vá hvað er alveg ótrúlega jólalegt úti núna.. ég sem hélt að nú væri snjórinn og kuldinn in the past og sólin og hitinn að koma að ylja okkur en svo virðist víst ekki vera í bili!

við ottó kíktum í pool á föstudaginn.. gerðum smá mót úr þessu með verðlaunum og alles en hann vann, en samt bara rétt svo! ég tek þetta næst, ekki spurning ;)
fórum svo í afmælið til litlu kolbrúnar í gær en hún varð 5 ára fyrir stuttu og voru allir krakkarnir mættir í einhverjum ofursætum búningum, algerar rúsinur!
skellti mér svo í partí hjá rakel í gærkvöldi og var það rosalega gaman... fór lítið fyrir drykkju allavega hjá mér, aðrir voru aðeins skrautlegri ;) en já, ég fór ekki með liðinu í bæinn, enda ekki sniðugt að vera að fara á skemmtistaði þar sem reykmökkurinn er yfirgnæfandi þegar maður er á pensílini móti einhverju í lungunum... já svona fór þetta kvef illa í mig! þannig að eftir nokkra malibu kokteila og taumlausa gleði hringdi ég bara á driverinn minn og fór heim að kúra...bærinn fær að bíða betri tíma... enda frekar ógeðslegt veðrið um kvöldið sem var ekki alveg til að bæta það! vaknaði svo eldhress í morgun og til í allt! meiri að segja lærdóm :P

ég ætlaði að vera rosalega dugleg að taka myndir í gær en gleymdi því að sjálfsögðu þannig að ekki koma myndir frá mér inná myndasíðuna úr þessu partí... er samt búin að setja nokkrar myndir frá árinu 2005 inná... þetta eru myndir sem ekki hafa passað inní einhverja tiltekna flokka og eru héðan og þaðan...

framundan munu dagarnir hjá mér líta svona út: skóli, vinna, world class, læra.... reyndar ætlum við ottó að gera okkur smá dagamun næstu helgi og skella okkur í bústað en bækurnar munu samt koma með, enda endalaus lærdómur hjá manni þessa dagana og jú, svona mun það halda áfram út önnina... en það þýðir ekkert væl, bara drífa sig að læra og klára þetta með stæl!! :)

ég er alveg ótrúleg í að týna hlutum! núna er ég búin að týna hleðslutækninu mínu fyrir símann sem ég skil reyndar ekki alveg því það er alltaf á sama stað í hleðslu.... en já, nú er batteríð alveg að verða búið og þeir sem þekkja mig vel vita að ég er alvarlega háð símanum mínum þannig að það er spurning hvernig ég mun lifa þennan dag af! Kemst ekki með hann í hleðslu fyrr en hjá ottó í kvöld og dagurinn núna rétt að byrja... bömmer!!! ;)

annars er enn önnur vikan liðin og á morgun er planið að fara í afmæli til litlu frænku ottós og um kvöldið er það víst partý partý ;) spurning samt hvað maður gerir... veit að stefnan var tekin á smá drykkju en ég veit ekki alveg hvort að maður sé að fara að missa sig í bollunum... það er bara svo ofboðslega mikið að gera hjá mér í skólanum að ég tími eiginlega ekki að eyða sunnudeginum í eitthvað rugl því að ég veit að ef ég fer að drekka eitthvað mikið á morgun þá enda ég í bænum fram eftir morgni og þá mun ég ekki koma neinu í verk á sunnudaginn sem er ekki sniðugt... hmm... þetta er pæling.. þarf að hugsa þetta aðeins ;)

ég sendi umsóknirnar mínar út í skólana í DK í fyrradag og er ekkert smá fegin að því er lokið... nú get ég hætt að hugsa um þær og krossa bara fingur fyrir jákvæðum svörum þann 28. júlí! Kollegi málin ganga vel, við skoppum upp og niður á biðlistunum en ættum alveg að fá eitthvað húsnæði undir lokin... við erum yfirleitt númer 100 og eitthvað á þeim, nema á einu en þar erum við númer 303 sem er samt nokkuð gott miðað við það að við vorum númer 500 og eitthvað þegar við sóttum um alveg fyrst í janúar...

jesserí... en ég er farin að fylgjast með í tímanum sem ég er í...

njótið helgarinnar! :)

híhíhíhí! sá þetta á einhverri síðu og fékk þetta lánað ;)

var klukkuð af anniku og vá, hvað þetta er mikil langloka! en here it goes...

