Sunnudagspistill Auðar ætti þetta blogg að heita... :Þ
Dansinn gengur rosalega vel og eru þetta ekkert smá skemmtilegir tímar og erum við Skafti ekki lengi að ná sporunum... :D
Vinnan gengur líka rosalega vel... reyndar búið að vera fáranlega mikið um veikindi en ég er eini starfsamaðurinn á okkar deild sem hef ekki orðið lasin... á mánudaginn mættu heil 4 börn af 20 en á föstudaginn var talan komin upp í 8... þannig að vikan er búin að vera mjög róleg :) svo var þorrablót og læti á föstudaginn en krakkarnir voru samt mishrifin af því en það er bara eins og gengur og gerist... :D
Kíkti aðeins í bæinn á föstudaginn en eins ótrúlega og það má virðast var ég heima í gær! á laugardagskvöldi nota bene! var eitthvað ekki alveg með sjálfri mér.. en það kemur víst líka fyrir að meiri að segja Auður sé ekki alveg sem hressust... i'm only human, you know...! en maður lítur þá bara á björtum hliðarnar í lífinu sem eru sem betur fer MUN fleiri en þær dökku :)
Idolið já... hef ekkert skrifað um það, þannig að það er kannksi pæling að tala smá um það... allavega held ég að þetta verði rosalega jöfn keppni... finnst allavega margar mjööög góðar... sjálf "held ég með" Heiðu... reyndar eru Lísa og Hildur Vala líka mjög góðar og spái ég þeim í topp 3... en eins og ég segi þá spái ég jafnri keppni núna :) var alveg sáttt við úrslit síðasta þáttar, reyndar ekki alveg með að þessi í gula kjólnum lenti þarna á botninum því mér fannst hún nú alls ekkert slæm en svona er þetta misjafnt....
Svo er handboltinn að byrja á fullu og mun maður fylgjast spenntur með mótinu enda er annað bara bull! ;) hehhehe... er einmitt að horfa/hlusta á leikinn núna með öðru auganu enda er ég svo svakalega fjölhæf sjáið til :)
Svo má viðkomandi sem skrifaði síðast á tagboardið, endilega skrifa aftur það sama en bara sleppa íslensku stöfunum... langar að sjá almennilega hvað stendur... þarna kemur einmitt forvitnin fram sem ég minntist á um daginn... :)

Þá er enn önnur helgin að baki og ný vinnuvika framundan! Flensan er kannski það sem hefur verið fyrirferðarmest í vikunni og er ástandið á leikskólanum alveg svakalegt sko! Börnin nánast öll fjarverandi og ekki er starfsfólkið í betra ástandi og hef ég þurft að skila og loka alla vikuna sem er nú samt alveg í góðu... en ég hef sem betur fer sloppið við þessa flensu enn sem komið er, enda ekki þekkt fyrir að vera mikið veik :) 7-9-13!!
Heyrðu já svo byrjuðum við Skafti í dansinum á fimmtudaginn og vá! þetta var sko skemmtilegt! bara einn tími búinn en við strax orðin dansióð enda greinilega meðfæddir danshæfileikar sem við búum að!! ;) heheh! en já semsagt 1 down - 13 to go! Skafta tókst samt að snúa eitthvað smá upp á ökklan í gær en vonandi ekkert alvarlegt þar á ferð :)
Í gær var litið í bæinn eða já allavega endað þar... Við Annika og Dóra kíktum út á Álftanes að hitta strákagengið og vorum við þar í dágóðann tíma... og haldiði ekki svo bara að leiðin hafi legið á fjörukránna í Hafnarfirði!! kostaði 800 kr inn og sénsinn á að við stelpurnar hefðum borgað okkur þar inn eru akkúrat ENGAR!! en Egill splæsti hvorki meira né minna á okkur þannig að ekki var aftur snúið þaðan! við vöktum enga smá athygli þarna inni, enda kannksi alveg skiljanlegt miðað við að meðalaldurinn aldurinn þarna inni hefur verið svona 63 ára eða þar um bil... :S en eftir stutta viðveru þar fórum við loksins í bæinn... þar sem okkar staðir eru!!! :D heheh! engin fjörukrá neitt takk fyrir! var nú frekar stutt samt í miðbænum og um 3 hálf 4 lá leiðin heim á við og var það bara fínt, því næstum um leið og ég settist í bílinn hjá Ottó byrjaði þessi líka svaðalega rigning!! en ég slapp... hí á ykkur hin ;P heheh!
sjáumst englabossarnir mínir!!

