ekkert að mæta í skólann í þessari viku sem er heví næs enda ógeðsleg rigning búin að vera og að á vera eitthvað áfram...

erum búin að vera rosalega dugleg að nota hjólin okkar undanfarið enda algert æði að vera búin að fá þau loksins og geta farið að hjóla að viti... mæli með því!

annars er bara allt í gúddí hérna sko... ottó liggur svoleiðis yfir bókunum að ég hef aldrei vitað annað eins en það er bara flott hjá honum þar sem hann er að fara í endurtektarprófið á föstudaginn! hlýtur bara að fá 13 miðað við hvað hann er að leggja mikið á sig... :)

fórum í fest í kollegíinu hennar Laura sem er með mér í bekk á föstudaginn og var það alveg klikkað gaman... ótrúlega margir sem mættu og kreisí fjör... búin að eignast nýjann uppáhaldsdrykk sem heitir brunabíll eða brandbil! kom rosalega á óvart miðað við hvað við héldum að hann væri ógeðslegur þegar við heyrðu hvað væri í honum en surprise surprise... allir ættu að smakka hann! nammi sko... :Þ

foreldrar ottós ákváðu að skella sér til okkar þannig að þau koma í næstu viku... þau ætla að taka bíl og jafnvel keyrum við til jótlands til Esbjerg þar sem þau þekkja einhverja þar! það væri náttla bara brilljant sko... finnst jótland æði!

hmm.. hvað annað... jú er búin að fá sumarvinnu á leikskóla í Norðlingaholti eða á sama og Edda systir er að fara að byrja á og verður það ábyggilega rosa gaman! bara fegin að vera komin með vinnu og þurfa ekki að hafa áhyggjur af því lengur! reikna með að byrja þarna um miðjan júní eða um það leyti þar sem við komum líklega heim þá einhvern tímann... :)



sumir eru sko strax farnir sýna prakkarann í sér og hann sem er bara rétt tveggja mánaða! heheh... en talandi um að vera BJÚTÍBOLLA!!

en jamm.. ætla að halda áfram að glápa 90210! :D

ert' að grínast með veðrið hérna?!

það er barasta kominn snjó"stormur" hérna í danmörkinni, ég sem var farin að vonast til að það væri farið að vora... en well... lítið sem ég get gert í því! kannski bara ágætt að fá smá íslandsfílíng í þetta hérna ;)

en já... edda, eyrún og ásta komu hingað síðasta miðvikudag og fóru aftur á sunnudag... hefði sko alveg viljað hafa þær MIKLU MIKLU lengur!!! en svona er þetta þegar fólk er í vinnum og í skólum... allavega var tíminn með þeim hérna æðislegur, náðum að gera fáranlega mikið og vorum eiginlega alltaf að gera eitthvað sem var stuð! þær hefðu þurft aðeins meiri tíma í H&M en tveir tímar voru sko langt frá því að vera nóg fyrir þær, þá voru þær rétt svo hálfnaðar og voru ekkert sáttar við að það var bara opið til 17! hehe... en þá verðar þær bara að koma aftur, fine by me! ;)

skólinn er svo bara á fullu, er í einu fáranlegu erfiðu fagi sem ég og flestir í bekknum eigum ANSI erfitt með að læra en þetta hlýtur að koma bara með kalda vatninu...! verð bara að vera duglegri að læra, er búin að vera ansi löt undanfarið, einhvern veginn hefur verið allt of mikið til að horfa á... :Þ hmm... ekki beint sniðugt kannksi, en ég fer að taka mig á.......

framundan er svo bara skóli og lærdómur, er bara fegin að vera í fríi á morgun miðað við hvernig veðrið er, myndi ekki meika að vakna snemma vitandi af brjáluðu veðri úti! á nógu erfitt með að vakna snemma fyrir!!!