Ég hef:

( ) Klesst bíl vinar/vinkonu - nei bara kaggann hans pabba...
( ) Stolið bíl
( ) Verið sagt upp af kærasta/kærustu -ég hef því miður alltaf séð um það
( ) Verið rekin
( ) Lent í slagsmálum
(x) Læðst út meðan þú bjóst enn þá heima hjá foreldrum
( ) Haft tilfinningar til einhvers sem endurgalt þær ekki
(x) Verið handtekin - ekki af löggu samt... ;)
( ) Farið á blint stefnumót
(x) Logið að vini/vinkonu - það hefur komið fyrir... eiginlega bara á yngri árum samt :)
(x) Skrópað í skólanum - úff... skammarlega oft :/
(x) Ferðast í flugvél - myndi gera það oftar ef það væri í boði
( ) Kveikt í þér viljandi - er nú ekki alveg klikk sko!
( ) Borðað sushi – hef smakkað og það var nóg...
( ) Farið á sjóskíði - væri alveg til í það samt :)
(x) Farið á skíði
( ) Hitt einhvern sem þú kynntist á internetinu
(x) Farið á tónleika
(x) Tekið verkjalyf
(x) Elskað einhvern eða saknar einhvers akkúrat núna
(x) Legið á bakinu og horft á skýin
(x) Búið til snjóengil
(x) Haldið kaffiboð
(x) Flogið flugdreka
(x) Byggt sandkastala
(x) Hoppað í pollum
(x) Farið í tískuleik (dress up)
(x) Hoppað í laufblaðahrúgu
(x) Rennt þér á sleða
(x) Svindlað í leik -
(x) Verið einmana
(x) Sofnað í vinnunni/skólanum - einu sinni í tíma :$
(x) Notað falsað skilríki
(x) Horft á sólarlagið
(x) Fundið jarðskjálfta
(x) Sofið undir berum himni
(x) Verið kitluð/kitlaður
(x) Verið rænd/ur
(x) Verið misskilin/n
(x) Klappað hreindýri/geit/kengúru
(x) Farið yfir á rauðu ljósi/virt stöðvunarskyldu að vettungi
(x) Verið rekin/n eða vísað úr skóla – var rekin úr einum áfanga í MH.. ég og þessi tiltekni kennari áttum bara ekki vel saman...
(x) Lent í bílslysi
( ) Verið með spangir
(x) Liðið eins og þú passaðir ekki inn í/þriðja hjólið
( ) Borðað líter af ís á einu kvöldi - reyndar ekki, samt er ís eitt það besta sem ég fæ :P
(x) Fengið deja vu
(x) Verið vitni að glæp
(x) Efast um að hjartað segði þér rétt til
( ) Verið gagntekin/n af post-it miðum - heheh hver samdi þetta?!
(x) Leikið þér berfætt/ur í drullunni
(x) Verið týnd/ur
(x) Synt í sjónum
(x) Fundist þú vera að deyja
(x) Grátið þig í svefn
(x) Farið í löggu og bófa leik
(x) Litað nýlega með vaxlitum
(x) Sungið í karaókí
(x) Borgað fyrir máltíð eingöngu með smápeningum
(x) Gert eitthvað sem þú lofaðir sjálfri/sjálfum þér að gera ekki
(x) Hringt símahrekk
(x) Hlegið þannig að gosið frussaðist út um nefið á þér – frekar óþægilegt! :D
(x) Stungið út tungunni til að ná snjókorni
(x) Dansað í rigningunni
(x) Skrifað bréf til jólasveinsins
(x) Verið kysst/ur undir mistilteini
(x) Horft á sólarupprásina með einhverjum sér þykir vænt um
(x) Blásið sápukúlur
( ) Kveikt bál á ströndinni
(x) Komið óboðin/n í partý ( )
( )Verið beðin/n um að yfirgefa partýið sem þú komst óboðin/n í
(x) Farið á rúlluskauta/línuskauta – love it! ;)
(x) Hefur einhver óska þinna ræst
( ) Farið í fallhlífastökk - það stendur sko til bóta!!!
( ) Hefur einhver haldið óvænt boð fyrir þig – ekki ennþá... ;)
(x) Pissað úti

