jæja, þá erum við komin í enn eitt skiptið til hróaskeldu til villa... erum bæði alveg komin með nóg af þessum mikla flækingi enda erum við í öll skiptin sem við förum eitthvað með lest og strætó með þvílíkan farangur með okkur, og að burðast með 2 fartölvutöskur, 8-10 poka af allskonar dóti og svo þungar töskur langar vegalengdir og þurfa að skipta oft um lestir og strætó er sko ekkert grín!! enda erum við bæði að farast úr vöðvabólgu og væri nú ekki leiðinlegt að komast í nuddpott til að ná þessu úr sér en það verður víst að bíða betri tíma!

vorum í byrjun vikunnar í herberginu í lyngby á vindsæng með kertaljós til að lýsa okkur (þar sem bjarni var búinn að flytja allt sitt dót í nýju íbúðina sína) og var það bara alls ekkert slæmt! okkur fannst þetta bara nokkuð kósí þegar allt kom til alls :)

svo í gær fórum við til bjarna og eddu og gistum hjá þeim síðustu nótt í nýja sófanum þeirra! :) fórum út að borða á huggó stað sem er bara í næsta húsi við þau og var það bara klikkað fínt! kíktum svo aðeins á kaffihús sem var þarna rétt hjá og eftir einn öl eða svo héldum við heim til þeirra... vöknuðum svo frekar snemma þar sem nóóóg var eftir að gera (eins og alla hina dagana sem við erum búin að vera hérna!!!) og urðum við því að byrja daginn snemma...
b.t.w. takk aftur fyrir gistinguna!! ;)

á morgun er svo giftingin hans villa og þar sem við þurfum að vera mætt niðrí ráðhús klukkan 11 verður dagurinn á morgun líka tekinn snemma... svo geri ég ráð fyrir að það verði bara haldið heim á leið og veisla taki við... allavega kom fjölskyldan hennar olgu (mágkona mín to be) frá póllandi í dag og komu þau með böns af pólskum mat og rauðum vodka!

við ottó fórum aftur í skólana í dag, ottós til að kaupa bækur fyrir hann og svo í minn til að tékka á stundatöflunni minni... ég er alveg nokkuð sátt með hana bara... er tvo tíma á mánudögum, 3 á þriðjudögum, einum tíma á miðvikudögum, 5 tímum á fimmtudögum og alveg í fríi á föstudögum!! nú er ég bara eftir að kaupa bækurnar mínar, geri það þegar ég fæ listann, og þá erum við alveg set to go... allavega hvað snertir skólana! ottó byrjar svo á mánudaginn í skólanum og ég á miðvikudaginn...

hey já, svo aðalmálið!! fengum lyklana af íbúðinni í gær!! þvílík gleði á þessum bæ að taka við lyklunum og skoða íbúðina og hugsa um hana sem okkar :P okkur líst bara ágætlega á þetta sko, aðeins stærra en ég bjóst við og stefni ég að því að gera hana rosa kósí!! þurfum að kaupa svefnsófa í stofuna fyrir gestina og ætlum við að reyna að drífa í því næstu helgi, ef ekki fyrr...
fáum dótið okkar sent frá samskipsgaurunum á mánudaginn en getum samt ekkert byrjað að innrétta neitt fyrr en á miðvikudaginn því við megum fyrst flytja inn þá... semsagt á miðvikudaginn eftir 14:00! það þarf nefnilega að mála og eitthvað vesen fyrst þannig að við verðum bara að bíða þolinmóð... :)

fékk smá gæsahroll í dag samt... það var maður í albertslund (tilkomandi bænum okkar!!!) sem var heima hjá sér í gær og það var bankað á dyrnar hjá honum og eins og hver annar maður myndi gera fór hann til dyra... sem er ekki frá sögu færandi nema það að þegar hann opnaði hurðina var hann stunginn 8 sinnum með hníf alveg að tilefnislausu!! hafði aldrei séð manninn áður eða neitt... en fyrir kraftaverk lifði þessi gaur af og gat lýst stungugaurnum, þó ekki mjög nákvæmt en hann er allavega eftirlýstur núna... en þetta er ekkert spaug sko, þetta er bærinn sem við erum að flytja í og kannski bara einhver stunguóður kall sem býr hliðiná okkur!!! hehe, kanski aðeins of dramatísk en meina, hvað veit maður... :D samt alveg magnað, af öllum bæjum í danmörku gerist þetta í litla bænum "okkar"!!