hmm... svo um helgina erum við að fara í mat til Hjalta og Agnesar í Frederiksberg og svo ætlum við að kíkja til Hróaskeldu á laugardaginn og kíkja á rúsínubollukrúttið mitt sem verður alltaf sætari og sætari í hvert skipti sem við förum til þeirra!! :) svo fer sunnudagurinn í lærdóm og þrif! við eigum víst sameignina þessa vikuna og samkvæmt nýja skipulaginu á hver íbúð að þrífa allt s.s. tv-stuen (sem við notum nota bene aldrei þar sem við erum með okkar eigið sjónvarp inni hjá okkur), sameiginlegu "samverustofuna" og svo ALLANN ganginn sem er b.t.w. ekkert grín að þrífa! áður var þetta þrískipt en núna þurfum við að þrífa þetta allt í einu :/ fer hátt í heilann dag að þrífa þetta allt sko... en þá þurfum við heldur ekkert að þrífa fyrr en í júní eða júlí sem er alveg ágætt...

en anyways... ætla að fara að horfa á prison break...

*ciao*

vúhú! vikan byrjar vel!!

Við fundum loksins SKYR í einni búð hérna í köben!!! :Þ

Mikið rosalega eru dagarnir fljótir að líða frá manni! Ný vika að byrja strax á morgun, fannst eins og það var mánudagur síðast í gær... magnað alveg :Þ

Annars erum við bara hress eins og alltaf, búin að vera brjálæðislega dugleg að laga til í dag... vaska upp, þvo, sortera og raða, fara í gegnum skápana, þurrka af og setja í kassa... nú er eiginlega bara eftir að ryksuga og skúra áður en stelpurnar koma á miðvikudaginn! Við Ottó erum búin að liggja sveitt (kannksi aðeins að ýkja, eeen..) yfir að planleggja dagana meðan þær eru hérna, það er svo margt sem þeim langar að sjá og gera en svo stuttur tími þannig að við þurfum að nýta hann vel! En núna erum við komin með ágætis plan yfir dagana, þannig að við ættum að geta gert margt skemmtilegt :)

Við fórum út að borða á rosalega flottum restaurant í gærkvöldi þar sem var svo mikið að gera að auðvitað okkar matur gleymdist! Alveg típiskt... en svo þegar hann loksins kom, var hann svo góður að maður var ekkert að pirra sig lengur á hinu ;) heheh við lentum hliðiná pari sem var alveg kolkreisílí madly deeply in love og var ekkert smá fyndið að fylgjast með þeim... bæði á milli 30-40 ára og hann með millisítt hár og klæddur eins og crockodile dundee takk fyrir! SMART!!! :D hann var svo alltaf að laga á henni hárið (þau sátu á móti hvort öðru nota bene), máttu varla vera að því að borða því þau þurftu alltaf að haldast í hendur og hann helti fullu vínglasi sínu um koll þegar hann beygði sig fram til að kyssa hana í fimmtugasta skipti á einum tíma, alveg spes... heheh!

Gaman að þessu!

Svo erum við tvisvar á einni viku verið spurð hvort við værum finnsk! Hehe, vissi ekki að íslenska og finnska væru svona lík tungumál... en það hlýtur greinilega að vera!

Men.... ha’det godt folkens!

vúhú! helgarfrí!! eða svona... "læri"frí :) ég er nefnilega aldrei í skólanum á fimmtudögum og svo núna á föstudaginn fellur eini tíminn minn niður þannig að það er ekki meiri skóli þessa vikuna! samt er alveg ótrúlega fínt að vera byrjaður aftur... finnst ekkert voða gaman að hanga og gera ekki neitt að viti í svona langann tíma!

mér líst ágætlega á flesta tímana mína þannig að það er plús, núna fara svo munnlegu prófin að byrja þannig að það verður svolítið öðruvísi að prófa það! er einmitt í voðalega skemmtilegum tal áfanga sem ég er að fýla í tætlur, hehe :P svo þarf ég að vera með einhverja kynningu þaræsta mánudag um bara hvað sem er... tala örugglega bara eitthvað um ísland... en allar hugmyndir er vel þegnar! :) en já, þannig að þetta lítur allt ágætlega út bara, eins og er allavega! það voru alveg þónokkrir sem hættu í mínum hóp núna um jólin og ég var jú í svipuðum hugleiðingum en ætla að gefa þessu séns út þetta skólaár allavega...