úff... þá er þetta búið... nú ættuð þið að vita eitthvað smá meira um mig! :P

þá er fyrsta helgin í mars búin og má sko með sanni segja að dagarnir fljúga frá manni... var einmitt að hugsa um það í gær að eftir hálft ár verð ég byrjuð í skóla í DK ef allt gengur sem skyldi! hálft ár!!! þá verð ég farin af klakanum og byrjuð skóla í Danmörku... úff það er eitthvað svo rosalega stutt í þetta að það er hálf scary... held samt að ég sé meira spennt heldur en eitthvað annað ;) svo verðið þið bara að vera dugleg að heimsækja okkur þá verður þetta í besta lagi! hehe :P

annars kíkti ég í ljós í gær og eftir tvöfaldann ljósatíma fittar maður ágætlega inní hunt's fjölskylduna, svo mikið er víst! átti tvo ljósatíma eftir á kortinu mínu og ákvað að klára kortið bara og prófaði að fara í tvöfaldann tíma, hef aldrei gert það áður... en já ég var verst í gærkvöldi en svo í morgun var roðinn bara farinn og komin þessi líka fallegi litur í staðinn ;) svona fyrir utan andlitið sem er enn svona rauðbrúnt!! smart! heheh :P
ég var e-ð að vinna í dag og ein lítil pæja sat hjá mér og allt í einu kom uppúr henni "þú ert svo brún í andlitinu!" sko mína! ;) æjh hún er svo mikið æði, draumabarn allra og þvílikt yndi!

en já ég er ENNÞÁ þvílikt kvefuð and I don't like it!! var sett á pensílin en það virðist hafa lítið sem ekkert að segja... mér er nú bara ekkert farið að standa á sama um þetta ástand á mér, ég sko verð bara ekki lasin og hvað þá svona líka allsvakalega! en svona er þetta víst bara... that's life!

jæja, ætla að fara að koma mér undir sæng bara... skrifa frekar bara meira á morgun, þ.e.a.s. ef ég verð í bloggstuði ;)

-ciao-

Jæja, ég dreif mig í skólann í gær enda alveg komin með nóg af þessum aumingjaskap i mér! heheh! held samt að ég hafi alveg haft gott af því að vera heima fyrri part vikunnar og reyna að ná þessu úr mér... er altof dugleg að leyfa mér ekki að verða veik, en maður verður víst stundum að taka því með ró...

en já ég er semsagt öll að hressast! fór í vinnuna í dag og var sá tími alveg ótrúlega fljótur að líða enda alltaf gaman í vinnunni! :) leikskólastjórinn kom til mín og vildi endilega fá mig fullt starf í sumar og þó að það sé rosalega freistandi þá veit ekki alveg hvað ég geri... leikskólinn lokar nefnilega í heilann mánuð í sumar og það er svolítið mikið að missa af mánaðarlaunum ef maður fær enga aðra vinnu í þennan mánuð... svona sérstaklega þar sem maður er að fara út í haust og svona... en ég sagðist ætla að hugsa þetta aðeins, enda er ég alveg á báðum áttum....

helgin nálgast óðum og er hún alveg óráðin! ótrúlegt en satt... hugsa að hún verði í rólegri kantinum enda ekki sniðugt að vera að fara á eitthvað svaðalegt tjútt svona nýuppstaðin úr veikindunum... nenni sko ekki láta mér slá niður og veikjast aftur, nei takk!!! þá sleppi ég nú frekar djammi :) ætla svo að reyna að vera dugleg að læra um helgina (meina þetta í þetta skiptið!!) enda fer ég fyrsta lokaprófið mitt eftir bara þrjár og hálfa viku! :S

var að skoða hvað lag var toppnum á billboard þegar ég fæddist og semsagt 31. október 1984 var caribbeaan queen með billy ocean á toppnum... gaman að því ha! ;) en já ef þið hafið áhuga að sjá hvaða lag var að toppnum þegar þið fæddust ýtiði bara hér :P

jájájájá... svona er ég semsagt dugleg að læra... ;)