vorum að horfa á "sögulegann" leik dana og portúgala þar sem danir unnu portúgala 4-2 og er það jafnframt fyrsta skipti sem danir vinna portúgala... reyndar ekkert merkilegur leikur en ágætis upphitun fyrir leikinn á miðvikudaginn! danir tala einmitt mikið um að það verði sko erfiður leikur þar sem íslenska liðið er orðið svo rosalega öflugt, en vi for se eins og danirnir segja ;)

anyways... þarf að ná smá beauty sleep fyrir brúðkaupið þannig að ég segi þetta gott í bili... :)

Héðan er allt gott að frétta af okkur í danaveldinu... erum núna hjá villa í hróaskeldu og förum svo örugglega í lyngby á morgun í herbergið hans bjarna ef hann og edda verða búin að flytja :)
það varð smá breyting á plönum því að við komumst að því að við fáum íbúðina okkar líklega ekki fyrr en 5-6 sept sem er ansi fúlt þar sem við ætluðum að reyna að koma okkur fyrir áður en skólarnir byrjuðu á fullu... við erum samt að krossa fingur og vonum að við fáum hana aðeins fyrr... annars komum við aftur hingað til villa á föstudaginn og verðum hér þangað til við fáum íbúðina...

mikið að gera næstu helgi... föstudagskvöldið er eitthvað sem heitir roskilde by night og þá er einhver dagskrá niðrí bæ og búðir opnar langt fram á nótt og einhver skemmtilegheit....
daginn eftir, semsagt á laugardeginum er bróðir minn að fara að gifta sig hvorki meira né minna! og það verður eflaust endalaus gleði! :P hehe, gleymdi fína kjólnum mínum auðvitað heima þannig að mamma sendi hann express í dag þannig að ég vona að hann verði kominn fyrir föstudagin svo ég geti nú verið sæmileg til fara! ;)

get ekki sett inn nýjar myndir strax þar sem snúran gufaði upp á óskiljanlegann hátt..! ef hún kemst ekki í leitirnar þurfum við að bíða eftir að fá dótið sem er í gámnum því þar er hin snúran... en lofa að setja inn myndir um leið og ég kemst í snúru!! :P

á morgun og hinn eru introdagar í skólanum hans ottós og á fimmtudaginn er svoleiðis hjá mér líka og ætlum við að kíkja á þá og kynna okkur þetta allt saman... vona að ég fái bráðum stundatöfluna mína en ottó er búinn að fá sína og lítur hún ágætlega út... á föstudögum er hann bara í kennslu fyrstu þrjár vikurnar og svo engin meiri kennsla á föstudögum hjá honum út þessa önn... sweeet!! vona að mín sé líka svona þægileg :P

veðrið hérna er nú ekki upp á marga fiska, rigning þrumur og eldingar, en maður ætti varla að vera kvarta mikið þar sem ástandið á jótlandi(stóru eyjunni ;)) er muuuun verra! þar er á mörgum stöðum ekki hægt að keyra þar sem allt er bókstaflega á floti! svo fékk gaur sem var í fótbolta eldingu í sig og dó en það tókst víst að lífga hann við eftir smá stund en maður er greinilega hvergi óhultur...

svo var íslendingi ýtt fyrir lestina hérna í köben!! það var víst kraftaverk að hann lifði þar sem hann lenti akúrat á milli teinana!!! what a crazy world...

annars verð ég að þjóta núna...
sakna ykkra allra bönch! :*

jæja já... þá er maður fluttur af klakanum...

