Ég átti alveg svakalega góðann afmælisdag í síðustu viku og bara takk fyrir allar kveðjurnar! ekkert smá mikið sem ég fékk af upphringingum og þvílikt og annað eins sms flæði hef ég bara ekki upplifað áður, semsagt gaman gaman!! ;) gaman líka að fólk sem ég átti nú ekki beint von á að myndi eftir afmælisdeginum mínum hafði samband og það var náttúrlega alveg æði!
Annars var dagurinn rosalega góður þökk sé Ottó, vorum bæði búin fyrir hádegi og síðan vorum við bara að tjilla og hafa það huggulegt (EKKERT lært þennan dag, heheh ) ! fékk meiri að segja köku og alles ;)
Fékk líka alveg slatta af pökkum þó að maður sé í allt öðru landi en allir sem ég þekki og er það greinilegt að ég á bestu vini og fjölskyldu í geimi! væmið væmið en satt :P hehe...
Nenni ekki að telja upp allt sem ég fékk en allavega var þar á meðal peningur, skartgripir, handadekursett og svo auðvitað þessi gæðagripur:




Fórum svo út að borða fimmtudagskvöldið þar sem við vorum bæði komin í helgarfrí þá og fórum á ítalskan stað í Frederiksberg sem við höfum farið nokkuð oft á og sem stendur sko alltaf fyrir sínu! Kíktum aðeins á MTV lætin á Ráðhúsplássinu en fannst þetta ekkert merkilegt þannig að við bara beiluðum þaðan!

Um helgina komu Annika og Karó til okkar og vá hvað var gott að fá þær hingað! Þær eyddum mestum tímanum hérna í búðum og gátu sko aldeilis bætt í fataskápinn þar sem þær keyptu svo mikið... heheh ;) gaman að því... þannig að helgin fór mestmegnis í búðarrölt með skvísunum þó svo að Annika hafi verið klikkað kvefuð, maður lætur nú ekki eittthvað kvef stoppa sig í búðunum! ;) kíktum út að borða í Fisketorvet laugardagskvöldið á stað sem heitir THE PRESIDENT hehe, ekta amerískur staður... maturinn sem ég fékk var nú ekkert æði en það getur nú alveg hafa verið bara pjúra tilviljun, örugglega ágætisstaður...
En já, klikkað næs helgi í alla staði! vill endilega fá fleiri svona heimsóknir!!! :P
Þær lentu reyndar í þvílíkri seinkun sunnudagskvöldið, áttu flug 22.20 en komust ekki í loftið fyrr en rúmlega þrjú útaf brjáluðu veðri þarna á Íslandi... oj bara! Hef sem betur fer aldrei lent í svona svakalegri seinkun og vona bara að ég þurfi aldrei að upplifa það... nenni því ekki alveg ;)

Við Ottó erum búin að kaupa okkur miða heim og komum við 20.des um kvöldið og förum tilbaka 28.des um miðjann dag... fáranlega stutt stopp!!!! :( en svona verður þetta víst að vera og verður maður bara aðgera gott úr því...
Verðum svo um áramótin í Hróaskeldu hjá Villa og Olgu...

Yes... ætlaði nú bara aðeins að láta vita af mér... best að koma sér í lærdóminn, það hefur nú ekki mikið verið lært á þessu heimili í nokkra daga og má maður víst ekki við því... mikilvægar ritgerðir hjá okkur BÁÐUM á döfinni og próf að byrja hjá Ottó þannig að maður verður að reyna að nýta tímann vel ( þó að við séum ekkert alltof dugleg við það...)

-adios-

P.S. nýjar myndir dottnar inn ;)

vá hvað við erum komin með nóg af þessu lélega neti sem heima hjá okkur... hefur alltaf verið rosalega lélegt og núna síðustu vikuna hefur barasta EKKERT net verið hjá okkur og inspektörinn hefur ekki hugmynd um hvenar við fáum það aftur! ýkt lélegt enda er bara skólalið þarna á kolleginu sem þarf væntanlega að nota netið nauðsynlega... þakka bara fyrir að netið var ekki alveg dottið út síðustu helgi þegar ég var að skrifa mínar tvær stóru ritgerðir... þurfti að nota ansi mikið net fyrir þær nefnilega... svo erum við gjörsamlega búin að vera úr sambandi við umheiminn!! en allavega!! nenni ekki að pirra mig meira á nettengingum, legg samt ekki í að pæla út í það ef skólarnir hérna biðu ekki upp á net...

en já... helgin...

helgin var massa fín...

