hmm... það var eitthvað svakalegt sem ég ætlaði að skrifa hérna en það er algjörlega dottið úr mér núna...
allavega... helgin komin og margt sem planlagt er að gera af sér... veitti samt ekki að því að vera dugleg að læra þannig að ég hugsi að ég reyni að finna smá tíma fyrir það á morgun annars verður það bara að bíða til sunnudags eða mánudagsmorguns enda þarf ég ekki að mæta snemma þá ;)
öskubuskudæmið gekk alveg ágætlega og er ég komin með myndirnar inná tölvuna en hvort þær verði birtar almenningi er annað mál... kannski maður láti smá sýnishorn frá sér en það kemur betur í ljós seinna... :D
Jæja... ætla að fara að gera eitthvað sniðugt af mér... ;P

Mér finnst alveg ótrúlegt hvað tíminn flýgur frá manni... ég er búin að vera í skólanum í bráðum tvær vikur en finnst eins og ég hafi rétt svo byrjað í gær... það er alveg búið að vera hellingur að gera, maður gæti nú alveg staðið sig betur í lærdómnum en þetta fer svona rólega af stað... á að leika öskubusku í skólanum á morgun og þarf að bögglast með græna "prinsessu"kjólinn með mér í skólann... sem er alveg fyrirferðamikill... en það er nú bara gaman að því... fæ að vera með kórónu og læti ;)
ætlaði svo að tilkynna útskrift í dag en nei, þá er einhver vírus í tölvunum þannig að við áttum að koma aftur seinna... hmm...
Svo er eitt sem ég var að pæla í... afhverju er fólk að lofa öllu fögru ef það getur svo ekki staðið við orðin sín... eða allavega gert heiðarlega tilraun til að REYNA að standa við þau ? kannski er maður sjálfur jafnvitlaus að trúa þessum orðum, vitandi það að viðkomandi muni svíkja mann aftur... en já... ég er hætt að gefa svona marga sénsa... fólk verður bara að fara að nýta sín tækifæri betur... og hananú !! :D þurfti aðeins að koma þessari svakalegu pælingu frá mér ;)
svo er maður bara á leiðinni í bíó í kvöld... um hálf ellefu byrjar myndin og einhver sagði mér að þessi mynd væri frekar löng þannig að maður verður mjög hress í öskubuskuhlutverkinu klukkan 8 í fyrramálið... eða ekki... ;)

Kíkti í bæinn með Völu skvís í gær og skemmtum við okkur alveg dúndur vel... Hittum helling af fólki og ekki hægt að segja annað en að hressleikinn var alveg í fyrirrúmi í gær... kíktum aðeins á Felix, Celtic og Vegamót en enduðum nú alltaf á Sólon eftir hvert stopp og vorum semsagt mestmegnis þar... var komin heim um hálf 7 leytið í morgun og glaðvaknaði um níu og skellti mér í Baðhúsið um tíu með þynkuna í eftirdragi... held að mamma hafi haldið ég væri eitthvað geðveik en ég fékk nú alveg að kenna á því seinna í dag því um tvöleytið var ég alveg að drepast úr þreytu... er svo búin að vera meira og minna hjá Dóru minni í dag og þetta var svona mín helgi í grófum dráttum...Brynhildur og Jón voru svo að reyna að plata mig á smá rúnt en ég held mér veiti ekki af smá svefni... er eitthvað búin að vera hálfslöpp í dag... góða nótt babes !

Hvað er málið með að fara útúr bænum þessa helgi ?? Annika og Karó skelltu sér á Hólmavík og Dóra fór á Laugarvatn til kallsins ... ég er samt alveg á leiðinni á djammið og við Vala ætlum að mála bæinn rauðann á morgun... svo var Láki líka eitthvað að spá með morgundaginn... og svo voru sumir aðrir að spurja mig um kvöldið í kvöld... hvernig helgin endar hjá mér, er greinilega ekki fyrirsjáanlegt ... ;)

Þvílik og önnur eins vitleysa sem mann dreymir stundum !!! :D í nótt gifti ég mig takk fyrir... brúðgumann þekkti ég þó og það er einhver sem ég átti alveg minn tíma með... allavega snúum okkur aftur að draumnum, hringarnir voru keyptir í japan og sér ferð farin til að kaupa þá... í brúðkaupið sjálft neitaði mamma svo að koma og pabbi tók að sér aukavakt á sjónum til að sleppa... pabbi brúðgumans mætti ekki þar sem hann var búinn að segja mér að ég væri að gera vitleysu og einu gestirnir sem komu var mamma brúðgumans sem er þó plús þar sem hún er ekkert smá indæl og litlu tvíburafrændsystkinin hans sem ég hef samt aldrei hitt in real life og svo kom Dóra líka :)... allir aðrir vinir mínir komu heldur ekki... svo allt í einu meðan presturinn var að gefa okkur saman kom mamma askvaðandi inn með brauð í poka og vildi fá að vita hvar væri ruslafata... engin slík var þarna inni þannig að hún snéri við og strunsaði út aftur... svo var ég allt í einu komin inní einhverja skóbúð og vá... þvílík steypa ! enda svaf ég svo fast að ég vaknaði með hausverk... ekki sniðugt...