átti án efa nokkra erfiðustu daga mína þegar ég var að kveðja alla sem standa mér næst!!! my girlies og famílían mín... úff það var mun erfiðara en ég bjóst við enda svo miklir gimsteinar öllsömul og ekki annað hægt en að sakna ykkra allra heví mikið strax! love ya all!!! :*

lífið hérna í danaveldi leggst alveg ágætlega í mig bara, smá spes en þetta hlýtur að venjast... :) erum núna búin að vera hjá villa bró í hróaskeldu í tvo daga og förum svo aftur í herbergið okkar í lyngby á morgun... fáum svo íbúðina okkar í albertslund 1.sept.! fórum aðeins að skoða hana í gær, eða semsagt umhverfið og æjh, þetta er nú ekkert voða spes en þetta verður að duga svona til að byrja með allavega :)
erum búin að fara að sækja um kennitölu fyrir ottó, mín er ennþá í gildi frá því að ég bjó hérna, og erum líka búin að fá lækni þannig að þetta er allt að koma til...

fórum við svo í dag í bilka búð sem er by the way alveg huuuuge og voða gaman að versla þarna... settumst svo inn í bistroen í miðjum innkaupum og keyptum okkur franskar og kaldann öl! heví næs! ;)

framundan er svo bara að koma sér inn í allt þetta hérna úti, þetta zone kerfi í DK er alveg einstaklega flókið finnst mér en þetta er svona að síast inn :D svo þurfum við að kynna okkur skólana okkar og allt sem því fylgir!

veit ekki hvað ég blogga mikið næstu daga en ég er allavega á lífi, ætlaði bara aðeins að láta heyra mér! :P

er að flytja út í NÆSTU viku takk fyrir!! stress stress og aftur stress er komið í mig núna... við erum ekki byrjuð að pakka, gengur illa að finna íbúð frá 17. ágúst til 1. sept., takmarkaður fjárhagur og svona mætti lengi telja... ég samt er búin að vera svo spennt frá örugglega byrjun janúar og núna er svo spennan farin í bili og einhver ólýsanlegur stressdraugur flogin yfir mig! veit að þetta er ekkert óalgengt en langar samt að losna við þennan kvíðnispúka aftur sem fyrst þar sem hann er bara að gera illt verra... en þetta hlýtur að róast bráðum :)

síðasti þriðjudagsvinnudagurinn í dag... úff hvað það er stór hluti af mér sem langar ekki að hætta þarna, en svona er þetta víst og verður að vera... :( fæ að hætta á mánudaginn í staðinn fyrir þriðjudaginn sem er nokkuð þægilegt enda margt sem ég þarf að gera áður en ég fer út... er að pæla í að hafa smá "goodbye kaffi" á þriðjudaginn í næstu viku, veit það reyndar ekki alveg ennþá en mér finnst nauðsynlegt að hitta sem flesta áður en ég fer þannig að ég ætla að reyna allavega...

svo þarf dótið okkar að fara í gám næsta þriðjudag þannig að eins gott að við verðum dugleg að nota kvöldin og helgina í að pakka, enda ekki byrjuð á þessu nördarnir við! við tökum alveg frekar mikið með okkur, mömmur okkar beggja eru alltaf að gefa okkur eitthvað í búið og svo förum við með rúmið, sjónvarp, videó, eldhúsborð, sófaborð, sjónvarpsborð, hillur, kommóður og miklu fleira... ottó pró var búinn að reikna út að það yrði ódýrara að taka þetta allt með okkur út heldur en að kaupa þetta þó að gámaplássið kosti sitt, þannig að ég vona að það passi enda þvílíkar pakkningar framundan hjá okkur....

svo er pabbi að fara út á sjó á morgun þannig að ég sé kallinn semsagt ekkert meira áður en við förum út, þannig að ég ætla að vera bara heima í kvöld og reyna líka að nýta tímann í að pakka einhverju heiman frá mér...

