Það virðist stefna í það að verða reglulegir viðburðir að fara á Sólon á fimmtudagskvöldum... allavega... við Annika og Karó skelltum okkur down town í gær og var þar alveg pakkað... enda airwaves i gangi og allir í tilheyrandi stuði ! fyrir utan að kíkja á Sólon kíktum við á Vegamót en ekki var nú mikið að gerast þar þannig að eftir það var það bara rúntur og svo heim. Dagurinn í gær var samt alveg rosalega tilviljunarkenndur og það á sko líka við um gærkvöldið . En það er nú bara gaman að því :D
Pabbi kom í land í morgun en hann fer samt alveg aftur á morgun, allavega þá á kallinn afmæli á morgun þannig að famílian var að koma af Fridays en þangað vildi hann endilega fara út að borða og það var nú alveg sæmilegt. Nú er helgin bara framundan og hvað verður gert þessa helgi er ALGJÖRLEGA óákveðið ennþá... sérstaklega þar sem planið um að skella sér á Keane er farið útum þúfur. En þá er bara spurning um að finna sér eitthvað annað sniðugt ;)

þá er maður byrjaður að telja niður !!! :D
13 dagar í stórafmælið mitt og einungis 12 dagar í stórafmælispartýið hjá okkur skvísunum !! ;) mikið rosalega ætla ég að djamm my ass off á þessum FEIKILEGA mikla viðburði, enda tilefni til !! blikk blikk ;) það er allavega planið !
annars er haustfríið búið og ég sem ætlaði að vera massa dugleg að læra hef komið svo gott sem engu í verk... :S eða jú reyndar er ég búin að vera ágætlega dugleg í dag en hefði nú getað nýtt hina dagana betur... en það er allavega búið og gert og ekki hægt að breyta því núna, bara um að gera að vera duglegur næstu daga, fram að þarnæstu helgi.... :P

þetta er nokkuð magnað :

"To the world you may only be one person, but to one person you may be the world."

Ég er svo klár að það hálfa væri nóg sko ! keypti mér nýja skó um daginn, svaka flottir gelluskór, en hef ekkert notað þá að viti... datt mér svo í hug í gær að kíkja á Laugarveginn í búðir þegar ég vaknaði á morgun ( semsagt í dag) og ég fór... á nýju skónum... sem var nú ekki beint viturlegt, enda er ég með ólýsanlegt hælsæri núna og læti ! beauty is pain er víst sagt !! :D hehhe...
annars var farið í pool í gær og þarf ekki að spyrja að því að ég gjörsamlega rústaði auðvitað Ottó í þessu ! neeee kannski ekki alveg... það hefði nú verið einum of gott til að vera satt...en hann vann víst (ég leyfði honum samt að vinna sko... blikk blikk ) heheh ! :P
hey já, svo fór ég á jólamarkað í gær... var ekki alveg að fíla það samt að það var verið að spila jólalög og læti ! samt hélt ég að ég yrði ekki eldri í gær þegar ég sá að það var byrjað að skreyta í Hagkaup með jóladóti... aaaaaaaðeins of snemmt elskurnar mínar !!!

Þá er maður bara komin í haustfrí ! en ég vaknaði nú samt fyrir níu í morgun þrátt fyrir að hafa kíkt á Sólon tjútt í gærkveldi með the gells ! ;) við fimm skelltum okkur semsagt í bæinn í góðum fíling og var klikkað mikið fólk á djamminu, svona miðað við að það var fimmtudagur... það var alveg troðið á efri hæðinni á Sólon þannig að við vorum bara niðri með alveg svakalegum einhæfum DJ... no offense... það var bara það sama aftur og aftur og svo ennþá meira af því :D við sátum bara þarna alveg í rólegheitunum og kom þá ekki bara einhver (ungur !) gaur og plampaði sér bara hliðina á mér og spurði nokkrum sinnum hvort hann mætti kyssa mig ! ég hélt nú ekki og átti hann eitthvað erfitt með að skilja hvað ég væri að meina en fór svo sem betur fer ! talandi um klikkað fólk sko !! :D
þarf að stússast til lækna í dag... ekki bara eins heldur tveggja takk fyrir... þarf svo að sækja múttu í Hfj. um fimm og er planið að kíkja aðeins í búðir... smáralind or some... þannig að dagurinn minn er alveg planaður sko ... en kvöldið aftur á móti... ? ;)