Elvar Logi og Guðný kærastan hans voru hérna í Köben um helgina í rómó ferð og hittum við þau auðvitað á föstudaginn og vá hvað var gott að sjá friendly faces af klakanum! við skelltum okkur á vaxmyndasafnið sem var rosalega gaman fyrir utan það að myndavélin varð batteríslaus þegar við vorum rétt svo hálfnuð! :(
eftir það var bara tekið smá rölt og sest inn á kaffihús þar sem kjaftað, fenginn sér öl og kjaftað ennþá meir... gerist ekki skemmtilegra ;) heheheh...


Ottó með besta vini sínum ;)


Elli og Guðný :)

Set restina af myndunum inn á myndasíðuna við tækifæri!

Laugardagskvöldið var okkur svo boðið í mat til Villa og co. í Hróaskeldu í þriggja rétta máltíð og alles! klikkað gott allt saman og rosa skemmtilegt kvöld :) fengum að sjá svona sónarmynd af litla bumbubúanum og er þetta orðið rosalega spennandi... við ottó verðum væntanlega þau fyrstu sem sjáum litla peyjann í janúar enda önnur stórfamilían á Íslandi og hin í Póllandi! en þetta er voða spennó... og sá verður sko dekraður, enda fyrsta ömmubarnið hennar mömmu! ;)

Annars er allt að verða crazy í skólanum... smá mórall kominn í bekkinn, líður smá eins og ég sé aftur komin í grunnskólan en vonandi að þetta leysist bráðlega... neyðarfundur á morgun... Hahaha danir eru svo dramatískir!! :D

Þessi vika verður rosaleg fyrir danskar löggur, allavega að þeirra mati enda eru þeir löngu byrjaðir að lýsa áhyggjum sínum í fjölmiðlum! en ástæðan er sú að það er svaka leikur hérna á miðvikudaginn (FC Köben - Manchester United) og MTV music awards á fimmtudaginn... og öryggisgæslan hefur víst aldrei verið svakalegri...
svo verður víst svaka skjár á Ráðhúsplássinu sem sýnir beint frá athöfninni eða eitthvað svoleiðis ef ég man rétt...

Fékk fyrsta afmælispakkann sendan á laugardaginn í pósti og hefur þeim farið fjölgandi síðan og man, er ég orðin spennt að opna! :P en ottó heldur sko algjörlega auga með mér þannig að ég verð að gjör og svo vel að bíða til morguns... :) skrýtið samt að eiga afmæli hérna svona langt frá öllum sem ég þekki... ég hef ALLTAF haldið upp á það, sér hitting fyrir familíuna og svo annan hitting fyrir vinina en núna eru bara allir my beloved í alllllt öðru landi þannig að það verður eitthvað minna umstang í kringum afmælið mitt þetta árið...
Ottó kallinn ætlar reyndar að dekra eitthvað við mig á morgun og er dagurinn víst alveg planaður... svo ætlar hann að bjóða mér út að borða á fimmtudaginn þegar við erum komin í helgarfrí! can't wait! ;)

annars er bara allt ljómandi að frétta! :P bið að heilsa ykkur í bili....

-ciao-

Well... kominn tími til að skrifa eitthvað.

Fimmtudagurinn í síðust viku var gleðidagur þar sem að þá hófst efterårsferien hjá okkur Ottó!