en já, læt þetta duga í bili... :)

hehe, vá hvað ég er ekki búin að vera að standa mig í þessu bloggeríi... en anyways :)

ég er komin í skólann í dk þannig að núna er þetta allt að púslast saman... ég komst reyndar ekki inn í félagsfræðina sem ég sótti um númer 1, en ég bjóst nú alveg við því þar sem mig vantaði 2 fög til að uppfylla lágmarkskröfur... en það sakaði ekki að reyna allavega ;) en já, ég komst semsagt í enskuna sem ég sótti um númer 2 og er bara massa sátt við það!! finnst líka bara svo mikill léttir að vera búin að fá að vita hvað ég er að fara að gera í danmörku... er búin að bíða frá því í mars takk fyrir, þannig að núna anda ég aðeins léttar...

núna er reyndar annar hausverkur í gangi hjá manni og það eru húsnæðismálin... það er ekkert smá erfitt að reyna að finna eitthvað bitastætt þarna úti í köben, og sérstaklega þar sem við getum ekki farið að skoða íbúðirnar sem við erum að spyrjast fyrir og þar sem útleigendurnir vilja yfirleitt alltaf hitta fólkið áður en það ákveður sig þá gengur þetta asni hægt hjá okkur...
fengum reyndar tilboð í morgun um kollegi... þetta er bara svo ofsalega lítil íbúð og við fáum hana ekki fyrr en 1. sep... og við förum út 17. ágúst... en við erum reyndar að pælí að segja já við henni samt sem áður bara til að hafa eitthvað til að byrja með, getum svo stækkað við okkur eftir 1 - 2 mánuði...

en já, styttist óðum í að við förum... ég er samt ekki lengur bara spennt... nú er komin smá kvíði í mig líka en vona að það detti upp fyrir sem fyrst... :P býst nú samt alveg við því að þetta verði smá skrýtið svona fyrst og jafnvel erfitt en hugsa að það lagist svo bara með tímanum, það er allavega eins gott, annars kem ég bara heim ef ég er að drepast úr heimþrá!! ;)

góður dagur í dag, útborgunardagur og slatti sem ég fékk tilbaka frá skattinum!! var sko alveg viss um þetta væri einhver vitleysa þar sem þetta var svo mikill peningur en svo var sem betur fer ekki, þannig að ég er vel sátt! ;)

fórum annars í bíó í gær á superman returns og var hún alveg ágæt svosem, skildi lítið eftir sig en jú, er samt sem áður alveg nokkuð góð afþreying :)

lítið búið að vera að gera í vinnunni, ennþá svo mörg börn í fríi og hlakkar mig bara til þegar þau koma öll aftur, svo maður fari nú aftur að vinna eitthvað að viti :) ætluðum að byrja að mála leiktækin úti í síðustu viku en þar sem rigningin hafði vinninginn varð lítið úr því, en ætlum bara að nýta "hitabylgjuna" sem er spáð næstu daga í þetta... sem verður næs... að hafa eitthvað að gera og fá að vera úti í sólinni sem var by the way ofur sweeeet í dag!! :P

við ottó fórum í útilegu síðustu helgi í fljótshlíðinni á stað sem heitir hellishólar... mæli með þessum stað... stórt tjaldsvæði þar sem maður mátti vera hvar sem er, þannig að það voru ekki allir ofan í öllum... hægt að komast í veiði og svo var golfvöllur á svæðinu sem við testuðum auðvitað, þó með misskemmtilegum árangri þar sem það voru mörg vötn sem maður átti að skjóta yfir og þar sem þetta var í fyrsta sinn sem ég spila á svona vatnagolfvelli, fóru alveg þónokkrir ofan í hjá mér ... reyndar var ég nú ekki alveg ein um það!! hehe... en ég var þó skárri í seinna skiptið sem við spiluðum þarna ;)