svo er ottó búinn að vera lasinn heima síðustu tvo daga en fór nú í skólann í dag þar sem hann er að hressast... ég er alveg að vona að ég fái ekki eitthvað kvef núna... nenni ekki að standa í einhverju svoleiðis vitleysu! sérstaklega ekki þar sem að það er núna bara vika í að Edda systir, Ásta Lára og Eyrún Inga koma í heimsókn til okkar...
vá hvað það verður gaman :) svo fæ ég loksins hjólið mitt hingað út og sjæse hvað það verður ljúft! can't wait!

öss.. svo gengur ekkert að ná í nýjasta prison break sem er náttúrlega bara skandall miðað við hvað þetta er spennandi! netið hérna hjá okkur er nú ekki þekkt fyrir að vera hraðvirkt því miður þannig að það tekur oft NOKKRA daga að sækja einn þátt!! Vildi óska að ég hefði jafn hraða tengingu og þú þarna svíaskvísa! ;)
en já það er barasta allt að gerast...

yessí.... en ætla að fara að skella í eitt bananabrauð sem er uppáhaldið hans ottó þessa dagana...!

Þá er letin á þessum bæ alveg að ljúka því að á morgun byrja ég aftur í skólanum sem er bara rosalega fínt... það er nefnilega ekkert gaman til lengda að vera í fríi, sérstaklega þegar hinn aðalinn er byrjaður í skólanum! :)

En já... fór í gær í skólann minn þar sem einkunnirnar úr tveimur fögum áttu að verða "opinber" þá... allt svo formlegt í mínum skóla! ;) þeir eru ekki alveg búnir að kynnast netinu nógu vel! en allavega... skildi ekki alveg einkunnagjöfina í öðru faginu (þarf að spyrjast fyrir með það) en náði hinu allavega :) semsagt búin að ná tveimur og eftir að fá að vita úr tveimur!

Þessa önnina verð ég í alveg ágætlega skemmtilegum tímum... verð í breskum bókmenntum, "phonetics" þar sem við æfum okkur í framburði... þetta verður ábyggilega frekar spes áfangi því að í hverjum tíma verðum við að vera með svona individual presentations (ég verð að gera svoleiðis þrjiða hvern tíma!!) en þetta verður ábyggilega stuð bara! :) svo fer ég í amerískar bókmenntir, málfræði 2 og tekstagreiningu 2... þannig að það verður sko aldeilis nóg að gera hjá mér... svo er ég nokkuð viss um að ég hafi ekki náð einu fagi þaning að ég þarf kannski að taka það upp núna strax í vor... með hinum 5 fögunum mínum!!! alger sprengja!! en þetta verður bara að koma í ljós :)

Það er líka meira en nóg að gera hjá ottó... hann byrjaði jú á mánudaginn og er strax kominn á fullt og ekkert smá sem hann þarf að lesa!! hann ætlar svo að fara í endurtektarpróf í einu prófi þó að hann hafi alveg náð, en hann ætlar að reyna að hækka sig eitthvað í því! það próf er miðjann mars ef ég man rétt þannig að hann er líka alveg á milljón að læra! spurning hvort maður leggi sjálfur í mastersnám miðað við vinnuna OG TÍMANN sem fer í þetta, maður á sér varla líf fyrir utan námið... hehe, mér finnst nauðsynlegt að hafa nóg að gera, en kommon, allt er nú gott í hófi!! ;)

en já...