Föstudagskvöldið síðasta komu Bjarni og Edda í mat til okkar og komu þau með rósavín og SÚKKULAÐIBJÓR! Jebbs allt er nú til... en gaman að smakka öðruvísi bjór... ;) allavega, eftir mat skelltum við okkur í tívolíið en það var opnað síðasta föstudag og verður opið í viku þar sem það er frí í flestum skólum landsins! Þar var búið að skreyta allt með graskerum þar sem það er halloween þema í gangi núna og var rosalega huggulegt að labba þarna um þar sem umhverfið var öðruvísi en venjulega... reyndar er nú alltaf bara gaman að labba þarna um en allavega! ;)
Settumst svo inn á einhvern pöbb þarna rétt hjá, fengum okkur einn kaldann og hlustuðum á trúbadór sem virtist kunna allt bara!

Laugardagurinn fór í lærdóm og LOST sem ég botna b.t.w. EKKERT lengur í og er alveg á mörkunum að hætta að horfa á það ef það fara ekki að koma fleiri svör!
Nóttin fór svo í uppköst! Gaman það.....

Þar sem ég náði afar takmörkuðum svefni laugardagsnóttina sváfum við frameftir degi og vöknuðum þegar við sáum fram að það að það þýddi enga meiri leti þar sem Villi og Olga voru boðuð í mat þarna um kvöldið...
Okkur tókst að töfra fram rosalega góðan mat með ekki síðri eftirrétt að þeirra mati og allir veeel sáttir! :P svo var það bara kósí kvöld! :)

Við höfum ekkert verið í skólanum þessa vikuna útaf þessu haustfríi og er það heví næs að vera bara hérna heima að læra... ekki þurfa að sitja í lestinni í ca. 45 mín til þess að mæta í einn tíma í skólanum og eyða svo jafnlöngum tíma í ferðina heim aftur! Erum búin að vera frekar dugleg að læra, reyndar ansi mikið slugs á mánudag og þriðjudag en tókum okkur svo á, þar sem við höfum eiginlega bara því miður ekki neinn tíma í slugs! :( Ottó þarf að lesa ótrúlega mikið fyrir svona miðannarpróf sem er á mánudaginn og ég þarf að skrifa tvær ritgerðir sem ég þarf að skila eftir fríið... er b.t.w. ekki byrjuð á þessari seinni þar sem þessi fyrri er búin að taka svo fáranlega langan tíma! :( þannig að þessi vika er engan veginn frí fyrir okkur...

Ég get ekki annað en hlegið af þessum dönum hérna... forsíðan á tveimur dagblöðum hérna í gær (og grein um þetta er væntanlegt í næsta danska cosmopolitan) var sú að kona forsætisráðherrans var tekin í því að hafa gengið opinberlega um með falska louis vuitton tösku (svona eins og maður getur keyptt allsstaðar á kanarí fyrir slikkerí!) og hefur þetta vakið upp þvílíkar umæður eins og það að hagnaður sem verður af fölsuðum vörum eins og þessari tösku fari í hryðjuverkastarfsemi og því um líkt! Þannig að ef hún hefur sjálf keypt hana er hún væntalega að ýta undir svoleiðis...! Oh my... Fyrr má nú velta sér uppúr hlutum...!

Karó átti afmæli í gær og varð skvísan 22 ára... enn og aftur til hamingju með það sykurpúði! :* u know I luv ya bönch og mig hlakkar svo til að fá ykkur Anniku hingað til mín! Það verður svooo gaman ;)
Ýkt leiðinlegt samt að Dóra komist ekki með... en þar sem ég er svona ofboðslega skilningsrík eins og ég er, þá eru no hard feelings, but you better come ASAP baby cause I miss u!! ;)

Svo eru Vala og Andri að plana ferð hingað í febrúar...! ekki satt?! ;) hehe það væri allavega stuð!

Ef það eru fleiri á leiðinni, endilega let me know... ;)

Mér er annars alveg óheyrilega farið að langa að kíkja á skvísuna mína í Sverige... miss you sooo! verð að fara að leita að ódýrum lestarferðum og finna góðan tíma fyrir það... upphaflega var jú planið að fara á George Michael í Stokkhólmi núna í lok nóv. en það plan datt upp fyrir sökum fjárhagsskorts og fleira, þannig að ég þarf að plana eitthvað nýtt! :)



Hehehhe! þetta eru víst mínar look-a-likes, allavega með þessari mynd! ;)

Jamms, en ritgerðirnar kalla vist...