Haustfríið er á næsta leiti eða nánar til tekið núna á föstudaginn... jei fyrir því !! ;) heheh... annars er planið að vera duglegur að læra og jú auðvitað verður nú eitthvað kíkt á bæjarlífið... hef enga trú á öðru ! :D
svo styttist óðum í afmælið okkar þremenningana og er fólk farið að fá invitations og hvetjum við alla að koma og láta sjá sig þetta merka kvöld, enda verða fríar veitingar í boði og ekki veit ég hver segir nei við svoleiðis fríðindum ! :P

Færsla eydd!

Lenti í fáranlegu atviki áðan meðan ég sat í rólegheitunum í tölvunni heima... það er alltí einu bankað á þakgluggann hjá mér ! ég náttúrlega hrökk við, enda átti ég nú ekki von á að það væri einhver uppi á þaki hjá mér... svo leit ég upp og var þá ekki bara einhver gaur að vinka mér í góðum fíling gegnum gluggann.... það er semsagt verið að laga þakplöturnar og ég var ekkert látin vita af þessu sko... :D mér fannst þetta samt heví fyndið !
svo er bara ball á nasa annað kvöld... í svörtum fötum er að spila og er planið hjá okkur skvísunum að skella okkur á það og tjútta all night long ;)

sit hérna í dönsku að reyna að vinna í þessu bloggi okkar sem við eigum að vera með gangandi yfir önnina... ég er svo dugleg í þessu að það hálfa væri nóg... já eða ekki !! :D annars var það bara tannlæknaferð í morgun og þarf ég sem betur fer ekki að fara þangað aftur í nánustu framtíð...
annars styttist óðum í THE AFMÆLISPARTYYYY hjá okkur gellunum og mun fólk bráðum fá invitation frá okkur ;) allavega er ég mjöööög spennt... er að velta fyrir mér hvenar er sniðugt að fá fjölskylduna í kaffi, því ég á jú afmæli á sunnudeginum og það er mjög hentugur dagur en þar sem partýið er á laugardagskvöldinu veit ekki hvort ég leggi í að hafa fjölskylduboðið á sunnudeginum... mygluð, þreytt og þunn.... ? gæti haft það á laugardeginum en mamma vill endilega hafa það á sunnudeginum... :S en já það verður bara að koma í ljós með tímanum....

MH-liðið hittist á föstudaginn á Ruby eins og planlagt var... þó að ekki allir hafi komist var mjög gaman að hitta þá sem komust og ætlum við að reyna að gera þetta oftar ! svo var bara farið heim að tjilla... kúrað og svo lúrað !! ;) heheh ein alveg að meika það hérna ! svo á laugardeginum var farið austur fyrir fjall .... um kvöldið fórum við Ottó svo í partý hjá vini hans og þar var aldeilis fjölmennt ! alveg BÖNCH af fólki í massa stuði !! ágætis partí en við stungum samt af frekar snemma... og viti menn, EKKERT SÓLON þessa helgina !! hvað er gerast með mig?!?! :D hehe ... en það hefur ekki gerst í laaaangann tíma....
í dag var svo bara skellt sér í Smáralindina og þar hitti maður fullt af fólki eins og t.d. Krissa sem maður hefur nú ekki í þónokkurn tíma :) kíktum svo á markaðinn í Perlunni og kom þaðan út nokkrum þúsundköllum fátækari, keypti nokkra geisladiska og svona :) róleg helgi semsagt...En já... ég heyri bara í ykkur mon amis ! ;)