næstu helgi er verzló... ótrúlegt hvað þetta líður!!! en já, engar eyjar hjá mér þetta árið :( verð að láta góðar minningar frá fyrrum verlsunarmannahelgum duga mér núna í ár og þær eru sko ekki fáar! og flest allar jú óóótrúlega skemmtilegar, enda hef ég alltaf verið með svo æðislegu fólki sem hefur gert þessa helgi ár eftir ár svona eftirminnilega þó svo að ég hafi aldrei farið með sama fólkinu... hehe, gaman af þessu :P

en já...flest allir sem ég þekki eru að fara eitthvað útúr bænum og eru flestir annað hvort að fara til eyja eða norður á akureyri þannig að það er bara róleg helgi í bústað framundan hjá okkur... nóg af bjór, grillmat og heitum potti :P og maybe even heimsókn til hörpu korselettu og einars í bústaðinn þeirra ;)

allavegana... ætla að skutlast í háttinn...
ciao :*

Hvernig er þetta eiginlega, ætlar maður aldrei að losna við þetta kvef sem situr sem fastast í manni?! er að verða nett pirruð á þessu... hugsa að þetta sé sólarleysi og þar af leiðandi d-vítamíns skortur! ;)

en já, ætluðum austur í bústað að hjálpa mömmu ottós og pabba að bera á bústaðinn en þar sem spáir ömurlegu veðri um helgina þá verðum við líklega bara í bænum enda lítið hægt að mála í rigningu...
svo er ekki eins og maður geti skellt sér á eitthvað tjútt eins og staðan er í dag, ég bara kafna í eigin hósta ef ég hætti mér inná skemmtistað, frekar fúlt! :(

en nóg um neikvæðni og pirring... það dugar skammt! :)

síðasta helgi var alveg til að bæta þessa upp þannig að maður ætti lítið að vera að kvarta...
föstudagurinn var bara tekinn rólegur, kíktum aðeins í pool og rólegheit... samt mjög gaman enda finnst mér svo gaman í pool :P
á laugardeginum fór ég svo til völu skvísu sem var með smá hitting, og þar var horft á leikinn og sötraður bjór... svo þegar mannskapnum tók að fjölga var það hvítvín og ostar! heheh, talandi um stemningu ;) svo var kíkt aðeins í bæinn þó að ég hafi staldrað stutt við en þetta var klikkað kvöld í flesta staði :P

núna er HM jú búið og var ég eiginlega bara frekar sátt við að ítalir tóku þetta... ekki alveg það sem ég bjóst við, en alveg það sem ég vildi :)

kíktum á reykjavik pizza company í gær og vá hvað það eru brjálæðislega góðar pizzurnar þarna... allavega þessi sem við fengum okkur (með hnetum, kalkún, rjómaosti og einhverju fleiru) og hvítlauksbrauðið var alveg til að deyja fyrir :D mæli með þessum stað, eini mínusinn var kannksi að við biðum í alveg 45 mínútur líklega eftir hvítlauksbrauðinu sem átti samt að koma sem forréttur og svo þegar við vorum nýbúin að fá það kom pizzan strax... það var það eina... en annars bara massa staður ;)

ekkert nýtt af DK málum... vona að einhver íbúð fari að detta inn... er búin að hugsa aðeins um skólann sko, ef ég kemst ekki inn þá ætla ég bara að fara að vinna í hálft ár og reyna svo aftur eftir það því að það er víst miklu auðveldara að komast inn í skólana um jólin þar sem aðsóknin er minni... væri nú ekki beint leiðinlegt að vera að vinna í t.d. H&M á strikinu, heheh ;)
en ég vona nú samt að ég komist inn í skólann, bara gott að hafa varaplan :)

en já, ætla að kíkja eitthvað út á útsöluna ;)

og já... til hamingju með daginn íris :)

hmmm... hér er maður búin að bíða og bíða eftir að sumarið og sólin komi og svo bara tilkynnir siggi stormur að næstu VIKURNAR muni verða vætusamar!! hvað er eiginlega málið! mig er alveg ferlega farið að langa í sól og hita... :P

annars er bara mest lítið að frétta...