Danmörk –Pólland í kvöld… danir alveg að tapa sér yfir að vera komnir svona langt, sem er alveg skiljanlegt, munaði litlu að við hefðum verið í þeirra sporum! en svona er bara lífið! :)

Svo var ég búin að heyra um einhverja ameríska búð í köben þannig að við ottó kíktum í hana eftir að hafa farið í skólann... þetta var bara svona smá búlla, en gaman að skoða vörurnar þarna samt! keyptum betty crocker, lifesavers, cheesecake og eitthvað fleira... fórum svo útúr henni og sáum að hliðin á þessari amerísku búð var búð með breskum vörum! Hehe alltaf kemst maður að einhverju nýju hérna í danmörkinni!

En well... ætla að fara að elda eitthvað handa lestrarhestnum mínum! ;)

ciao...

ætla að fara að reyna að setja inn nýjar myndir á næstunni eða þegar ég nenni... ætla að setja nokkrar hérna núna samt þar sem ég nenni ekki að skrifa neitt svakalega ;)

ottó að keyra í snjónum í svíþjóð...

við vala á arsenalsgötunni... ottó fannst þetta eitthvað sniðugt götunafn...

flott þarna í örebro, þar sem við vorum fyrstu nóttina!

fleiri væntanlegar....

en ég verð líka að setja mynd af litlu rúsínubollunni minni í hróaskeldu! hann er svo sætur að það er ekki normalt ;)

talandi um sjarmör!

hann er voðalega hrifinn af ottó... og vice versa :)

hehe gaman að þessu!

en já... leikurinn í kvöld... danirnir alveg pottþéttir á því að þeir rústi okkur... við skulum nú sjá með það, hef fulla trú á okkar mönnum! þetta verður spennó!

en þangað til næst... take care!

þá er maður komin aftur heim til DK eftir ÆÐISLEGA ferð til Sverige!!!

vorum lengi búin að pæla í að fara til Þýsklalands á HM en komust svo að því að það væri alltof dýrt þannig að við ákváðum bara að taka bílaleigubíl og keyra til Svíþjóðar þar sem Ottó langaði að fara þangað og mig langaði að hitta rúsluna mína í Stokkhólmi :)

lögðum af stað á þriðjudagin og fórum til Örebro þar sem við vorum hjá frænku minni og manninum hennar í eina nótt... þar gerðist sko margt merkilegt.... ;) miðvikudagsmorguninn fórum við á einhver HUGE markað þarna í bænum og á röltinu kom einhver gaur frá fréttunum í sænska sjónvarpinu í átt að okkur og labbaði bara beint að mér og fór að spyrja mig FULLT af spurningum! haha... ég bara eins og auli reyndi að svara honum á ensku, held samt að það hafi komið ansi skrautlega út þar sem þetta var jú eiginlega bara það síðasta sem ég átti von á! :D en já... fréttirnar í Svíþjóð! ég semsagt bara varð famous fyrsta daginn minn þarna... hehe geri aðrir betur! ;)

fórum svo uppúr hádegi til Völu og vorum komin til hennar um þrjú fjögur leytið... í kjölfarið fengum við rosalega skemmtilega daga... fórum t.d. á Gamla Stan, kaffihús, WILLY:S, í bæinn, í baráttu um skó, Levinsky's og svo má ekki gleyma gullmolum eins og "er þetta svona, dömubindi?", "ÞAÐ ER SÆÐI Í ÚLPUNNI MINNI" og fleira bilað! haha, æjh smá einkahúmor hér á ferð ;) en þetta var semsagt ÆÐI PÆÐI!!

svo má ekki gleyma hvað Svíþjóð er brjálað fallegt land! held að við höfum tekið um 500 myndir og Ottó fannst þetta svo fallegt land að hann var barasta mestmegnis með myndavélina! en vá, það er eiginlega ekki hægt að lýsa því með orðum né myndum hvað þetta var allt fallegt! fólk verður bara að fara þangað sjálft til að sjá það ;)