Þetta er nú ljóta flensan sem er að herja á alla núna þessa dagana...! er búin að vera frekar slöpp um helgina, var samt eiginlega verst í gær en er heima núna að reyna að ná þessu úr mér... mamma og edda eru líka lasnar þannig að við erum þrjár heima sem hefur nú bara ekki gerst síðan ég man eftir mér! vona bara að þetta fari sem fyrst úr manni...

Annars fór maður svona á sig komin í útskriftarveislu til vin ottós á laugardagskvöldið þar sem voru glæsilegar veitingar :) eftir það brunuðum við í afmælispartýið hjá völu og andra þar sem við stoppuðum reyndar stutt útaf slappleika í okkur báðum en það er alltaf gaman að kíkja til þeirra samt :)

Á föstudaginn var svo febrúar saumó hjá tomma... ekkert smá góð mæting, mættum flest öll og allir vel hressir... sumir reyndar alveg hressari en aðrir en það var bara gaman að því ;) heheh! tókum svo öll lagið í söngstar, slógum þessu upp í keppni og náði ég í annað sætið... ótrúlegt en satt miðað við að vera hálfraddlaus... en þetta var súper stuð :P

Helgin byrjaði ekkert smá vel á föstudaginn... fékk tilbaka ritgerðina sem ég kláraði í einum rikk um daginn og fékk ég 8 fyrir hana takk fyrir takk! ekkert smá ánægð þar sem ég kláraði hana klukkutíma áður en ég átti að skila henni (alltaf jafn stundvís með allt!) og gerði fastlega ráð fyrir því að ég fengi í mesta lagi 5... þetta var alveg æði enda gildir hún líka frekar mikið af lokaeinkunninni... þannig að ég var bara ein gleðisprengja á föstudaginn! ;)

en já... ætla að fara að taka sólhatt og fara að halda áfram með skólaumsóknina mína... :)
tjusss :)

p.s. kanarí myndir eru komnar inn..... :)

Ég dýrka föstudaga, sérstaklega þegar maður er í síðasta tímanum sínum sem endar í síðasta lagi um hádegi og það er sól og fallegt veður úti... þá endurhressist maður einhvern veginn vitandi það að það sé að koma helgi og notalegheit... love it! :P

Var að vinna í gær og ég hef sagt það áður og segi það bara aftur, allir ættu að prófa að vinna á leikskóla þó það væri ekki í nema einn dag! þetta er bara eitt yndislegasta starfið sem hægt er að vinna við... og það sem veltur upp úr þessum gríslingum er alveg æðislegt :P þau eru sko algerir demantar og þó að það sé auðvitað alltaf einn og einn svona óróaseggur inn á milli þá er hann líka alveg yndislegur á sinn hátt! þannig er það nú bara :) þau eru svo mismunandi týpur og það er náttúrlega líka það sem gerir þetta starf svona skemmtilegt! svo fór ég allt í einu að pæla hvernig týpur mín börn skyldu verða, svona miðað við þau sem eru hjá mér á leikskólanum... hugsa að mín verða nú ábyggilega algerir prakkarar... hehehe ;P

Er enn að leita mér að vinnu í sumar, er búin að fá nokkrar ábendingar um góða staði og nú þarf ég bara að fara að vinna í að sækja um... ætla að reyna að vinna smá í því um helgina...