vala skvísa bauð í mat í gær og bauð hún uppá fajitas... mmm klikkað gott... og svo má ekki gleyma ísnum sem ég gat engan veginn klárað! íssjúklingurinn sjálfur :P heheh en já, skemmtilegt kvöld í góðum félagsskap ;) tíhí!

og já... engin íbúð í köben ennþá komin en við erum alveg að leita á fullu núna... búin að skrá okkur á nokkrar danskar "íbúðarsíður" þannig að núna er eiginlega bara að bíða og sjá... er samt orðin pííínu stressuð að fá ekkert en maður verður bara að vera duglegur að fylgjast með :)
erum farin að skipuleggja þetta allt saman miklu betur núna en við vorum að gera... erum núna virkilega farin að pæla í hvað við þurfum að kaupa og hvað við tökum með og allt í þessum dúr... fórum einmitt áðan á útsölumarkaðinn í húsasmiðjunni og keyptum okkur ódýra en fína eldhúsvikt... heheh allt að koma ;) svo þurfum við að redda hinu og þessu, fá alls konar vottorð og því um líkt... þannig að það er alveg þónokkuð stúss að vera að flytja svona milli landa...

annars er ég ekkert smá fúl yfir að brasilía sé dottin út á HM, það er náttúrlega bara rugl... reyndar voru frakkarnir miklu miklu betri í þeim leik og áttu alveg sigurinn skilið en samt fúlt að brassar komust ekki lengra... er líka pínu fúl að frakkar sendu líka portúgala heim áðan.. langaði að fá þá áfram en frakkar eru greinilega ennþá með svona rooosalega sterkt lið þó að það sé farið að eldast þónokkuð...
en það verður gaman að sjá lokaleikinn þrátt fyrir þetta... :P

ohh er svo með einhvern augnvírus núna, klikkað óþægilegt... búin að vera klikkað rauð í öðru auganu í tvo daga og ótrúlega óþægilegt að horfa með því... reyndar aðeins farið að líta betur út og vona ég að þetta verði orðið gott á morgun... :)

er núna að horfa með öðru auganu á prufurnar sem voru hérna á gauknum fyrir rock star: supernova og er að reyna að gera upp við mig hvort ég eigi að nenna að vaka yfir sjálfa þættinum á miðnætti... væri nátttúrlega alveg gaman að sjá hvernig magni "okkar" stendur sig og hvort hann komist í gegnum fyrsta þáttinn... :D reyndar finnst mér bara ótrúlega flott hjá honum að komast svona langt... og það er nokkuð augljóst að íslendingar eiga gott tónlistafólk enda ekki slæmt hjá svona lítilli þjóð að fá 4 einstaklinga í 50 manna úrslit af rúmlega 30000 manns!!! það finnst mér nokkuð magnað :)

en já, langaði bara aðeins að láta vita af mér... :)

hendi hérna inn einni mynd frá útskriftardeginum hans ottó... grínistinn hann er búinn að skýra hana "bold & the beautiful" myndina! :D hahaha... einmitt... bara ridge og brooke mætt á klakann :Þ







heyrumst elskurnar!

vá ég bara á erfitt með að komast yfir það hvað sumarið virðist ætla að vera fljótt að líða... strax kominn 20. júní og minna en tveir mánuðir þangað til maður verður í veldi dana... :S

júnísaumó var hjá anniku síðasta fimmtudag og var þetta ekkert smá flott hjá skvísunni og myndarskapurinn alveg í hámarki... enda ekki við öðru að búast þar sem þetta er nú einu sinni the one and only anikin ;) en já, góð mæting og gaman að sjá alla aftur...