Góða helgi kleinurnar mínar! :*

hahahah...það er bara verið að horfa á eitthvað ALLT annað en í myndavélina sem hann hélt b.t.w. á sjálfur! hehehe... gaman að þessu ;)

tekið af mbl.is...

Kaupmannahafnarháskóli og Háskólinn í Helsinki eru háskólarnir á Norðurlöndum, sem komast á lista blaðsins The Times Higher Literary Supplement yfir 100 bestu háskóla heims. Listinn byggir á svörum frá yfir 3700 vísindamönnum um allan heim. Harvardháskóli í Massachusetts í Bandaríkjunum er besti háskóli heims að mati vísindamannanna.

jájájájá.... ekki slæmt að vera officially í einum af bestum háskólum í heimi!! ;)

úff hvað er alltaf æðisleg tilfinning að skila einhverju verkefnum sem maður hefur setið sveittur yfir að klára! jafnvel þó að maður viti að þetta sé nú ekkert endilega æðislegt hjá manni þá er bara svo mikill léttir að koma þessu frá sér... þá getur maður alveg hætt að hugsa um það verkefni og farið að einbeita sér að einhverju allt öðru !! :) var semsagt að skila síðustu ritgerðinni sem ég þarf að skila í bili og er semsagt núna bara að "hanga" og gera ekkert að viti ;) hef jú heila viku í næstu ritgerð!!! hehe.... annars þýðir nú lítið að slugsa, nóg að lesa hérna þannig að það er lítið um dauða tíma hérna á þessu heimili hjá okkur!

við ottó gerðumst voða menningarleg og fórum í svona bátaferð frá nyhavn á föstudaginn og var það alveg svakalega skemmtilegt að skella sér í svoleiðis... fórum semsagt með bát frá nyhavn og sigldum framhjá helstu kennimerkjum danmerkur og vorum við í rúmann klukkutíma á leiðinni! og það kostaði bara 30 kr!!! :O heheh... en já, okkur fannst þetta rosa gaman :)

fengum okkur svo loksins blockbuster medlemskort um helgina og tókum á leigu heilar tvær dvd í því tilefni! :D tókum flight 93 sem er um byggt á 11. sept. og svo tókum við firewall.... flight 93 fannst mér alveg svakalega átakanleg og erfitt að horfa á á köflum, sérstaklega þegar maður hugsar út í það að þetta er byggt á sannsögulegum atburðum! mæli ekkert svakalega með þessari mynd fyrir þá sem eru smeykir við að fljúga... ;)
firewall... well... ekkert til að hrópa húrra yfir... ágæt á köflum samt!

anyhow... best að fara að gera eitthvað að viti, nóg er allavega eftir að gera... læra, elda, skúra, þurka af og brjóta saman svo eitthvað sé nefnt...! en það er víst svona að flytja af hótel mamma! :P

þá eru mamma og pabbi farin og allt komið aftur á fullt skrið... dagarnir sem þau voru hérna voru alveg æðislegir og langaði mig sko helst ekki að sleppa þeim í flugið síðasta sunnudag! en svona er lífið víst... við fórum á strikið á laugardaginn og er ýmist búið að bætast í fataskápinn á okkur hjúin á meðan mamma og pabbi eru búin að vera hérna og erum við alveg rosalega þakklát fyrir allt sem þau hafa gert fyrir okkur!! love you! :* en já, við fórum líka í tívolíið þarna um kvöldið þar sem við fengum að borða á "perlunni", skelltum okkur í stærstu tækin og var kvöldið bara alveg rosalega huggulegt í alla staði :)

gleðifréttir: annika og karó eru að koma í heimsókn til okkar í nóvember og dóra líklega líka!! jei jei :P hlakka sko MIKIÐ til! svo er edda systir líka eitthvað plana ferð til okkar þannig að það er bara allt að gerast! líst sko vel á þetta! :)

framundan er annars alveg madness að gera í skólanum... ritgerðir, fyrirlestrar og bara name it!
var að komast að því að prófin mín eru í byrjun janúar (2.-19.) þannig að við ottó stoppum stutt á klakanum þessi jól... grát! við verðum semsagt ekki heima um áramótin... :( en ef við lítum á björtu hliðarnar þá verðum við allavega heima um jólin og finnst mér það skipta miklu...