úff, svo vöknuðum við ýkt dugleg klukkan 7 í morgun, ekki að nenna þvi en ákváðum að herða okkur og drífa okkur af stað til að hafa birtuna með okkur... stoppuðum svo í WILLY:S á tveimur stöðum og misstum okkur aðeins... þetta er semsagt svona HUGE búð, klikkað ódýr og við nýttum okkur það heldur betur og troðfylltum bílinn!! haha! þetta var bara einum of fyndið, ottó var eins og lítill krakki í stórri leikfangabúð, Auður, kaupum svona, og svona, og svona, þetta er svo ódýrt Auður, við verðum að kaupa svona... bla bla...................................... hahaha! æjh þetta var bara svo fyndið þar sem þetta er yfirleitt akúrat öfugt! ;)

heyrðu já, svo keypti ég mér klikkaða skó í Stokkhólmi... ætlaði að kaupa þá í gær en þá var búið að taka þá frá fyrir einhverja konu en stelpan sagði að ef hún kæmi ekki áður en búðin lokaði þá væru skórnir mínir... og ég sem langaði svo obboslega í þessa skó gat náttúrlega ekki látið þetta tækifæri fara framhjá mér ;) þannig að.... við fórum heim þar sem það var aðeins of langt í að búðin lokaði, ooooog við STEINsofnuðum!! vöknuðum svo og föttuðum að við myndum varla ná í búðina fyrir lokun þannig að við settum í fimmta gír og lögðum líf okkar (nánast) að veði fyrir eitt skópar! ;) hehe, ottó og vala stóðu sig eins og hetjur í baráttunni um skóna! love you guys!!

en yebbs... ætlaði bara aðeins að láta heyra í mér... æðislegt að netið er komið í lag! vorum búin að vera netlaus í tvær vikur ÁÐUR en við fórum til Svíþjóðar! alger bögg... en já... ottó er löööngu farinn að sofa og ég er að pælí að fara að skríða upp í rúm!

ooog... takk fyrir okkur Vala! :*

~knús~

jæja... þá er bara komið nýtt ár og byrjaði það sko aldeilis með trompi hérna í Danmörkinni! við ottó fórum til villa og olgu gamlársdag og borðuðum hjá þeim en áður en desertinn var kominn á borð fékk olga hríðir og þau fóru með hraði upp á spítala! eftir sátum við tvö ein útí sveit hjá hróaskeldu í rigningunni :D hahah, alveg eins og við vorum búin að grínast með... en allavega, þetta varð bara kósí og rólegt gamlárskvöld hjá okkur... horfðum á skaupið sem var nú ekki upp á marga fiska og biðum eftir fregnum af spítalanum... um 4 þarna um nóttina kom svo litli kúturinn í heiminn, ALGER rúsína!!!!


hérna er maður bara rúmlega 11 tíma gamall!

en næstu áramót ætlum við að vera á kanarí eins og þarsíðustu áramót! ;) hehehe... það er allavega planið!

svo þurfti ég heldur betur að setja í fimmta gír með verkefnið sem ég átti að skila síðasta föstudag því mamma hringdi á þriðjudaginn og tilkynnti mér það að hún, pabbi og edda ætluðu að koma á fimmtudaginn og vera til sunnudags... semsagt í síðustu viku! þannig að það er sko aldeilis búið að vera nóg að gera hjá okkur síðan við komum hingað út... en það er auðvitað bara ofur gaman!! ;)

nú á ég bara eitt verkefni eftir sem ég þarf skila eftir viku og fékk það í hendurnar í dag... get bara ómögulega byrjað, finnst þetta ýkt erfitt... :/ verð einhvern veginn að klóra mig í gegnum það samt! ætlum svo að fara að skoða hjól á eftir, mig dauðlangar í hjól nefnilega...!

hlakka alveg rosalega til að vera búin með þetta... fæ svo tveggja vikna frí eftir þetta verkefni og verður það heví næs... erum búin að vera að tala um að kíkja yfir á jótland (holstebro) kannski, eða þýskalands eða jafnvel bara svíþjóðar til völu en það kemur betur í ljós þegar nær dregur!
svo verðum við ábyggilega nokkuð mikið í hróaskeldu og dást af litla grallaranum... :)

jamm og jæja...

ætla að fara að reyna að finna eitthvað fyrir ritgerðina...!