Þá er fyrsti skóladagurinn á síðustu önninni minni búinn og var hann afar lengi að líða... málið var líka það, að á mánudögum á ég ekki að byrja fyrr en 11 en þar sem ég þurfti að fá nýja töflu átti ég að mæta 8:10 í dag og skólasetningin var búin um 9 og þá var ég bara í gati til 11... svo hringdi inn í þann tíma og við Annika og Gróa röltum af stað en viti menn... var ekki bara kennarinn veikur ! fyrsta skóladaginn... :D þannig að fyrsti tíminn minn byrjaði tuttugu mínútur í eitt... svo erum við stelpurnar allar í gati eftir þann tíma, eða þar til útskriftaráfanginn byrjar þannig að við bara skelltum okkur í búðarráp á laugarveginn !! ;) gaman að því... skellti mér svo í baðhúsið eftir skólann sem var búinn seint og síðar meir og komst að því að kortið mitt rennur út eftir 4 daga takk fyrir... þannig að maður þarf að endurnýja það sem fyrst !
Til að víkja aðeins aftur að skólamálum þá er komið á hreint að útskriftin verður 21. des klukkan fjögur.... það er þriðjudagur by the way... en það verður bara að hafa það, fólk verður bara að taka sér frí, það er að segja þeir sem ekki verða komnir þá þegar í jólafrí, enda skyldumæting til mín þennan dag !! ;) heheh !

Þessi helgi ,sem var að líða, var miklu skrautlegri en ég átti von á en er það bara í besta lagi... enda um að gera að taka vel á því áður en skólinn fer á fullt... Fórum í partý í grafarvogi á föstudaginn og þar ætlaði ég ekkert að drekka en nei, endaði auðvitað frekar hress á því... ekki hægt að neita að það var fjör þarna enda margir vel í glasi... :) úff svo þegar allir voru að fara ákvað ég að bíða eftir Rúnari bara við bensínstöðina sem er nú kannksi ekki beint viturlegt á föstudagsnótt enda komu fullt af bílum þarna flautandi framhjá og ég var orðin nokkuð smeyk sko... enda var ég nú ekki í besta ástandinu sem hægt var að vera í... en þurfti nú ekki að bíða lengi eftir honum þannig ég var alveg safe... Fórum svo á Menningarnótt og gær og var tekið vel á því, betur en á föstudeginum ótrúlegt en satt ! byrjuðum reyndar kvöldið hjá Anniku sem var með smá teiti og svo lá leiðin niðrí bæ þar sem flugeldar tóku vel á móti okkur ! Ekki er hægt að neita því að bærinn var stútfullur þegar við komum en svo fór heldur betur að grisjast þegar á leið á nóttina.... En þetta var stemmari !!
svo er bara skóli á morgun... langt síðan maður hefur sagt þetta... :D

jæja... nú er hægt að skrifa comment við hverja mynd á myndasíðunni... ;)

Já góðann daginn segi ég nú bara ! maður hefur verið heldur duglegur að djamma í sumar og er allt gott um það segja en núna fer það ábyggilega minnkandi þar sem skólinn fer senn að byrja... en það er spurning hvort ekki sé bara hægt að sameina þetta einhvern veginn, vera bara mega duglegur í skólanum þannig að maður getur kíkt með góðri samvisku á djammið svona einstaka sinnum allavega... maður spyr sig, eins og Rúnar orðar svo skemmtilega ;) Menningarnótt er allavega um helgina og þá verður tekið almennilega á því, svona rétt áður en skólinn byrjar, það er alveg klárt !! Búin að setja nokkrar myndir inná myndasíðuna sem teknar hafa verið á sólon...
Svo kláraði ég sálfræðina og fékk 7 í lokaprófinu, alveg eins og ég var búin að spá og var frekar sátt við það... þessar einingar létta ótrúlega mikið fyrir mér í haust og núna er ég eiginlega pottþétt að útskrifast um jólin... :)
Skólinn byrjar víst á mánudaginn en ég ætla að reyna að sækja stundatöfluna mína á fimmtudaginn og er ég frekar spennt að fá hana í hendurnar... þetta verður ágætis önn held ég, er í einu lokaprófi og það er próf sem ég get tekið hvenar sem er á önninni, þess vegna strax í september ef ég verð dugleg...

Örfáar myndir eru komnar á linkinn hérna hliðiná.... hvað er samt málið með stóru stafina á hinum linkunum ?!?