Var að skoða niðurstöður úr einhverju gömlu persónuleikaprófi sem Annika gerði einu sinni á mig í sálfræði og niðurstöðurnar voru eftirfarandi : ég er meðal rólynd - ekkert eigingjörn - frekar félagslynd - meðal ákveðin - ekkert forvitin - frekar sjálfsörugg - frekar metnaðargjörn - frekar jákvæð og mjög víðsýn! Þetta passar allt alveg ágætlega fyrir utan einn punkt... ég er nefnilega ÓTRÚLEGA forvitin og það vita allir sem ég þekkja :D hehehe! En annars er ég alveg afskaplega hamingjusöm manneskja enda ekki annað hægt þegar ég á yndislegann kærasta, frábæra fjölskyldu, æðislega vini, er í skemmtilegri vinnu, er við mjög góða heilsu og líður bara ótrúlega vel í lífinu! Er hægt að biðja um meira?! held nú ekki !!! ;) Ég ætla mér allavega að njóta lífsins í núinu með mínum nánustu sem mér líður best með og hvet aðra að gera slíkt hið sama!
luv ya :*

jæja.. nýja árið hefur gengið ljómandi hingað til allavega og verður restin af árinu vonandi ekki síðri! ég skellti mér í bæinn í gær takk fyrir og var það sko langþráð bæjarferð :D Skafti var í einhverju partí vestur í bæ og sóttum við Dóra hann þangað um miðnætti og kíktum niðrí bæ... byrjuðum á Sólon en eftir örstutta veru þar fórum við bara á Ara í ögri en þar er alltaf hægt að treysta á stemningu í lagi! Fórum svo aftur á sólon og hittum Láka þar... Þetta var reyndar afskaplega stutt bæjarferð eitthvað en betri en engin allavega ;)
Ég er byrjuð að vinna á fullu og eru þessir gríslingar alveg milljón, algjör krútt! Hárið mitt virðist eiga framtíð fyrir sér sem eitt heitasta leikfangið í bransanum, en einhverra hluta vegna fá krakkarnir aldrei leið á því að stússast eitthvað í því :D
Við Skafti erum að byrja að dansa í vikunni og verður það sko THE HIT! við stefnum á að keppa í næstu Blackpool stórkeppni og sigra með yfirburðum ;) hehehe... kannski ekki ALVEG en svona allavega eitthvað í þá áttina :)
Framundan hjá mér er eiginlega ekkert framandi, hin daglega rútina heldur bara áfram, semsagt bara vinna- baðhús og svo tjill virka daga + dansinn á fimmtudögum og svo afslöppun- djamm og eitthvað skemmtilegt um helgar...

Gleðilegt árið! Kannsi kominn tími til að skrifa hérna smá enda NÓG að gera hjá mér síðustu vikur! Var náttúrlega bara að vinna á fullu og svo var það auðvitað útskriftin mikla og var það alveg hreint frábær dagur, á alla vegu! Familian byrjaði á því að fara í myndatöku sem tók sko aldeilis sinn tíma :D svo eftir útskriftina sjálfa var það veislan og hún heppnaðist frábærlega eins og alld annað þennan dag! http://www.olympusamerica.com/cpg_section/cpg_product_lobbypage.asp?l=1&p=16&bc=27&product=1130 þetta er meðal frábærra gjafa sem ég fékk í útskriftinni... svo fékk ég helling af skartgripum, gjafakort, bók, og ennþá fleiri skartgripi ;)
Svo komu náttúrlega jólin þannig að þá fékk maður enn fleiri gjafir! Var að vinna á aðfangadag til 12 sem var nú alveg ágætt bara, alls ekkert hræðilegt enda kannski ekki langur tími! En já ég var víst að tala um gjafir :D í jólagjöf fékk ég alveg helling og minntu allir þessar pakkar mig á þegar ég var lítil, því þá fékk maður einmitt svo marga pakka :D núna í ár fékk ég ilmvatnssett og ótrúlega flottann hring ( glitrar að Auðar style ;)) frá Ottó- klikkað flottan bol og baðkúlu frá Völu- grill frá Dóru - maskara, fake bake sett, sólarpúður og föt frá mömmu og pabba - bók, sundbol, webcam, headset og skál frá Villa og Eddu, íþróttaföt frá afa og ömmu, hálsmen frá Karó og Anniku, drykkjarleikjaspil og risabangsa frá Brynhildi, glös frá Nönnu og Daða, naomi campell shower dusch frá Palla, körfu með fullt af dóti frá Magga, Laufey og litlu stelpunum og svo konfektkassa frá vinnunni... þá held ég að þetta sé mest komið :D Þannig að á þremur dögum fékk ég þetta og allar útskriftargjafirnar sem ég nenni nú ekki að telja upp ;)
Svo komu jólaboðin... á jóladag var jólaboð hjá afa og ömmu, og úr því jólaboði fór ég í annað til Ottós og svo var jólaboð hjá Rakel & co. 28. des.... þannig að nóg var um jólaboð þetta árið!
Áramótin já! þar sem familian var fyrir austan var ég ein í bænum, var hjá Dóru á gamlárskvöld og var það rosalega gaman :) skutum upp raketts og læti og svo kom Láki til okkar um miðnætti og við bara tilbúin á ballið strax þá sko ;) fórum svo á sálarballið sem við Dóra vorum búnar að bíða leeeengi eftir og það var mjög gaman... reyndar ekki alveg eins mikið stuð og í fyrra en alls ekki slæmt sko! hittum allar stelpurnar og fengum okkur sex on the beach sem er orðinn áramótadrykkurinn ;) já það var semsagt mega fjör á þessu balli, margir á staðnum og sumir fóru ekki framhjá manni.... en já allavega var þetta stuðball, Ottó langaði ekkert á þetta ball þannig að hann sleppti því og var bara í partí í staðinn og jú svo lenti maður í smá ævintýri þarna seinna um nóttina en ég fer ekkert nánar útí það enda búið mál... kíkti svo aðiens austur á liðið í gær og gisti þar núna í nótt og svo núna er sælan búin og fer maður bara að vinna á fullu frá og með morgudeginum!