Íbúðarleitin í DK gengur aðeins betur... erum að færast ofar á listana sem er auðvitað rosalega flott... nú er bara um að gera að fara að drífa sig í að senda umsóknirnar út þannig að þær komi út í tíma... sumir reyndar ekkert að stressa sig á þessu... hmm... nefni engin nöfn ;) hhehe...en ég ætla allavega að reyna að vera búin að koma minni út í góðum tíma þannig að það verði ekkert vesen þarna úti :)

jöss... en ég er out...

ciao sykurpúðar :P

Annað hvort er ég þvílíkt óheppin manneskja eða bara alger klaufi... ;)
fór í ljós í dag og þessi eini tími kostaði mig 700 aukakrónur takk fyrir! ég átti kortið fyrir n.b.... allavega þá var ég svo ótrúlega óheppin með miðana í stöðumælana og þurfti að kaupa 3 miða þökk sé hvassviðrinu... fyrsti miðinn lenti einhvern veginn meðfram miðstöðinni þannig að ég náði honum bara alls ekki upp, miði númer tvö fauk bara útúr bílnum og flaug útí vindinn... þriðja miðann þurfti ég að festa niður með tyggjó! (ekki beint geðslegt, ég veit, en eitthvað þurfti ég að gera til að hann fyki ekki líka eitthvert ;)) þetta er alveg mín heppni... en já svona verður maður fátækur :D hehehhe!

annars er ég bara eiturhress alveg... helgin nálgast óðum og verður hún örugglega rosalega fín eins og þær eru nú flestar... allavega á morgun er matarboð heima hjá mér, á föstudaginn er saumó sem verður án efa ferlega hresslegur ef ég þekki okkar "gang" rétt! ;) svo á laugardaginn er partý hjá Völu og Andra þar sem Andri á afmæli og er að verða 22. ára... svo reynir maður eflaust að læra eitthvað smá þarna á milli... þannig að það er alveg nóg að gera hjá manni næstu daga, sem er auðvitað bara skemmtilegra ;)

Til hamingju Ísland! ;)
maður var nú svosem ekkert hissa þegar kom í ljós hver stóð uppi sem sigurvegari í eurovision keppninni á laugardaginn... hefðum þess vegna alveg getað sparað peninginn og notað hann í eitthvað gáfulegra, heheh! fyndið samt, þar sem DV var búið að slá því upp um daginn að þetta yrði þvílikt einvígi milli sylvíu og birgittu og svo var birgitta víst hvergi nálægt toppnum! en DV hefur nú hvort sem er sjaldnast rétt fyrir sér...

en já, helgin byrjaði ansi skrautlega en endaði alveg þokkalega...

vísindaferð í KB banka á föstudaginn og var það ekkert smá stuttur fyrirlestur sem við lentum í þar... þrjár glærur eða svo og svo áttum við bara að njóta veitinganna :P

laugardagurinn fór að mestu í lærdóm og þar sem þreytan var alveg að fara með mig þá afkastaði ég nú ekki eins miklu ég hefði óskað... en það er svona, þegar maður nær ekki góðum svefni... um kvöldið var svo eurovision partý hjá hjalta vin ottós og var það mjög fínt :) fylgdum reyndar ekki straumnum niður í bæ og fórum bara snemma heim, takk fyrir skutlið íris... :P

gærdagurinn var svo voða rólegur og huggulegur svona í tilefni konudagsins ... :) eftir dásamlega falleg högg hjá mér í Básum tókum við smá ísbíltúr sem er jú alltaf tilvalið svona á sunnudögum! ;)
fórum svo út að borða á Ruby Tuesday, ætluðum að fara á Ask en þegar við komum þar inn var alveg stappað og okkur tilkynnt að það væri frekar löng bið þannig að við enduðum bara á Rubys þar sem var aðeins minni bið... tókum svo óskarsverðlaunamyndina Ghandi sem var mjög góð... hún er reyndar alveg 3 tímar en þeir voru frekar fljótir að líða :)

svo var bara skóli í morgun, efnahagslíf og þjóðfélags tími sem var mjög áhugaverður, það er nú meira hvað maður labbar alltaf klár út úr háskólabíó! hhehe :P
kíkti svo á grísilingana á leikskólanum... var eiginlega frekar fegin að vera bara að vinna 3 tíma í dag.. það er nefnilega meira en nóg að gera hjá manni þessa dagana... held að ég geri mér ekki alveg nægilega oft grein fyrir því hvað tíminn er fljótur að líða og fyrr en varir verða prófin komin og þá stendur maður uppi illa undirbúinn... maður verður að vera duglegri að skipuleggja sig, það er nokkuð ljóst... :)

jessí, en ætla að fara að horfa áfram á prison break... ye baby!! ;)
túddelú...