ottó er að fara að útskrifast á laugardaginn og í tilefni þess keypti ég mér nýjan (aaaaltof dýrann!!) kjól og svaka töff hvítan stuttan jakka í smáralindinni í dag... maður verður nú að leyfa sér svona fríðindi annars lagið... reyndar keypti ég þetta ekki alveg því þar sem mamma er þessi gullmoli sem hún nú er, þá langaði henni að gefa mér nýtt dress og þetta var semsagt útkoman þó að ansi dýr hafi verið... :S en min mor er den bedste :) við erum svo að fara útað borða á skólabrú með famílunni hans þarna um kvöldið þannig að maður verður nú að vera smá fínn :P
allavega var ég voða sátt við þetta outfit...

en talandi um ottó þá fékk hann jákvætt svar frá sínum skóla í gær þannig að núna er viss alvara komin í þetta þar sem maður veit fyrir víst að maður er að flytja af landi brott... en er samt fegin að hann fékk svar svona tímanlega því þetta valt allt á hans skóla hvort við færum út eða ekki þannig að núna getur maður virkilega byrjað að leyfa sér að verða spenntur og allt sem þessu fylgir :)

kollegi mál ganga ágætlega... við fengum eitt tilboð um daginn en misstum AUÐVITAÐ af því... alveg okkar heppni! :D en já, þegar við fórum uppí bústað þar síðustu helgi litum við ekkert á meilið okkar áður en við lögðum af stað, enda áttum við ekki von á tilboði svona snemma, þannig að við misstum af því... við áttum nefnilega að láta vita fyrir sunnudaginn hvort við höfðum áhuga eða ekki, sem við höfðum! :( ALGERT KLÚÐUR!! þetta var einmitt eitt af þeim kollegium sem mér leist mjööög vel á... en þetta er víst búið og gert og það þýðir lítið að syrgja það... núna verður maður bara að fylgjast ennþá betur með og vera bjartsýnn :)

ætlum svo að panta flugmiða á eftir þannig að þetta er allt að koma til... :)

á morgun ætla ég svo að splæsa í mig brúnkusprayi á Lancome... hef alltaf verið sátt með útkomuna þaðan... og svo á fimmtudaginn ætla ég að skella mér í strípur og þá verð ég eiginlega bara ready fyrir hvað sem er! ;)

hehe og já... þeir sem eru að pæla í bíóferð þá mæli ég með keeping mum með rowan atkinson í aðalhlutverki... hún kom ekkert smá á óvart og hlógum við mikið yfir henni enda ekkert smá absúrd mynd! :D

laterz...

já góðan daginn hér! hehe jújú ég er alveg á lifi þó að það líti út fyrir annað ;)

en já, einhvern veginn alltaf nóg að gera hjá mér og er það barasta fínt því þá leiðist manni þó ekki á meðan... hehe :P

það er klikkað fínt í vinnunni og er ég alveg ótrúlega ánægð þarna og sátt með flest allt sem tengist henni :)
tek reyndar alveg eftir því hvað það tekur mun meira á að vera svona á elstu deild, ótrúlega mikil læti í krökkunum og mörg bara búin að fá nóg af því að vera í leikskóla en það eru þá helst þau sem eru að fara í skóla núna í haust... en þrátt fyrir það eru þau alger yndi :)

og jú... svo er skvísan mín komin til landsins og hennar hefur sko verið sárt saknað! heja sverige hvað! :P en já, hún kom heim á fimmtudagsnóttu þannig að ég hitti hana ekki fyrr en föstudagskvöldið en það var ótrúlegt stuð eins og ávalt þegar við hittumst ;) ætluðum bara að hafa það rólegt, og kannksi kíkja í smá ísbíltúr en svo eftir það langaði okkur bara í einn kaldann þannig að við kíktum aðeins á hressó þar sem annika og karó joinuðu okkur í smá stund :)

hehe ég er ótrúlegt en satt ennþá með neglur á hverjum einasta putta sem hún dóra setti á mig fyrir tæpri viku... jújú það nefnilega telst alveg nokkuð góður tími þar sem ég er náttúrlega þessi svakalega brussa sem ég er og er ég bara nokkuð stolt af þessu hjá mér... heheh! :P reyndar var þetta voðalega vel gert hjá skutlunni þannig að þetta var kannski bulletproof ;)