þá er stóra stundin aldeilis að nálgast... útskriftin er á morgun, hvorki meira né minna! athöfnin byrjar klukkan fjögur en ég fer í myndatöku um tvö og veislan er svo um átta annað kvöld... stuð og fjör! ;) það er aldeilis búið að vera nóg að gera hjá mér í dag! vaknaði hálf sjö og fór stífluna og svo í sund... kom svo heim og fór að baka og var að því þangað til ég fór í brúnkumeðferð klukkan tólf.... kom svo heim frá því og hélt áfram að baka og að laga til á milljón og svo um sex skutlaði ottó mér á æfinguna niðrí skóla, og ég sit semsagt í fremstu röð á morgun...! en það er alveg ágætt bara :D fór svo beint í neglur eftir það, er orðin mega gella bara ;) og var svo bara að koma heim núna um ellefuleytið og þarf að fara að klára jólakortaskrifin! legg varla í að hugsa til þess ef ég hefði ekki verið í fríi í dag og á morgun... það hefði gjörsamlega verið martröð!
Hey, já svo fann ég útskriftarskóna mína í gær og eru þeir magnifique! :) ekkert smá ánægð með þá, og reyndar bara með allt, þannig að ég er alveg orðin tilbúin núna fyrir morgundaginn held ég svei mér þá !! ;)

Vá hvað ég er þreytt eitthvað núna, maður lifandi! Alveg hellingur að gera í dag sem og alla aðra daga, endilega samt kíkið á mig, er til 18 annað kvöld og svo alla helgina auðvitað ;) reyndar til níu á laugardaginn en já það er alltaf gaman að sjá viðkunnuleg andlit eftir að hafa afgreitt súra viðskiptavini þó að það séu nú kannski minnihlutinn :)
Herra Ísland er sem kunnugt annað kvöld og er planið að kíkja þangað enda ætlar Láki elskan að gefa mér miða! Spennandi að sjá hvernig sú keppni fer og að sjá hvaða kroppur verður valinn... ekki amalegt úrval þar allavega ;)
Spurning hvort maður kaupi ekki bara miða á áramótasálarballið á morgun enda er víst byrjað að selja miða á það... Kannski best að tryggja sér einn strax, svo að það endi ekki með því að það verði uppselt og ég komist ekki! það viljum við sko ekki!!! :D hehhe... hugsa ég verði samt rólegri núna á ballinu en í fyrra þar sem ég sló víst eftirminnilega í gegn, ætla að leyfa öðrum að spreyta sig núna ;) eitt er allavega víst að farið verður og skemmtun verður í hámarki! kannski að Dóra taki við mínu hlutverki eða að Gugga finni sjómanninn sinn ( í hot mama afahlýrabolnum sínum ) aftur :P heheh... mér er allavega strax farið að hlakka til !
Í gær var hringt í fólkið sem féll í einhverju í skólanum og ég slapp við hringingu og er þar með búin með Menntaskólann við Hamrahlíð takk fyrir! :)
Fór í morgun í viðtalið á einum leikskólanum og þegar ég kom á staðinn kom í ljós að ég þekkti aðstoðarleikskólastjórann en hún hefur þekkt mig frá því að ég var 6 ára... frænka Brynhildar og vann með múttu í 4 ár á sínum tíma... lítið land :D en ég fæ svo að vita hvað verður úr því starfi eftir helgi!
jæja held ég sé bara farin í háttinn... ciao :*