búin að fá sjötta þáttinn af prison break í hendurnar í seríu tvö og á ég rosalega erfitt með að bíða með að horfa á hann :P fæ líklega ekki að horfa á hann fyrr en annað kvöld þar sem ég á eftir að gera fyrirlesturinn sem ég á að halda á morgun... en kannski maður laumist til að horfa hann samtsem áður í dag... ;)

annars bara aðeins að láta heyra í mér...
take care! :)

Núna er íbúðin okkar farin að taka sig nokkuð góða mynd enda hafa mamma og pabbi hjálpað okkur rosalega að koma ljósunum upp, bora hitt og þetta og gefið okkur slatta af dóti sem gerir íbúðina ennþá huggulegri :)
öll ljós eru komin upp og það er alveg hreint ótrúlegt hvað bara það að setja upp ljós í loftið gerir mikið fyrir stofuna! tek bráðum myndir af þessu og set inná :P

á laugardaginn síðasta fórum við ottó í dýragarðinn og út að borða í tilefni dagsins... það var klikkað huggulegur dagur og gaman að fara svona í dýragarð til tilbreytingar :D
lentum í því reyndar að finna lítinn strák (um 1 og hálfsárs) á vappi, aleinn... fylgdumst aðeins með honum í smá fjarlægð enda stóð okkur ekkert á sama að sjá svona lítinn gutta eitthvað að þvælast þarna einn í svona stórum garði... vorum semsagt þeim megin í garðinum þar sem húsdýrin eru og þarna var hann einn og auðvitað klikkað forvitinn eins og svona litlir krakkar eru, svo allt í einu fer hann undir grindverkið þar sem kýrnar eru! ottó tók náttúrlega bara á sprett þegar við sáum hann fara undir og stökk yfir grindverkið og tók strákinn því annars hefði hann bara orðið undir þessum fimm stóru kusum enda algert peð í þeirra augum... ég tók við honum og þarna stóðum við í svona 10 mínútur með greyið strákinn sem var alveg furðu rólegur og lét nú bara fara vel um sig í fanginu mínu... við vissum ekki alveg hvað við áttum að gera enda stór garður og þorðum við eiginlega ekkert að vera að fara neitt með hann þannig að við biðum þarna eftir að einhver kæmi í öngvum sínum eftir að hafa týnt barninu sínu en nei... eftir 10 mín kom einhver kona bara lallandi þegar hún sá hann og sagði voða tjilluð "ó þarna ertu þá" (á dönsku b.t.w.)... við ottó urðum eiginlega bara orðlaus hvað hún var róleg enda hefði barnið líklega troðist undir kúm ef við hefðum ekki verið að fylgjast með honum!! ohh sumt fólk á bara ekki að eiga börn! ef það nennir ekki að fylgjast með því, þá bara sleppa því að eiga það!

en allavega... eftir þennan mömmu og pabbaleik héldum við áfram að skoða fílana og restina af dýrinum þangað til við fórum til niður í bæinn og fengum okkur að borða á þessum líka brilljant ítalska veitingastað... mmmm... fæ sko bara vatn í munnin af því einu að hugsa um hann ;) hehe...

á mánudaginn komu svo mamma og pabbi og hitti ottó mig niðrí skólanum mínum og tóku við metroinn to the airport... og vá hvað var gaman að sjá þau... ég lýg því ekki, ég táraðist nánast þegar ég sá þau koma labbandi ;) ég er svo rosalega mikið chicken þegar kemur að einhverju svona (og sérstaklega þegar ég er kveðja einhvern sem ég á ekki eftir að sjá í langann tíma) hehe, en svona er bara lífið :P
allavega... við erum búin að vera að stússast rosalega mikið með þeim og þar sem þau eru á bílaleigubíl erum við ottó búin að sjá miklu meira af köben en áður...
en þau fara aftur á sunnudaginn og á laugardaginn verður farið á strikið og svo í tívíolíð þar sem við ætlum að borða á "Perlen" ;)

þannig að það er alveg búið að vera nóg að gera hjá okkur síðustu vikuna....