annars er HM í fullum gangi núna og finnst mér alveg ferlega fúlt að hafa ekki sýn heima til að geta horft á en aftur á móti er sýn í WC þannig að núna fer maður alltaf á tímum þar sem góðir leikir eru í gangi... það væri samt alveg skemmtilegra að horfa á þá með einn carlsberg sér í hönd í staðinn fyrir að vera að púla og svitna á fullu yfir þeim... hehehhe ;)

en talandi um WC... þá hef ég farið, síðan ég byrjaði að vinna, í stöðina sem er í orkuveituhúsinu og er það ótrúlega fínn staður... stutt að fara og bara lítil og þægileg stöð og stundum er maður bara alveg einn með allann salinn... fyndið samt hvað ég er alltaf að hitta einhverja sem ég þekki þarna miðað við hvað þetta er lítið stöð! :D
mæli hiklaust með þessari stöð og ef þið viljið hitta mig þá bara mætiði þangað á réttum tímum ;)

svo bara 17. júní framundan... jibbíjei... ef veður verður skikkanlegt ;)

en skal reyna að halda meira lífi í þessari síðu í sumar...
till next... yours truly ;)

það er laugardagskvöld og ég sit og er að setja saman massa heimildaskrá fyrir kallinn sem þarf helst að klárast í kvöld... hehe hlýt að vera besta kærasta í heimi bara... :P en já, ég er semsagt aðeins að létta undir fyrir honum svo hann geti einbeitt sér að ritgerðinni sjálfri enda fer að styttast í skiladag hjá honum og hann þarf að fara að klára hana... en það eru ekkert smá margar heimildir sem hann er að nota þannig að þetta er alveg hellings vinna að glúgga í allar þessar bækur og á heimasíður til að finna það sem ég þarf... en mig munar nú ekkert um þetta, hjálpa að sjálfsögðu með glöðu geði þegar ég er beðin um eitthvað :)

en já, annars er ég lítið í netheiminum þessa dagana... alltaf nóg að gera hjá mér sama hvað það er, en það er gott þar sem mér finnst nú nauðsynlegt að hafa eitthvað fyrir stafni :)

er búin að vinna í viku á heiðarborg og er á elstu deildinni þannig að það er alltaf nóg fjör og læti í kringum mig :) hehe! en annars er rosa gott að vinna þarna, góður andi, skemmtilegt fólk og allt voða nice bara... finnst líka alveg magnað að það eru heilir þrír strákar á mínum aldri að vinna þarna! vonandi að þetta sé það sem koma skal því mér finnst persónulega vanta fleiri karlmenn til að vinna á leikskólum þar sem bæði þeir og börnin hafa gott af því... en það mun reyndar ekkert gerast fyrr en launin hækka miklu meira! en anyways... ég er semsagt mjög ánægð þarna :)

fylgdist með eurovision á fimmtudaginn og já, ég hef eiginlega bara fátt um það að segja... "sylvia night" var bara langt frá sínu besta, hún var andstutt og virkaði frekar óörugg eitthvað... kannski útaf púinu sem hún fékk á sig en maður veit ekki... hún sneiddi alveg framhjá f-orðinu umtalaða en kom með svo seinna í atriðinu með annað sem var ekki beint barnavænt.. hehe... reyndar ekki eitthvað sem krakkar hafa fattað en samt ansi djarft að bæta einhverju svona inn í atriðið, held að flestir "fullorðnir" hafi tekið eftir þessu sem ég er að tala um...
en var svo að fylgjast með aðalkeppninni áðan með öðru auganu og fannst bara æði að finnar unnu þetta! klikkað flott hjá þeim, þó að þeir séu eins ógeðslegir og þeir eru... hehe!

en ætla að fara að halda áfram að nördast með þessa heimildaskrá... :)