Strákurinn sem átti að taka vaktirnar á móti mér átti að mæta klukkan tvö í dag en svo um hálf þrjú hringdum við niður eftir og fengum þá að vita að snáðinn væri hættur! hann byrjaði nota bene í síðustu viku ... alveg spes kauði :D en já nóg að gera í dag, fólk ekkert smá pirrað enda allir á síðustu stundu með þessar sendingar sínar erlendis en það er bara svona, við íslendingar erum nú þekkt fyrir það ... ;)
Fór í Kringluna í gær og keypti bolinn sem ég ætla að vera innan undir dragtina og sá kostaði hvorki meira né minna en 8 þúsund kell! sem er náttúrlega brjálæði miðað við einn hlýrabol... kannski samt jafn mikið brjálæði að kaupa hann en maður útskrifast nú bara einu sinni og hann var svo ótrúlega flottur! ;) svo er dragtin bara eftir og skórnir... í fyrramálið er það svo klipping og strípur þannig að þessi útskriftarpakki verður allt annað en ódýr! Er á kvöldvakt á morgun og fimmtudag og er það ekki í neinu svakalegu uppáhaldi hjá mér, það er eitthvað svo þægilegt að vera bara til 5 í mesta lagi en svona er nú lífið ;)
Er svo að fara í viðtal á leikskóla á fimmtudaginn uppá vinnu fyrir næsta ár og hljómar þetta starf mjög vel, góður staður, góður tími og svona. Svo var haft samband við mig frá tveimur öðrum leikskólum í dag þannig að nú er bara að velja ... :)

Þá er maður farin að vinna eins og brjálæðingur og er það bara fínt finnst mér! Það eru alltaf sendir starfsmenn frá póstinum í Nóatúnsbúðirnar og var ég svo "heppin" að lenda einmitt í því. Þannig að fram að jólum er hægt að finna mig í Nóatúni í Grafarvogi ;) Framundan er bara vinna og meiri vinna... tja eða svona fyrir utan smá frí sem ég fæ í kringum útskrift sem er 21. des.... er búin að redda mér fríi 20 og 21 sem er AFAR ljúft! verð að vinna á aðfangadag en mér finnst ekkert að því enda búin um 12 leytið. Talandi um útskrift þá er ég búin að máta nánast hverja einustu flík í Smáralind og fengið perfect aðstoð og þjónustu en ekkert keypt! Vandamálið er nefnilega það að það eru svo ótrúlega falleg föt sem koma til greina að ég get ómögulega valið og öll Kringlan er eftir! Pælið í því !! :D
Lítið hefur verið um djamm uppá síðkastið en verður nú bætt upp fyrir það undir lok mánaðarins... ;) meira um það seinna... blikk blikk!
Ég er næstum búin að tala Skafta til með að fara að æfa dans með mér og munum við þá byrja spræk á næsta ári ... ég er að segja ykkur það að það verður klikkað fjör!
Jæja... helgin hálfnuð og ég hugsa að kvöldið í kvöld verði bara rólegt og huggulegt með kallinum, kúseligt eins eins og svíar eða einhverjir segja :D heheh

Jájájájájá... einstaklega gaman að þessu lífi... allt að ganga upp hjá mér á ný og til að krydda þetta aðeins með smá væmni, þá er ég einfaldlega ótrúlega hamingjusöm núna! Búin að fá vinnu í póstinum, verð í afgreiðslu þannig að endilega koma til mín þegar þið sendið jólakortin og svona, þannig að maður fái eitthvað að sjá ykkur. Það er reyndar ekki alveg komið á hreint hvar ég verð en það kemur allt á hreint í næstu viku... Villi bró kemur heim 18. og verður gaman að sjá hann aftur enda long time no see. Útskriftin verður svo 21. des klukkan 16.00 og verð ég hugsanlega með smá veislu um kvöldið fyrir fólkið enda merkur áfangi hjá manni ;) Var einmitt á Selfossi í dag og amma bað mig vinsamlega um að velja gjöfina núna þannig að ég fengi eitthvað sem ég vildi og væri ánægð með, og eftir laaaaangan tíma hjá gullsmiðnum ( sem átti ALLT of mikið af fallegum hlutum!) gat ég loksins ákveðið mig og er ég ekkert smá sátt við það! amma vildi endilega láta pakka því inn og hafði ég nú bara gaman að því. Þannig að ég var bara að vesenast á Selfossi og Hveragerði í dag og var það alveg ágætis tilbreyting, enda langt síðan maður hefur kíkt austur fyrri fjall.
Svo er maður bara eitthvað búin að vera að dunda sér þessa dagana enda engin próf hjá mér, hí á ykkur :P Náði lokaáfanganum í bókfærslunni með ótrúlegri ÁTTU takk fyrir og held ég að það sé svei mér þá eitthvað sem ég er mest stoltust af í mínu námi í MH! ;)
Ætlaði að segja eitthvað meira en er að pæla í að koma mér núna og kem þá bara með meira seinna.... Njótið lífsins krúttin mín!