það er sko alveg búið að vera líka crazy að gera í skólanum og þurfti ég að skila ritgerð síðasta mánudag og þarf að skila tveimur ritgerðum í næstu viku og halda einn fyrirlestur!!! allt í næstu viku :S
þetta nám hérna er sko allt annað en grín... miklu fleiri skil en ég þurfti að skila í HÍ og miklu miklu meiri lestur!! þannig að ég verð að fara að taka mig á enda erum við ekki búin að vera neitt alltof dugleg að læra síðustu vikurnar...! endilega gefið mér spark í rassinn!!! ;)

see you later sugar!

yndislegt að vera svona í fríi á föstudögum... þó að maður reyni nú auðvitað að nota hann að einhverju leyti í lærdóm þá er svo mikill munur að þurfa ekki að stressa sig á fætur klukkan 6 og allt sem því fylgir... :)

veðrið hérna úti er búið að vera alveg frábært! í gær til dæmis stóð 25 stiga hiti á mælinum, ekki eitt ský á himni og alveg logn! talandi um steik sko... og september er hálfnaður! hehe alveg magnað ;) og það á víst að vera svona eitthvað áfram... reyndar lítur út fyrir að mamma og pabbi komi með rigninguna með sér því það á akúrat að byrja að rigna á mánudaginn :( vona að spáin breytist!

frekar erfitt að koma sér í að læra þegar maður hefur 9 stöðvar í sjónvarpinu alveg fríar og dagskrá allan daginn á þeim öllum! vorum ekkert smá ánægð þegar við komumst að því að við værum með heilar 9 stöðvar enda hvorugt haft svo margar stöðvar áður :D fyndið samt, við fengum að flytja inn í íbúðina miðvikudagskvöldið sem danmörk-ísland leikurinn var og það fyrsta sem var tekið upp og sett saman var sko ekki rúmið eða neitt svoleiðis, nei... það var sjónvarpið til að gá hvort að við gætum náð leiknum :P klikkað lið! en ekki kvörtum við... náum allri meistaradeildinni ókeypis og ottó er nú ekki lítið ánægður með það!

annars ætla ég að reyna að koma mér í smá lærdóm og kíkja aðeins í city 2 (svona kringla) í pínu búðarrölt :)

það eru komnar nokkrar nýjar myndir inná myndasíðuna hérna til hliðar... eða just press here ;)

og tadaradara... danska númerið mitt sem það vilja er.... 21838769 og muna að hafa 0045 fyrir framan ;)

Ætli það sé bara ekki kominn tími á nýtt blogg...

Erum bæði byrjuð í skólanum og líkar okkur bara ágætlega. Ottó er reyndar heppnari að því leiti að það eru fullt af íslendingum með honum í hóp meiri að segja e-r æskuvinur Írisar Thelmu, hehe lítill heimur! En já, honum líst alveg vel semsagt á sinn skóla... mínar kennslustundir eru allt öðruvísi upp byggðar en hjá honum. Allir tímarnir sem Ottó fer í eru bara svona stórir fyrirlestrar, semsagt eins og í HÍ bara, ekkert nafnakall eða neitt svoleiðis og mæting er bara upp á eigin ábyrgð. Hjá mér aftur á móti skiptist kennslan í tvennt. Það eru þrír tímar í viku sem eru stórir fyrirlestrar með öllum enskunemendunum og svo fjórum sinnum í viku er bekkjarkennsla (ca. 24 manns) með nafnakalli og alles!! hmm... ekki alveg að fíla það, því að maður má bara missa út EINN tíma í hverju fagi eða maður er fallinn! :S en þetta verður kannksi bara til þess að maður læri betur... finnst þetta bara svo fyndið svona í háskóla, veit ekki um þetta neins staðar annars staðar í háskólum!

En já, í fyrsta fyrirlestrartímanum með öllum bekkjunum semsagt, spurði ég einhverja stelpu sem stóð þarna hliðiná mér um eitthvað og samtalið (sem var á ensku) fór einhvern veginn útí það að ég sagði að ég vissi ekki eitthvað í sambandi við þetta sem við vorum að tala um því að ég væri frá íslandi og tiltölulega nýkomin. Þá kemur frá henni: " ERTU FRÁ ÍSLANDI??" hehe á íslensku! Klikkað fyndið, af svona ca. 180-200 manna hóp eru tveir útlendingar (semsagt við) og við erum báðar frá sama landi og ég fór akúrat að tala við hana! Var einhver að tala um lítinn heim! :D Erum samt ekki í sama bekk en hittumst þó alltaf í sameiginlegu fyrirlestrunum sem er rosa fínt :)

Við erum flutt í íbúðina okkar og erum eiginlega gott sem búin að koma okkur fyrir. Eftir þónokkrar ferðir í húsgagnaverslanir og ikea erum við búin að kaupa allt þetta stóra sem við þurftum að kaupa... stóla, skápa og svoleiðis. Keyptum líka svefnsófa í síðustu viku og áttum að fá hann sendann heim fimmtudagskvöldið síðasta en þá var hringt í okkur sama dag og okkur tilkynnt það að hann væri ekki til neinstaðar í Danmörku og gætum við ekki fengið hann fyrr en semsagt síðasta mánudag sem. Við nátturlega urðum bara að sætta okkur við og vorum tilbúin að taka við honum á mánudaginn... en nei, ekki kom sófinn! Ottó hringdi alveg foxillur á þriðjudaginn og fengum við þá þær upplýsingar að við gætum ekki fengið hann fyrr en NÆSTA mánudag! og þá kom sko skammarræðan frá reiðum Ottó, hehe! léleg þjónusta og blabla... en hann náði að fá sendingarkostnaðinn endurgreiddann allavegana enda hefði annað nú bara verið lélegt af búðinni þar sem við erum löngu búin að borga sófann og áttum nátturlega upphaflega að fá hann í síðustu viku!

Eins gott að sófinn komi næsta mánudag, því sama dag eru mamma og pabbi að koma í heimsókn og ekki látum við þau sofa á gólfinu ;) en já, þau eru semsagt að koma til DK og ætla að gista allar næturnar hjá okkur nema eina, þ.e. þegar þau fara til Sverige. Okkur er ekki lítið farið að hlakka til að fá þau heimsókn enda er mér farið að þyrsta í gesti! hehe... hint hint til ykkra allra! :P

Erum loksins búin að fá bankareikning og dönsk símanúmer... man reyndar ekki alveg símanúmerið mitt í augnablikinu þannig að ég verð að fá að setja það hérna inn þegar ég er heima, með blaðið fyrir framan mig :)

Nettengingin hjá okkur í íbúðinni er ekki upp á marga fiska þannig að það verður því miður eitthvað takmarkað hversu mikið maður kemst á msn og skype, en það verður sko reynt og reynt! töluðum við kallinn yfir kollegiinu og sagði hann að þeir væru búnir að reyna að redda hraðari nettengingu en það sé núna komið yfir ár síðan beiðnin fór fram og ekkert ennþá gerst... danirnir ekki beint að drífa sig í hlutunum... en við skulum samt vona það besta :) einhver nettenging er þó betri en engin...

Er núna í gati í skólanum og gat ég reddað mér netaðgang hérna en þá kemst ég engan veginn inná msn! djös drasl! :( ætla að reyna að redda því líka... hmm... veit nú samt ekki alveg hvernig... :D

Best að fara að kíkja aftur í doðrantana! (bókin sem ég á að vera að lesa núna er yfir 3000 bls!!!!!!! og nokkrar aðrar eru mjög svipaðar! :S)
En ég ætla að reyna að vera duglegri að blogga héðan frá DK, ekki bara hálfsmánaðarlega ;)

bæ í bili elskurnar!